كورسا سيدان 2004

[mohamed-ali]

مساء الخير يا احلى شباب فى العالم كله

مشكله كدا عاوز ااخد رأيكم فيها . نخش ف الموضوع

انا معايا كورسا سيدان 2004

ونه فظيعه فى العجله الشمال الخلفيه ( اللى ورا السواق )
وبتبان اكتر كمان لما تيجى تحود يمين على سرعه ( فى طريق سفر يعنى )
(اعتقد ان دا رولمان) بلى طب لو مالقيتهوش ممكن ايه اللى يركب بديل ليه ؟؟
دى حاجه

والحاجه التانيه تسيب الطاره من ايدك تلاقيها بترجع يمين واحده واحده ( حاجه غريبه )
هل دا ممكن يكون حاجه ف الزوايا ولا ايه رايكم ؟؟

معلش انا طمعان ف حاجه تانيه
هل الكورسا السيدان صوت الموتور عالى بعد ال 100 يعنى وانت مسافر بتحس انك قاعد مع الموتور ؟؟ ولا عربيتى انا بس ( هلى الجيربوكس ممكن يعلى صوت المكنه )

واسف جدا للاطاله واحلى تحيه ليكم واحد واحد

[mohamed-ali]

مفيش حد هنا ولا ايه

[meko0o]

بوص انا معايا كورسا 2004
هوه طبيعي صوت الماتور بيعلي بعد 100 بس انا بكون مشغل الكاسيت فبيغطي علي علو الماتور

[K.Ossama]

بالنسبة لأول مشكلتين
فمحتاج تكشف على بلى العجل الخلفى والامامى كمان وتضبط زوايا بعد ضبط ضغط العجل الأول
أما عن موضوع صوت الموتور فهو كده علشان العزل مش ميه ميه فى الكورسا. بس ممكن يكون زيادة علشان نفس المشكلة اللى فى البلى

[hesham ahmed]

مش هعرف افيدك في السوال الاول
بس فعلا بعد ال 100 بتحس ان الموتور علي رجلك

[amr elsisi]

ممكن تعمل عزل للكبوت من الداخل

[mohamed-ali]

هل لو فعلا عملنا عزل للكبوت من ال داخل هيقلل نسبه الصوت شويه ولا لا ؟؟

[K.Ossama]

هل لو فعلا عملنا عزل للكبوت من ال داخل هيقلل نسبه الصوت شويه ولا لا ؟؟

اكيد. بس عاوزة واحد عارف هو ببعمل إيه علشان ما يبوظش حاجة وهو شغال

[mohamed-ali]

طب سؤال لو سمحتو لو حبيت اغير الجمب الشمال كله (الشمعدان كامل ) اللى راكب فيه جهاز الرامل والطمبوره والصره هل ينفع يركب اى بديل للكورسا 2004 طب لو حديد او استعمال خارج يعمل كام الرجاء الاهتمام يا شباب