طريقة تنظيف تلاجة التكييف

[alameer81]

السلام عليكم
كيفكم يا شباب
كان عندي عطل في التكييف والحمد لله اتصلح
كان بلف كنترول علي الكباس واتغير الحمد لله وخبط من 350 جنيه في خمس دقايق
المهم
انا حاسس ان مروحة التكييف مكتومة
قلتله ينضف الفلتر قالي لا كويس مش محتاج
انما دي عربيتي وانا عارف مروحتها
فكيت درج التابلوه وطلعت الفلتر ونضفته ومكانش وسخ قوي فعلا
بس كان مكسر شوية يعني مش مغطي كامل مساحة السربنتينه مش مفرود عليها
فانا شاكك في ان التلاجة تكون وسخة وعليها رواسب تراب
ايه هي بقي اسهل طريقة انضف بيها التلاجة من غير مخاطرة كبيرة علشان هي مكانها مزنوق جدا
وهل في مواد مخصوصه لكده؟

[ضى القمر]

متابع

[hilal]

انا شفت سبراي لتنظيف الثلاجة له خرطوم رفيع طويل ليصل اليها
شفته في بنزينة وطنية اللي عند دريم لاند

[exact]

انا غسلتها بكارشر وهي راكبه في سوزوكي

[alameer81]

المشكله انها مزنوقه زنقة منيلة مش عارف ليه كده
الفلتر غالبا بيتحشر وهو بيركب


الاسبراي ده كان بكام يا باشا؟؟

[hilal]

المشكله انها مزنوقه زنقة منيلة مش عارف ليه كده
الفلتر غالبا بيتحشر وهو بيركب


الاسبراي ده كان بكام يا باشا؟؟

كان في حدود 40 جنيه على ما اتذكر

[Astra Lovers]

بس الاسبراي دا عشان تنضف بيه الصالون من الرواىح والميكروبات مش للتلاجه

[Astra Lovers]

ومتابع