مساعدة مهمه جداااا ارجوكو

[Ahmed adel 23]

اولا انا بجد حبيت المنتدى دة واعضائه بعد ما شوفت الروح الحلوة اللى بينكو
انا اشتركت مخصوص علشان عاوز مساعدتكو
انا قدامى عربيه اوبل فيكترا 1997 الشكل الجديد هى 2000 سى سى اوتوماتيك هى معروضه عليا من زميل والدتى دكتور وعاوز يجدد وحالتها حلوة وسعرها كويس وكارمنى فيها هى ب 45
المهم انا عارف ان الرقم دة قليل عليها بس ممكن يكون علشان معرفه وكدة
المهم هسال اسئله كتير هتحدد اذا كنت اخد العربيه ولا لاء وانا اسف استحملونى شويه
1 مكان كويس اكشف على العربيه فيه حتى لو غالى عادى ? وبكام ?
2. عاوز اعرف كدة مواصفات الماتور وكماليات العربيه الموديل دة بالتفصيل الممل مع الشرح
وايضا الكماليات اللى ممكن ازودها عليها
وهل المرايات بتاعتها ممكن تتغير بمرايات متحركه سواء ضم كهرباء او عادى ? ولو ينفع يبقى بكام
هو انا لو حاله العربيه كويسه ايه الصرف اللى ممكن تحتاجو منى لانى هبقى معيش ساعتها غير تمن البنزين
والصيانه الدوريه بتبقى كل قد ايه وبكام
الضريبه عامله كام فى الترخيص
عاوز مقارنه بين اللانسر الكرستاله او اى عربيه وبين الفيكترا فى قطع الغيار لانى سمعت ان قطع الغيار غاليه ياريت تدونى امثله
فى ناس بتقولى ان ماتورها لو عامله عداد 200000 تبقى جابت اخرها هل دة حقيقى ولا ممكن تمشى لغايه كام عداد وتبقى ماتورها كويس
ياريت اعرف رنج استهلاك البنزين
اخر سؤال ويعتبر اهم سؤال
حوار رفع دعم البنزين عن ال 2000 سى سى هل اكيد ولا لاء ولو فعلا اكيد ممكن ساعتها اسقطلها موتور يبقى 1600 مع وجود الفتيس الاوتوماتيك الحالى وياترى بكام ?
شكرا مقدما للاعضاء اللى هتساعدنى واسف جدا للاطاله

[islamhossam]

متابع وان شاء الله الاعضاء يساعدوك

[kornclub]

اولا. لازم تكشف كويس ممكن التوكيل تكلمهم يحددلك معاد وتروح تكشف ، تاني حاجه الاوبل ممكن تغير اكسسوارتها بسهوله، لو الماتور كويس مش هتستهلك بنزين جامد ، برضه حضرتك اقرأ شويه بالمنتدي

[فادى محمد]

الموضع ده هيفيدك.و200000 كم عداد مش كتير علي عربيه الماني زي دي . المواتير دي بتعمل 500000كم بسهوله

http://www.nilemotors.net/Nile/244147-b1-b2.html

[amr elsisi]

روح لمركز اليسر في صقر قريش
هناك مهندس حسام كان شغال في التوكيل وعندة جهاز تيك 2
لازم تكشف عاليها كويس علشان ماتزعلش منها

[Ahmed adel 23]

اولا احب اشكر كل اللى رد عليا وبجد معلوماتكو ساعدتنى كتير
بس فى اسئله محدش جاوبنى فيها. بالذات اهم سؤال اللى هو بتاع ان دعم البنزين يترفع عن ال 2000 سى سى ولا دة خبر مش صح ومش هيطبق
لا لو اطبق مش هيبقى قدامى غير بديلين انى ابيع العربيه واخسر 15000 او انى اشترى لتر البنزين ب 6 او 5 جنيه فياريت لو حصل حد يقولى هيبقى فى بدايل ? كتسقيط ماتور او ما شابهه

[فادى محمد]

موضوع دعم البنزين ده موضوع عام مالوش دعوه بالاوبل.
راجع المواضيع المثبته هتعرف كل حاجه عن التسقيط وخواص المواتير وخلافه..

[Ahmed adel 23]

اولا احب اشكر حضرتك جءا لمساعدتك
بس انا بتكلم على ان الدعم دة فعلا هيتشال عن كل ال 2000 سى يى ولا لاء انا مجرد بشوف وجهات النظر ولو اتطبق فعلا هل ينفع اننا ساعتها اللى معاه اوبل اوتو 2000. سى سى ينفع يسقط ماتور اقل من 1600 او 1600 على نفس الفيتيس الاوتو ولا لاء
وشكرا

[احمد الصعيدي]

انت مشكلتك الوحيده بعد ماتشتري العربيه دي انك مش هتعرف تركب اي عربيه غير الاوبل اما موضوع دعم البنزين ده فهما بيقولوا ان كل العربيات هيبقي ليها كميه محدده ومدعومه من البنزين وفي الاخر هيتلغي الدعم عن كل العربيات

[Amrgamal1]

روح لمركز اليسر في صقر قريش
هناك مهندس حسام كان شغال في التوكيل وعندة جهاز تيك 2
لازم تكشف عاليها كويس علشان ماتزعلش منها

مهندس ؟ بقي مهندس امتي !
هما بيقولوله يا هندسه بس هو مش مهندس ولا حاجه