رابطة مالكى فيكترا b

[Mohammed Abo u]

علبة بلوف فيكترا b cdxموديل ٢٠٠٠

معايا اوبل فيكترا B
2000 cc CDX
عملت عمرة فتيس وغيرت علبه البلوف ( عقل الفتيس )
العربيه عند الغيار التالت بتدب جامد
والميكانيكي قالي علبه البلوف هي السبب بس مع المشي هتتظبط
مشيت عليها 6000 km
وزي ماهي
سؤالي
حد يعرف مكان كويس اشتري منه علبه استيراد في اي مكان في مصر
ولو هروح التوكيل موجوده ولا لا وكم سعرها!

[shishoo2010]

عندي مشكلة في اوبل فيكترا بي 2002

مبدئيا العربية راكب عليها موتور 2200c.f.
الموتور دا مش بتاعها في ناس بتقول دا بتاع السي وناس تانية بتقول لا دا بتاع فيكترا بس في الخارج يعني عربية جاية علي ابوها .
اما هو عندي متعدل له الضفيرة ومتسقط.

المشكلة فين بقي .....

اللمبة منورة تشيك و معاها ايه بي اس ....
كمان اول ما بمشي بالعربية بدال البنزين بينزل للنص.

حطينا العربية علي الجهاز مسجل ايه بي اس وحاجة تانية مشكلة في اتصال الايه بي اس مع الموتور بكود رقمي U2108 ،، وحاجة اسمها canbus....

المهم غيرنا الوحدة الايه بي اس وعملنا كشف بالجهاز فضل مشكلة الكود دا اللي هو عدم اتصال الوحدة مع الموتور...

المشكلة مش في كدا المشكلة ان البدال بتاع البنزين لسا فاضي والعربية بتمشي بنص قوتها مع اني قبل ما أتحرك وانا واقف بدوس دواسة البنزين بتبقي طلقة لغاية ما أتحرك اللمبة تنور تشيك والبدال ينزل

ملحوظة لما بمسح بالجهاز العربية بتمشي حلو اووي حوالي 3 كيلو وترجع تنور تشيك والبدال ينزل.

ملحوظة أخري غيرت بوابة وغيرت بدال وفضل الوضع هو هو ولسا مسجل الكود .

ياريت حد يرد عليا ويفيدني ربنا يبارك فيكم

[funlife]

رجال السلام عليكو
العربيه الفيكنرا 1600 ايكو بوابه كهربا فيها كام حساس وياريت لو وظيفتهم

[timolion]

محتاج مساعده يا جماعه حد يعرف اوبل فكترا موديل (99) 1600cc بيتحطلها مياه ردياتير لونها ايه و حوال كام لتر؟

[محمد عبده سرور]

سؤال للاخواه اصحاب محرك ايكو 2000 cc
انا حابب المحرك دا بس خايف من معدل الاستهلاك اعرف انه بيذيد ويقل حساب حاله
لكنى عايز اعرف الحاله الطبعيه السليمه للاستهلاك قد ايه لانى سمعت ارقم كتير وكلها مختلفه
ارجو الافاده عنه فى الطرق المفتوحه مع قياده عاديه لا تتعدى 120 كيلو متر فى الساعه
وشكرآ اسره فكترا بى

[nagy35]

وانا احب انضم ليكم انا معايا فيكترا 98 1600 مانويل الموتور الاسود العربيه معايا من 2005 عداد اكتر من 300 الف وبصراحه عربيه ممتازه وبتستحمل الأفضل اعمر الموتور ولا اصقط واحد استبراد وافضل ناس في الموضوع ده

[khaled el adl]

السلام عليكم
سؤال مهم انا معاية فيكترا بي١ اوتوماتك ٢٠٠٠سي سي الموتور الاسود مكيفة
البطارية شيعت و ناوي اشتري بطارية اجيبها ٧٠امبير بتخرح ٦٢امبير
و لا ٨٠امبير و بتخرج ٧٤ امبير مع العلم طبعا فارق السعر جبااااار
و هل لازم اغير الدينامو لتكبير البطارية
و سؤال تاني ازاي اركب رنجات انا اللي عاملهم فالفانوس و يكون شكلهم كويس
و عذرا علي الاطالة و شكرا

