مشكلتين فى العربيه وعاوز احلهم

[ah-elgendy]

1-العربيه بتعمل صوت وانا بلف الدركسيون ناحيه طرمبه البور فتحت الكبوت لقيت زيت البور بيخرج من خرنه البور والدركسيون تقيل رحت للميكانيكى بيقولى العيب من طرمبه البور عاوزة تتغير بتقلب الزيت جامد فيخرج من فتحه الفايز اللى عند الغطاء فيقولى هاتها استيراد زهر للعلم انا مركب طرمبه صينى من حوالى سنتين ونصف وانا مش مقتنع بكلام وبقول العيب فى الغطاء ان الكاوتشه اللى فيه مش موجوده انتوا رائيكم ايه ؟
2- انا غيرت الكاوتش ورصصت و ظبطت زوايا العربيه فيها رجه بعد 120 وكمان الطاره مش مظبوطه وبيقولى ديه عاوزه تتفك و تتعدل علشان العربيه مظبوطه كده من تحت
بالمره اغير فاونيس العربيه دبيو منين وبكام امامى اللى هى حته وحده بتاعت b2
اكشف ع زيت الفتيس فين ؟

[haisam ali]

بخصوص طرمبه الباور انا كنت عملت موضوع من فتره عن انك بتجيب الطرمبه بتاعت ال a4 اوكتافيا موديل ٩٨ و ٩٩ وكده وبتفور الطاره بتاعت الاوبل وتركيبها عندك وتدعيلى باذن الله ولو انى اعتقد انى الجوان الكاوتش ده ممكن يعمل كده فانت لو عندك القديمه حاول تركب كده وتشوف ..... الرجه بعد ال ١٢٠ لو عفشتك تمام التمام وجنوطك نظيفه اوى يبقى ان تعاود ترصص فى مكان محترم او ترصص موتوسيكل وباذن الله تروح وبالمره خاليه يبصلك على الكاوتش .... الفوانيس الديبو محترمه اوى والفانوس بيعمل تقريبا من ١٩٠ - ٢٢٠ جنيه حسب زمه البياع وضميره ..... وهتقيس زيت الفتيس بانك تدور العربيه وتشد فرامل اليد أجمد حاجه وتجيب مارشيليه وتنزل تفتح الكبوت وتشد المقاس تمسحه وترجع تحطه تانى وتشده تانى وتشوف مقاسك ( ده فى حاله الاوتوماتيك ) اما فى المانوال اعتقد ممكن الميكانيكى يبصلك عليه ابرك وأسهل باذن الله .... أسف للاطاله .... هذا وبالله التوفيق

[ah-elgendy]

بخصوص طرمبه الباور انا كنت عملت موضوع من فتره عن انك بتجيب الطرمبه بتاعت ال a4 اوكتافيا موديل ٩٨ و ٩٩ وكده وبتفور الطاره بتاعت الاوبل وتركيبها عندك وتدعيلى باذن الله ولو انى اعتقد انى الجوان الكاوتش ده ممكن يعمل كده فانت لو عندك القديمه حاول تركب كده وتشوف ..... الرجه بعد ال ١٢٠ لو عفشتك تمام التمام وجنوطك نظيفه اوى يبقى ان تعاود ترصص فى مكان محترم او ترصص موتوسيكل وباذن الله تروح وبالمره خاليه يبصلك على الكاوتش .... الفوانيس الديبو محترمه اوى والفانوس بيعمل تقريبا من ١٩٠ - ٢٢٠ جنيه حسب زمه البياع وضميره ..... وهتقيس زيت الفتيس بانك تدور العربيه وتشد فرامل اليد أجمد حاجه وتجيب مارشيليه وتنزل تفتح الكبوت وتشد المقاس تمسحه وترجع تحطه تانى وتشده تانى وتشوف مقاسك ( ده فى حاله الاوتوماتيك ) اما فى المانوال اعتقد ممكن الميكانيكى يبصلك عليه ابرك وأسهل باذن الله .... أسف للاطاله .... هذا وبالله التوفيق

تسلم يا باشا ع الرد وانا هاشوف غطاء الخزنه القديم وهاجرب ولما اخلط من الطرمبه ده هاشوف موضوع الكاوتش بس هو بور الفيكترا اصلا تقيل انا لما جربت عربيات كورى و يابانى حسيت انها اخف بكتير

[ayman hamdy]

الغطاء ملهوش علاقة نهائيا بالموضوع دة
الطلمبة ضعفت وعايزة تتغير

[ah-elgendy]

الغطاء ملهوش علاقة نهائيا بالموضوع دة
الطلمبة ضعفت وعايزة تتغير

يعنى لما الطرمبه تضعف تخالى الزيت يخرج من الخزنه

[ayman hamdy]

يعنى لما الطرمبه تضعف تخالى الزيت يخرج من الخزنه

لا طبعا انت أكيد مزود الزيت أكتر من اللازم
لازم الزيت يكون مابين ماكس ومين مش أكتر عاشان الطلمبة مطلعش الزيت الزيادة من خرم الفايظ بتاع الغطا
جرب تنقص وتطبط مقاس الزيت وشوف
بس دى فى الغالب طلمبة ضعيفة ومبتقلبش كويس وعايزة تتغير
تحياتى

[ayman hamdy]

عملت ايه

[ah-elgendy]

نفس الصوت برود فى العربيه اغير الطرمبه ديه منين ؟

[ayman hamdy]

اشتريها من هانى العايدى فى شارع المرسيدس فى الحرفيين

[ah-elgendy]

اشتريها من هانى العايدى فى شارع المرسيدس فى الحرفيين

تعمل كام وهو هيركبها ولا انا اللى اخدها اركبها وهو بيدى عليها ضمان ولا انا وحظى وتطلع زى ما تطلع

[ayman hamdy]

أسعار معرفش لكن كلهم بيركبو هناك كل حاجة هى مش هتاخد نصف ساعة تركيب
تحياتى

[ah-elgendy]

الحمد لله حليت المشكله الاولى ركبت الطرمبه القديمه بتاعت العربيه والدنيا اتظبت ناقص المشكله التانيه بس مش عارف ابداء منين اروح لعفشجى الاول ولا اروح ل FIT and FIX ؟