رابطة مالكى فيكترا b

[فادى محمد]

[QUOTE=محمد جمعه محمد;3875767370]

صباح الخير يا فادى باشا
عايز اعرف اوجه الاتفاق و الاختلاف بين
موتور الاوبل 1600 الايكوتيك ( البلاطه ) 101 حصان
و مابين موتور النوبيرا 1600 الايكوتيك 106 حصان
مع خالص تحياتى

صباح الفل
بس موتور النوبيرا مش ايكوتك هو e-tec
اوجه الشبه الظاهريه لاني ماعرفش كتير عنه
ان الموتورين 2كامه 16صباب . تحياتي

[بيشوى_رمزى]

موضوع ممتاز
بيشوى عبد الملاك
فيكترا بى 98 1.6 مانيوال

[محمد جمعه محمد]

اكمل بقى بقية التعارف لأنى الصبح كنت فى الشغل
بسم الله الرحمن الرحيم
ايمن احمد حمدى
فيكترا بى٢ cdx
موديل ٢٠٠٢ full option فيرانى
٢٠٠٠ سى سى ايكوتيك اوتوماتيك كود الموتور x20xev الأوروبي
الصيانات بعضها بأعملها بنفسى وبقية الصيانات لسة معملتهاش علشان دائماً مسافر بالخارج
وشكرا للأستاذ احمد فهمى على تأسيس هذه الرابطة الرائعة
ومنتظرين بقية أعضاء ومالكى فيكترا بى ( العقرب)
تحياتى للجميع

كل عام و انت طيب يا باشا
انا كنت عايز اسال سوال بالنسبه للموتور 2000 الايكوتيك
هل مشكله السخونه الموجوده فى الموتور ال 2000 القديم موجوده فى ال 2000 الايكوتيك
و هل الماف ( حساس الهواء ) بتاع الايكوتيك بيعطل كثير مثل ماف ال 2000 القديم
مع خالص تحياتى

[hishamkasem]

مشكوووووورين

[said khater]

Dr.said khater
معي اوبل فيكترا B موديل 2003 اشترتها حديثا وهي ممتازة حتى الآن ويسعدني أن انضم إليكم للاستفادة من خبراتكم

[احمد فهمى]

dr.said khater
معي اوبل فيكترا b موديل 2003 اشترتها حديثا وهي ممتازة حتى الآن ويسعدني أن انضم إليكم للاستفادة من خبراتكم

اهلآ بك يا دكتور سيد والفيكترا 2003 من افضل السيارات وده كان اخر موديل فى الفيكترا بى فمصر

[said khater]

سعيد خاطر
معلم تربية رياضية طنطا
السيارة اوبل فيكترا موديل 2003 فول اوبش أوتوماتيك ذهبي أرقام مرور الاسكندرية 1600 cc
اشترتها من وقت قريب بس حبيتها جدا وخاصة اني كنت امتلك أختها الكبرى في السعودية اوبل أوميجا فعلا رائعة
أتمنى الاستفادة من خبراتكم

[Atwany]

فيكترا 95 كاملة اوتوماتيك

انا يشرفني ان تقبلوني معاكم

واخيرا لقيت حد بيشكر في الفيكترا

انا ساكن في ادفو - اسوان ومحدش هنا بيشكر فيها خالص لدرجة عقدوني منها
بس من جوايا انا مقتنع بالالماني
انا جبتها من شهر فبراير كان عيبها التكييف وبتنقط زيت (موتور وفتيس) وعوامة البنزين مش شغاله
دلوقتي مركونه وفيها
بتنقط زيت
بتنقط بنزين (من اسفل التانك مكان العوامه)
الولاعه مش شغالة

محدش بيفهم فيها هنا ومحدش عايز يشتغل فيها

عايز اجيب العوامة (معرفش سعرها سواء مستورد او جديد).
عايز اصلح التكييف (المروحة اللي عند الرادياتير واحدة منهم تقيله جدا وبتحرق الفيوز ومروحة التابلوه بتعمل صوت زن لما اشغلها)

عايز حد ابن حلال اصلحها عنده وتكون اسعاره في المتناول

انجدووووووووني

[a_eissa_rageh]

استفسار عن سعر اوبل فيكترا

السياره اوبل فيكترا بى

موديل 2000

150000 كم

مانيوال

فابريكه دواخل و رشه من الخارج

حاله جيده جدا

ياترى سعرها يكون كام؟

و هل العربيات دى فيها مشكله فى الحراره فعلا؟

و هل قطع غيارها غاليه و اتمنى بعض الامثلة لاسعار قطع الغيار ان وجد

و لكم جزيل الشكر

[محمد دردير]

الاسطي ايمن فى اكتوبر امام سنتر المنصور ممتاز وسعره كويس

[m7nsh]

الاسطي ايمن فى اكتوبر امام سنتر المنصور ممتاز وسعره كويس

ممكن حضرتك تدينا وصف مفصل شويه نوصله ازاى لو جايين من المحور مثلا ؟

[A.Sattar]

الاسطي ايمن فى اكتوبر امام سنتر المنصور ممتاز وسعره كويس

شكرا لنقل التجربة و كويس جدا ان فيه حد كويس في اكتوبر بس ممكن رقم تليفونه والعنوان و حضرتك عملت عنده ايه؟؟

[3ssamslim]

السيارة اوبل فيكترا بي 1 97 اتوماتيك
الماتور 2000 سى سى ايكوتيك 2 كامة
فبريكة دواخل وشنطة وكبوت وسقف ورشة جوانب

بس عندى مشكلة ف استهلاك البنزين ومش عارف اعمل ايه
انا مستهلك 30 لتر تقريبا ع 150 كيلو ومش عارف حلها ايه ؟؟؟؟؟

[a_eissa_rageh]

السلام عليكم

فيه عربيه فيكترا 1997

عداد 196000

حالتها ممتازه

فابريكه دواخل

رخصه 3 سنوات

مانيوال

التكييف لا يعمل

ال abs لمبته منوره و قالى ان اللمبه يتطفى لما تمشى شويه

هل كده ال ABS شغال ولا مش شغال

و سعرها المناسب يكون كام

و تصليح التكييف و ال ABS بيكون بحوالى كام؟

[mhh_6004]

لو سمحت كنت عايز اعرف ايه نظام العربيه ديه وقطع الغيار اسعارها ايه لو ينفع كل واحد كده يكتب اسعار قطع الغيار الي يعرفها يبقي تمام قوي وممكن اعرف ايه المشاكل الي في العربيه ده اصلها بصراحه عجباني بس خايف من اسعار قطع الغيار كله بيقولي غاليه بس انا لما ركبتها وبعد كده ركبت كرستاله في فرق شاسع في الخامات الفيكترا تكسب في كل حاجه ومعلش انا بضور علي عربيه في حدود 50000 ايه المقتراحات علما ان ديه هتبقي اول عربيه ليا عايز عربيه متقرفنيش وفي نفس الوقت مش عايز اكسنت ولا لانوس اسف للاطاله