كشف شامل على سيارة اوبل

[ENG\AHMED]

نسيت حاجة العداد مش مقياس فى اى عربية , العربية فى الاول والاخر استخدام ممكن تلاقى عربية ماشية اضعاف عربية تانية بس حالتها انضف ومتحافظ عليها
نصيحة متمشيش ورا حوارات العدادات دى كتير كلة بيتضرب دلوقتى هاتلى اى عربية وشوف عايز عداداها يبقى كام ولو عايزنى اخليهالك لسة فى التليين مفيش مشكلة اهم حاجة الكشف وحالة العربية

[أشرف العدوي]

يعني اتوكل على الله و اروح اكشف عليها و لا اشوف غيرها و اوفر تمن الكشف ده لعربية تاني ( انا كاشف على 3 عربيات قبل كدة و خلاص قولت مش هكشف تاني غير لما اكون خلاص هدفع الفلوس للأطمئنان فقط )
انا حاسس اني ممكن الاقي حاجة احسن من كدة
السعر هو كان طالب 60000 في الاول
بس بعد ما شوفت الزيت الي على الموتور ( هو قالي جوان تاكيهات بس انا مش مقتنع بالموضوع ده . هو جوان التاكيهات ممكن يسرب زيت خارج الموتور )
و بعد اكتشاف موضوع علبة الدركسيون ( هو كمان قالي انها عايزة تتغير )
غير الرش الخارجي و السقف المتقشر من فوق الزجاج الخلفي
موتور المراية الشمال مش شغال
الزجاج الشمال طالع من المجرة بتاعته
متهيألي 54000 كتير عليها
و بعدين انا استخسر اركب في اوبل فيكترا حاجة برة التوكيل او استيراد
مش عارف انا خلاص زهقت من البحث و مش عارف اعمل ايه

[abdelaziz-waleed]

متشكر جداً على المعلومات الهايلة دي

ليه اعمل الكشف ده بره ليه ؟
هو حضرتك قصدك الكشف قبل الشراء و لا كشف الكمبيوتر بس

انا ما قولتش اعلمله بره قولت اعمله برده يعني ايضاً

-انا شايف السعر علية علامات استفهام 54000 و2000 سى سى و97 !! اومال لو كانت 1.6 ولا موديل 96 !!

انا فعلا كنت هاقول كدة يا احمد بس ما حبتشي اعقد الراجل او اخوفه من العربية على اساس ان لسه في كشف هايبين كل حاجة
خاصة انه بيقول فابريقة جوة وبره وكاملة وفتحة سقف كل ده ب 54 الف بس اومال انا عريتي تجيبلي كام بقى 30 الف

[ENG\AHMED]

يعني اتوكل على الله و اروح اكشف عليها و لا اشوف غيرها و اوفر تمن الكشف ده لعربية تاني ( انا كاشف على 3 عربيات قبل كدة و خلاص قولت مش هكشف تاني غير لما اكون خلاص هدفع الفلوس للأطمئنان فقط )
انا حاسس اني ممكن الاقي حاجة احسن من كدة
السعر هو كان طالب 60000 في الاول
بس بعد ما شوفت الزيت الي على الموتور ( هو قالي جوان تاكيهات بس انا مش مقتنع بالموضوع ده . هو جوان التاكيهات ممكن يسرب زيت خارج الموتور )
و بعد اكتشاف موضوع علبة الدركسيون ( هو كمان قالي انها عايزة تتغير )
غير الرش الخارجي و السقف المتقشر من فوق الزجاج الخلفي
موتور المراية الشمال مش شغال
الزجاج الشمال طالع من المجرة بتاعته
متهيألي 54000 كتير عليها
و بعدين انا استخسر اركب في اوبل فيكترا حاجة برة التوكيل او استيراد
مش عارف انا خلاص زهقت من البحث و مش عارف اعمل ايه

-جوان غطا التاكيهات لو بايظ هيعرق زيت برة
-ايا كان السعر اللى طالبة وايا كان انت وصل معاة لاية وايا كان حالة العربية انا اعرف اللى ينزل ينزل فى الف الفين مش ستة الاف مرة واحدة ومن غير متكشف كمان

[أشرف العدوي]

طيب معلش ممكن سؤال بس اصل انا ملايش خبرة خالص في الميكانيكا
هي علبة الدركسيون دي فايدتها ايه بالظبط
و ايه الضرر لو مشيت بيها فترة بتاعة 6 شهور مثلاً و هي عايزة تتغير

[أشرف العدوي]

جوان غطا التاكيهات لو بايظ هيعرق زيت برة

هو فعلاً معرق زيت بره
ممكن اعرف تكلفته كام لاني مالقتهوش في مقار

[ENG\AHMED]

