بفكر اجيب فيكترا b !!

[الغزالى]

مساء الخير اهل اوبل الكرام .. :]
كنت عايز اعرف شويه تفاصيل عن الفكيترا B
انا كنت شوفت ان العربيه فيها موديلات من 99 :2002 تقريبا
فكنت عايز شويه تفاصيل عن العربيه
انا كل خبرتى مع الاوبل فعربيتين الكورسا بتاعه محمد قاسم ( Damasry )
والعربيه التانيه الاسترا بتاعه عمى موديل 2002
بس العربيه مطلعه عنيه وكلها مشاكل وعيوب
------------
فكنت عايز شويه تفاصيل عن العربيه دى
1. متوسط السعر للعربيه النضيفه
2. قطع الغيار الجديده والاستيراد
3. ضريبه الترخيص لو الماتور ال 2000 سي سي
4. فيها مشاكل فالكهرباء زي ماسمعت

[lanos2004]

طيب-يا رتني كنت اعرف

[kornclub]

في موضوع كامل عن مودلات الاوبل والفروقات بينهم ، تاني حاجه علي قد فلوسك تعرف تصطاد اوبل محترمه

[lanos2004]

الاوبل لو مش نضيفه هتبهدلك معاها يا غزالى

[Ahmed adel 23]

متابع

[abdelaziz-waleed]

الاوبل لو مافيهاش مشاكل ومش ملعوب فيها من الصنايعية المتخلفين يبقى هتعيشك احلى ايام.
انما لو فيها مشاكل وملعوب فيها يبقى هتوريك ايام ما يعلم بيها الا ربنا
قطع الغيار متوفرة جدا في التوكيل وبرة التوكيل واستيراد بس فيه مضروب كتير نزل السوق للاسف في الاونة الاخيرة
يفضل تجيب موديلات من 2000 - 2003 علشان فقط الشكل الاحدث
انا سمعت ان الاتوماتيك ال 1600 فيها مشاكل فا لو هتجيب 1600 يبقى مانوال او لو اتوماتيك يبقى تجيبها 2000 سي سي الموتور الايكوتيك اللي نزل في مودلات من 2000 - 2003
لازم اللي يشتغل فيها يكون بيفهم فيها. مش اي صنايعي يقدر يمد ايده فيها. يفضل يكون التوكيل او مركز صيانة محترم او حد متخصص في اوبل وهتلاقي مواضيع كتير تفيدك
ما ينفعشي تستخدم مية حنفية في دورة التبريد. لازم مية حمراء علشان تحافظ على الدورة من الانسداد او الصدأ. انا بستخدم مية حمراء توتال الجركن ال 4 لتر ب 63 جنيه وممكن تزود معاه شوية مية تكييف اللي هي تعتبر مية مقطرة بس لازم مع المية الحمراء علشان فيها مضادات للصدأ ومواد بتحافظ على طرمبة المية