كشف شامل على سيارة اوبل

[أشرف العدوي]

ممكن اعرف اقرب مكان من فيصل يكون بيعمل كشف شامل على سيارات اوبل او اقرب بنزينة يكون موثوق فيها و هل يكفي كشف البنزينة و لا لازم ميكانيكي و سمكري يشوفوها بردو يعني ؟
للكشف على فيكترا 97 2000 سي سي كاملة
هي معروضة عليا فابركة بروة و جوة و بدهان المصنع
الغريب ان بها فتحة سقف و صاحبها بيقول انا كدة نازلة فابريكة بفتحة سقف
فعايز أتاكد من الموضوع ده
و الكشف الشامل تكلفة كام في مركز خدمة معتمد
و تكلفته في البنزينة كام
و شكراً

[ENG\AHMED]

ممكن اعرف اقرب مكان من فيصل يكون بيعمل كشف شامل على سيارات اوبل او اقرب بنزينة يكون موثوق فيها و هل يكفي كشف البنزينة و لا لازم ميكانيكي و سمكري يشوفوها بردو يعني ؟
للكشف على فيكترا 97 2000 سي سي كاملة
هي معروضة عليا فابركة بروة و جوة و بدهان المصنع
الغريب ان بها فتحة سقف و صاحبها بيقول انا كدة نازلة فابريكة بفتحة سقف
فعايز أتاكد من الموضوع ده
و الكشف الشامل تكلفة كام في مركز خدمة معتمد
و تكلفته في البنزينة كام
و شكراً

سمكرى موثوق فية يبص على العربية الاول -علشان متدفعش فلوس على الفاضى-لو قال اوكى روح اكشف فى التوكيل
فى مقار فى الدقى وفى منصور الصحراوى
لو فتحة السقف فابريكة تبقى المانى مش مصرى-منصور منزلش فيكترا بفتحة سقف- ودى سهل تعرفها من الزجاج وفرش الكراسى

[Ahmad Allawy]

مهلش حاول توضح شوية كمان يا احمد عشان يبقي سهل علي الراجل انه يعرف يفرق..
بيتهيألي الزجاج الامامي هيبقي نوعه جي ام.. مش دكتور جريش..
بس النقفطة انه ممكن يكون اتكسر و غيره بواحد جريش.. فهل في زجاج تاني ممكن يميز منه..؟؟
الابواوب الامامية مثلا؟؟
و يعرف منين في فرش الكراسي..؟؟ انا عارف انه المصري نوعه موبيكا باين..
بس هل لازم يفك الكراسي او الكنبة ولا هيعرف منين بالظبط؟

اما بالنسبة للكشف.. افضل انك تروح منصور الصحراوي.. بس حاول تكلمهم تحجز قبلها عشان الوقت يعني. الكشف الشامل كل حاجة خالص بيتكلف حوالي 200 جنيه..
وده افضل من البنزينه بكتير طبعا.. ناس فاهمة و عارفة بتعمل ايه..

[ENG\AHMED]

مهلش حاول توضح شوية كمان يا احمد عشان يبقي سهل علي الراجل انه يعرف يفرق..
بيتهيألي الزجاج الامامي هيبقي نوعه جي ام.. مش دكتور جريش..
بس النقفطة انه ممكن يكون اتكسر و غيره بواحد جريش.. فهل في زجاج تاني ممكن يميز منه..؟؟
الابواوب الامامية مثلا؟؟
و يعرف منين في فرش الكراسي..؟؟ انا عارف انه المصري نوعه موبيكا باين..
بس هل لازم يفك الكراسي او الكنبة ولا هيعرف منين بالظبط؟
..