هو فعلاً معرق زيت بره
ممكن اعرف تكلفته كام لاني مالقتهوش في مقار

مش فاكر بكام بالظبط بس تقريبا كان مية وحاجة

[أشرف العدوي]

انا اعرف اللى ينزل ينزل فى الف الفين مش ستة الاف مرة واحدة ومن غير متكشف كمان

انا نزلت النزلة دي و اصريت عليها لاني كنت عايز اهرب من البيعة دي زي ما بيقولواً
لاقيتو ( زمزأ ) شوية كدة و بعدين وافق

[ENG\AHMED]

انا نزلت النزلة دي و اصريت عليها لاني كنت عايز اهرب من البيعة دي زي ما بيقولواً
لاقيتو ( زمزأ ) شوية كدة و بعدين وافق

سيبك منها لو العربية نضيفة عمرة مينزل كدة وينزل للسعر دة
دة رأيى وانت حر

[أشرف العدوي]

مش فاكر بكام بالظبط بس تقريبا كان مية وحاجة

هو فعلاً صاحب العربية قالي حوالي 180 جنيه

على فكرة العربية فيها سوند سيستم ما يقلش عن 2500 جنيه
و انا كدة فعلاً قلقت من العربية دي.

[أشرف العدوي]

سيبك منها لو العربية نضيفة عمرة مينزل كدة وينزل للسعر دة
دة رأيى وانت حر

انا معاك في الرأي ده
لاني شوفت وادة قبل كدة كانت زبالة خالص و كان صاحبها ماسك في 56000 مش راضي ينزل شلن
و ده العربية فيها الحاجات الي انا اكتشفتها دي و 54000 بس
حاجة تقلق
بس العربية فعلاً مش راشة برة خالص .
ده فيه استيكر كدة على الرفرف الخافي (أسكوتش شفاف ) بينزل معاه لما بتكون عليها اللزق الابيض ده تصور الاستيكر ده لسة موجود .
و التابلوه بتاعها تحفة لونه عسلي غامق
و كل حاجة فيه شغالة ماعدا الشاشة طبعاً.

[abdelaziz-waleed]

يعني اتوكل على الله و اروح اكشف عليها و لا اشوف غيرها و اوفر تمن الكشف ده لعربية تاني ( انا كاشف على 3 عربيات قبل كدة و خلاص قولت مش هكشف تاني غير لما اكون خلاص هدفع الفلوس للأطمئنان فقط )
انا حاسس اني ممكن الاقي حاجة احسن من كدة
السعر هو كان طالب 60000 في الاول
بس بعد ما شوفت الزيت الي على الموتور ( هو قالي جوان تاكيهات بس انا مش مقتنع بالموضوع ده . هو جوان التاكيهات ممكن يسرب زيت خارج الموتور )
و بعد اكتشاف موضوع علبة الدركسيون ( هو كمان قالي انها عايزة تتغير )
غير الرش الخارجي و السقف المتقشر من فوق الزجاج الخلفي
موتور المراية الشمال مش شغال
الزجاج الشمال طالع من المجرة بتاعته
متهيألي 54000 كتير عليها
و بعدين انا استخسر اركب في اوبل فيكترا حاجة برة التوكيل او استيراد
مش عارف انا خلاص زهقت من البحث و مش عارف اعمل ايه

اذن انه الخلعووووووووون
كل الكام اللي حضرتك بتقوله ده يدل على ان العربية كانت متهانة لابعد الحدود
والراجل زهق منها ومش عاوز يعمل فيها حاجة ويخلص منها
انصحك ابعد زي ما احمد قال

[أشرف العدوي]

اذن انه الخلعووووووووون

و رايا يا رجالة

[ENG\AHMED]

و التابلوه بتاعها تحفة لونه عسلي غامق
.

انا مش عايز اعقدك ولا اصدمك بس الصراحة تقتضى ذلك

صالون الفكترا فى منة 3 الوان بس رصاصى واسود وبيج ودة مش موجود هنا .. العسلى دة اخترعوة امتى وغمقوة امتى معرفش :D:D

[أشرف العدوي]

انا مش عايز اعقدك ولا اصدمك بس الصراحة تقتضى ذلك

صالون الفكترا فى منة 3 الوان بس رصاصى واسود وبيج ودة مش موجود هنا .. العسلى دة اخترعوة امتى وغمقوة امتى معرفش

انا خلاص اتصدمت
نفسي انضم للعصابة دي في اقرب وقت ( عصابة الاوبل )
هتروحوا مني فين جايلكوا جايلكوا
( بكرة اجيب الحتة الاوبل و افولها و اجيلك يا بت يا نوسة ) على طريقة اللمبي