سؤال صغير للاساتذة

[مجمود فراج]

السلام عليكم
تحياتى انا بسأل على مكان وحدة الريموت فى العربية فيكترا 99 عشان عندى الريموت بيعلق ساعات يشتغل وساعات لا ولما يشتغل الباب الرئيسى مش بيفتح

[hagagatc]

الكرسي الي جمب السواق موجوده تحت دورج الطبلوه ورا الفيبرا الي جمب الدواسه يعني لما تفتح الباب الي قدام الي جمب السواق حتفك الفيبرا بتاعت العتبا هي جوا ورا الفيبرا المثلثه

[مجمود فراج]

الكرسي الي جمب السواق موجوده تحت دورج الطبلوه ورا الفيبرا الي جمب الدواسه يعني لما تفتح الباب الي قدام الي جمب السواق حتفك الفيبرا بتاعت العتبا هي جوا ورا الفيبرا المثلثه

طيب رأى حضرتك ايه السبب الفيشه مثلا بتعلق ولا ايه اعالجها ازاى

[yoyomonster]

حصل معايا الموضوع ده، السنتر كان شغال لما ارفع المسوجر بتاع الباب وانزله لكن الريموت ساعات يعلق وساعات لا
طلعت وحدة السنتر من المكان اللي استاذ عبدالرحمن قالك عليه وبتاع الكترونيات عاد علي نقط اللحام بتاع وحدة الوايرلس، بمعني ان الوحدة كانت شغالة كسنتر لوك كويس لكن ساعات تعلق كريموت وايرلس.
بس مدام بتقول ان الباب الرئيسي معاك بيعلق فاحتمال كبير يكون هو اللي فيه المشكلة شوف الفيشة بتاعت الباب وجرب تقفل وتفتح بالريموت كتير وانت سايب الباب مفتوح اعرف فيه استجابة ولا لا

[hagagatc]

طيب رأى حضرتك ايه السبب الفيشه مثلا بتعلق ولا ايه اعالجها ازاى

والله المشكله دي مصدفتنيش بس علي فكره المشكله في الباب نفسه فك الفرش بتاعه وراجع علي الوصلات بتاعه السنتر

[مجمود فراج]

انا وصلت للوحده ونضفت الفيش برده نفس الكلام السنتر شغال والريموت لا ونضفت الفيشة بتاعت الباب ولا جديد اللى محيرنى انها بشتغل على مزاجها مره واحده الاقى الريموت اشتغل وافتح واقفل منه كام مره وبعدين يفصل

[amr elsisi]

احتمال كبير جدااا من الفيشة الرئيسية المغذية للباب

[hagagatc]

يعني لما بتضط علي المفتاح السنتر بيقفل ويفتح وسعات لا لو كده ممكن تكون بطاريه المفتاح ضعيفه حاول تغيرها وجرب

[مجمود فراج]

لا فى حاجه غلط فى الكهربا مش عارف اوصلها المفتاح سليم وللاسف مفيش عندى متخصص يقدر يحل المشكله انا اتضريت منهم كتير

[yoyomonster]

زي ما قولتلك، حتلاقي فيه نقط في وحدة السنتر عايز يتعاد علي اللحام بتاعها او خلي حد بتاع الكترونيات يبص عليها. كان عندي نفس المشكلة