بص ياباشا وركز فى الخطوات :D
-الاول هتسأل الراجل سؤال برئ هى مصرى ولا استيراد وتشوف هيرد عليك يقولك اية لو قالك مصرى سيبة وامشى لأن منص "منصور يعنى :)" منزلش منها بفتحة سقف لو قالك استيراد يبقى تمام تكمل باقى الخطوات
-وانت بتتفرج على العربية عادى جدا وبتلف حواليها خلى بالك من نوع الزجاج الامامى والابواب كلها ( التجميع المصرى بتبقى العربية كلها د/جريش ماعادا الزجاج الخلفى والقوايم الخلفية ) وطبعا صعب اوى يبقى مغير زجاج العربية كلها
-قاعدة الكنبة ليها مفصلة -بتتفتح زى الباب- "الجزء اللى بيتقعد علية اللى تحتة طلمبة البنزين" هتمد ايدك بين القاعدة والضهر وترفع القاعدة - المفروض بيبقى ليها مقبض بتتفتح منة بس ممكن يكون مركب فلرش او مدخلة تحت الكنبة- المهم هتفتح الكنبة وبص على تكت الفرش من تحت لو موبيكا يبقى مصرى
-لو اكتشفت انها تجميع مصرى وهو كان قالك استيراد نفضلة بردو لسببين الاول ان فتحة السقف مطلعتش فابريكة والتانى انة كان بيكدب عليك وزى ماكدب فى دى ممكن يكدب فى حاجات تانية فى العربية
- لو طلعت استيراد فعلا يبقى ممكن تكون فتحة سقف فابريكة وكدة تبقى تكشف كويس عليها علشان تتأكد

اى خدعة :)

[Ahmad Allawy]

ايوة كده يا حماده..
كفاءة كده..

[أشرف العدوي]

ألف شكر يا جماعة على أهتمامكم و ربنا يوفقني بقى و اقدر اركب اوبل انا فعلاً تعبت من التدوير .
إن شاء الله هبقى اقولكم ايه الي حصل

[أشرف العدوي]

روحت امبارح شوفت العربية العربية كان ليا ملاحظات
العربية الصالون بتاعها نظيف جداً
فتحة السقف بكرة مش كهرباء ( زي بتاعة الكورسا)
الكنبة الخلفية بتتني
دهان الفابريكة بس المشكلة انه مفقفق من الشمس و في حتت قشرت ( فوق الزجاج الخلفي بطول الزجاج و عرض حوالي 2 سم )
بعض التجرحات و الخبطات البسيطة
الموتور عليه زيت سألته قالي عايز جوان تاكيهات ( الموتور صوته عادي جداً و لما قمت بالتجربة لقيت سحبه حلو و صوته هادئ )
كنت حاسس ان الدركسيون تقيل شوية و مش بيرد بعد الملفات قالي عايزة علبة دركسيون
العفشة بتاعتها حلوة مش خشنة قوي و مش نعمة قوي
في صوت تصفير بسيط مع استعمال الفرامل
التكييف جيد جداً قمت بتجربته على جميع الدرجات
عداد الكيلو متر 251000
و صلت للسعر لـ 54000
ايه رأيكوا
و ياريت تقولولي تكلفة علبة الدركسيون الاصلي كام هو قالي 1500 و جوان التاكيهات هوالي 180 جنيه
ارجو الرد من خبراء الاوبل

[Ahmad Allawy]

روحت امبارح شوفت العربية العربية كان ليا ملاحظات
العربية الصالون بتاعها نظيف جداً
فتحة السقف بكرة مش كهرباء ( زي بتاعة الكورسا)
الكنبة الخلفية بتتني
دهان الفابريكة بس المشكلة انه مفقفق من الشمس و في حتت قشرت ( فوق الزجاج الخلفي بطول الزجاج و عرض حوالي 2 سم )
بعض التجرحات و الخبطات البسيطة
الموتور عليه زيت سألته قالي عايز جوان تاكيهات ( الموتور صوته عادي جداً و لما قمت بالتجربة لقيت سحبه حلو و صوته هادئ )
كنت حاسس ان الدركسيون تقيل شوية و مش بيرد بعد الملفات قالي عايزة علبة دركسيون
العفشة بتاعتها حلوة مش خشنة قوي و مش نعمة قوي
في صوت تصفير بسيط مع استعمال الفرامل
التكييف جيد جداً قمت بتجربته على جميع الدرجات
عداد الكيلو متر 251000
و صلت للسعر لـ 54000
ايه رأيكوا
و ياريت تقولولي تكلفة علبة الدركسيون الاصلي كام هو قالي 1500 و جوان التاكيهات هوالي 180 جنيه
ارجو الرد من خبراء الاوبل

اسمحلي ارد كده علي ما الابطال بتوع الفيكترا يظهروا علي الساحة..
فتحة السقف البكرة دي غالبا تبقي اوريجينال.. عشان صعب تلاقيها و تركبها كده مظبوط.. (بس مش متأكد برضه..)
موضوع الكنبة اللي بتتني دي تقريبا مش موجوده ف المصري برضه.. عشان دي من المواصفات الاوروبي..
بس انت ماخدتش بالك ان كان عليها الليبل بتاع موبيكا ولا لأ.. (هي غالبا مش موبيكا ومش مصري..)
و الزجاج برضه نسيت تشوفه او نسيت تقولنا عليه..
موضوع الدهان اللي قشر فوق الزجاج ده لازم يتعالج عشان البارومة و ولو المية دخلت ف المكان ده خطر جدا..
هتفضل ف فرش السقف و ممكن تعمل بارومة ف السقف.. و تبقي مشكلة.. خلي بالك..
موضوع جوان التاكيهات عادي برضه.. بس كبس املوتور هو اللي هيبين..و كمان لما ميكانيكي فاهم يبص عليه.. ممكن يعرف اذا كان الموتور مفتوح ولا لأ.. لو جوان وش سلندر يعني..
صوت الموتور مش مقياس لأي حاجة..
علبة الدركسيون مش عارف بس هي غالبا غالية قوي.. شوف سومو ممكن يكون عارف.. الناس هتفيدك متقلقش.. بس هي غالية..
وبعدين ممكن متكونش علبة دركسيون.. دي مالهاش علاقة بالتقل.. دل هتبان لما تدخل في طريق مكسر هتحس بالتخبيط الرفيع كده ف العفشة.. لكن التقل ده ممكن يكون طلمبة باور ودي بسيطة.. مش غالية قوي.. سومو غيرها قريب..
العفشة كده غالبا الطبيعي بتاعها عشان هي مش ناعمه .. تعتبر ناشفة..
التصفير ف الفرامل ده طبيعي جدا في كل الاوبل اصلا.. مفيهوش قلق..
العداد كتير شوية.. بس كبس الموتور هو اللي هيحدد بقي الاستعمال ده كان شكله ايه.. فحت ولا هادي..
السعر حاول تنزل بيه شوية عشان العداد الكتير.. بس هو مبدئيا كويس..
السعر بتاع قطع الغيار.. ممكن تشوف موضوع قطع غيار اوبل جديدة هتلاقي نمر تليفونات محلات قطع غيار نضيفة.. اتصل و اسأل

[أشرف العدوي]

ألف شكر يا أستاذ احمد على الرد السريع
و ياريت تتكرم لو تعرف توكيل مقار فاتح الجمعة و لا لاء ولا أخدها بنزية و خلاص
هو الزجاج كان جريش . ماعدا الخلفي و الشماستين بس فتحة السقف شكلها مش معمول خالص حتى البكرة ليها مكان بتبات فيه في فرش السقف

[Ahmad Allawy]

ألف شكر يا أستاذ احمد على الرد السريع
و ياريت تتكرم لو تعرف توكيل مقار فاتح الجمعة و لا لاء ولا أخدها بنزية و خلاص
هو الزجاج كان جريش . ماعدا الخلفي و الشماستين بس فتحة السقف شكلها مش معمول خالص حتى البكرة ليها مكان بتبات فيه في فرش السقف

والله مش فاكر فاتحين الجمعه ولا لأ..
بس لو وليد بك عبد العزيز شاف الموضوع هيقولك عشان هو اللي بيتعامل معاهم علي طول..
بس غالبا هما اجازة الحد بس..
و ممكن السبت كمان عادي..
بس اهم حاجة تروح بدري الصبح.. عشان متتأخرش..

[أشرف العدوي]

أتصلت بالمعلم مقار دلوقتي قالي علبة الدركسيون بــ 4500 لحلوح
من غير التركيب طبعاً ماسألتوش فاتحين الجمعة و لا لاء علشان خلاص صرفت نظر عن العربية دي
من اولها 4500 جندي و كمان ماعندهمش جوان تاكيهات
غير الحاجات الي هأكتشفها ساعة الكشف
خيرها في غيرها

[abdelaziz-waleed]

ألف شكر يا أستاذ احمد على الرد السريع
و ياريت تتكرم لو تعرف توكيل مقار فاتح الجمعة و لا لاء ولا أخدها بنزية و خلاص
هو الزجاج كان جريش . ماعدا الخلفي و الشماستين بس فتحة السقف شكلها مش معمول خالص حتى البكرة ليها مكان بتبات فيه في فرش السقف

مقار الدقي فاتح كل يوم من الساعة 8 ونص للساعة 5 ما عدا يوم الاحد اجازة
ما فيش داعي تتصل تحجز اهم حاجة تروح بدري زي ما علاوي باشا قال
واحسن ميعاد تروح فيه يوم الجمعة علشان الناس كلها بتبقى اجازة
ومحتاجة عربياتها للخروجات العائلية فا بتبقى العملية هناك هادية جدا
الصيانة الدورية تمنها 180 جنيه بس مش عارف الكشف على السيارة قبل الشراء
بكام بس الخدمة ديه موجودة عندهم وممكن كمان تكشف بالجهاز ب 100
جنيه ويستحسن تعمل الكشف ده برده
بالتوفيق ان شاء الله

[أشرف العدوي]

مقار الدقي فاتح كل يوم من الساعة 8 ونص للساعة 5 ما عدا يوم الاحد اجازة
ما فيش داعي تتصل تحجز اهم حاجة تروح بدري زي ما علاوي باشا قال
واحسن ميعاد تروح فيه يوم الجمعة علشان الناس كلها بتبقى اجازة
ومحتاجة عربياتها للخروجات العائلية فا بتبقى العملية هناك هادية جدا
الصيانة الدورية تمنها 180 جنيه بالتوفيق ان شاء الله

متشكر جداً على المعلومات الهايلة دي

بس مش عارف الكشف على السيارة قبل الشراء
بكام بس الخدمة ديه موجودة عندهم وممكن كمان تكشف بالجهاز ب 100
جنيه ويستحسن تعمل الكشف ده برده

ليه اعمل الكشف ده بره ليه ؟
هو حضرتك قصدك الكشف قبل الشراء و لا كشف الكمبيوتر بس

[abdelaziz-waleed]

أتصلت بالمعلم مقار دلوقتي قالي علبة الدركسيون بــ 4500 لحلوح
من غير التركيب طبعاً ماسألتوش فاتحين الجمعة و لا لاء علشان خلاص صرفت نظر عن العربية دي
من اولها 4500 جندي و كمان ماعندهمش جوان تاكيهات
غير الحاجات الي هأكتشفها ساعة الكشف
خيرها في غيرها

على فكرة يا استاذ اشرف. الحاجت الميكانيكية في العربية ديه بتكون بره التوكيل ارخص بكتير وبتكون برده الماني او اصلي
وممكن حضرتك تجبها استيراد نضيفة جدا
هو بس عدد الكيلومترات كبير بس مش مقياس.
انا عندي العربية عاملة 180 الف كيلو وموديل97 برده وما شاء الله جميلة
وبيتعملها الصيانة الدورية في التوكيل من سنة 97
انت بس خدها اكشف عليها وشوف هايقلولك ايه
الاوبل فعلا عربية ممتازة وبتاعة خدمة شاقة

[ENG\AHMED]

روحت امبارح شوفت العربية العربية كان ليا ملاحظات
العربية الصالون بتاعها نظيف جداً
فتحة السقف بكرة مش كهرباء ( زي بتاعة الكورسا)
الكنبة الخلفية بتتني
دهان الفابريكة بس المشكلة انه مفقفق من الشمس و في حتت قشرت ( فوق الزجاج الخلفي بطول الزجاج و عرض حوالي 2 سم )
بعض التجرحات و الخبطات البسيطة
الموتور عليه زيت سألته قالي عايز جوان تاكيهات ( الموتور صوته عادي جداً و لما قمت بالتجربة لقيت سحبه حلو و صوته هادئ )
كنت حاسس ان الدركسيون تقيل شوية و مش بيرد بعد الملفات قالي عايزة علبة دركسيون
العفشة بتاعتها حلوة مش خشنة قوي و مش نعمة قوي
في صوت تصفير بسيط مع استعمال الفرامل
التكييف جيد جداً قمت بتجربته على جميع الدرجات
عداد الكيلو متر 251000
و صلت للسعر لـ 54000
ايه رأيكوا
و ياريت تقولولي تكلفة علبة الدركسيون الاصلي كام هو قالي 1500 و جوان التاكيهات هوالي 180 جنيه
ارجو الرد من خبراء الاوبل

-تقل الدريكسيون لية اسباب تانية مش شرط علبة دريكسيون
-كل الفكترا الكنبة بتتنى
-من موضوع الزجاج اللى بتقول علية العربية مصرى ومفيش مصرى بفتحة سقف والا كنا شفناها فى الشارع , نادر اوى لما تلاقى فكترا بفتحة سقف وبتبقى من برة الفكترا الوحيدة اللى منصور نزلها بفتحة سقف ال CDX
-انا شايف السعر علية علامات استفهام 54000 و2000 سى سى و97 !! اومال لو كانت 1.6 ولا موديل 96 !!