[opel1996]

السلام عليكم ورحمة الله وبركاته .. كل عام وانتم بالف خير
اكتب اليكم من بورسعيد .. مشكلتي انى اشتريت عربية اوبل مو 1996 مانيوال ماتور Eco-tech
المشكلة عندي كالآتي :
اول ما العربية بتدور بلاقي رعشة قوية وبعد فترة بسيطة وقبل ما اتحرك الاقي الRPM بيلعب ومش ثابت ..
كمان مع النقلة الاولى والتانية فيه خنقة قوية جدا لدرجة ان العربية سحبها شبه معدوم .. لو سرعة العربية في اول التاني لازم انزل ع الاولاني عشان اعمل عزم .. وده طبعا مش كويس على الماتور ..
ثانيا وده الاهم .. لمبة الcheck بتنور بعد فترة من المشي .. لما اطفي المكنة وارجع اشغل تاني تروح .. هتجنني يا جدعان ..
انا اتخنقت من العربية دي لدرجة اني بفكر ابيعها ..
غيرت حاجات كتير اوي ليها علاقة او ملهاش .. مانفول وبوجيهات وبطارية وفلاتر زيت وبنزين وطرمبة بنزين ورداخ .. التانك كمان غيرته عشان قاعده الرداخ مكنتش حالة الزيرو .. ماستر فرامل وسيرفو .. حتى الفوانيس اللي ادام والله :D:D
بجد يا جماعة حد يقولي اعمل ايه

[SALAH FOUAD]

رابطة مالكى فيكترا B


رابطة مالكى فيكترا B للتعارف والافاده على مالكى فيكترا B وتوضيح تجربة كل مالك والافاده للمشاكل ان وجدت وافضل اماكن الصيانات وتجاربه وتوضيح اسعار قطع الغيار واماكن الشراء لأفادة للجميع
والله المستعان والموفق

السلام عليكم ورحمة الله وبركاته
دلوقتي ليا انا معايا اوبل فكترا 97 وعايز مانول عايز اغيرها اتوماتك الموتور cdx 200

[ابو يونس]

السلام عليكم ورحمة الله وبركاته
يشرفنى الانضمام لرابطتكم المحترمة
والله انا لسه جايب اوبل فيكترا موديل 2007 بس مش عارف ليه مش مطمن اول مره اركب اوبل او اركب المانى
انا ركبت كل العربيات الكورى واليابانى والصينى والفرنساوى بس جديد فى الالمانى واول مره اركبه
بس حاسس باختلاف عن باقى العربيات التانية اللى ركبتها
اولا العربية عشان تطلع لازم ادوس على دواسة البنزين عكس اللى باقى العربيات الكورى واليابانى اللى يدوب تلمس دواسة البنزين تلاقيها تطير معاك
ثانيا العربية لو وانت ماشى وهديت وحبيت تمشى سلنسيه وتحب تجيب التانى وتمشى بيه تلاقى العربية ترعش واكنها هتبطل وممكن العربية تشتمك
ثالثا الغيارات بتاعت العربية مش واسعة بحيث انها تاخد الغيار بالمستريح تحس ان الغيار بيحجر معاك شويه
رابعا الاكسلاتير بتاع العربية مش ناعم وتحس انه تقيل بالاخص ان عربيتى مانيول
سؤالى بقى واتمنى من الاخوه انهم يردوا عليا هل ان الحاجات ديه بالنسبة للعربية طبيعية وان ديه طبيعة العربية وان انا اللى أأقلم نفسى بالعربية على كده ولا ان الحاجات ديه محتاجه ميكانيكى شاطر يظبط الكلام ده
بالذات لان العربية عجبانى كشكل وكمتانة وكسرعة عربية والعربية نضيفة والحمدلله من جوه وبره
شكرا على الاطالة ومنتظر ردوددكم الجميلة

[Mohamed0284]

السلام عليكم يا شباب انا اول مره هشتري عربيه وان شاء الله نشتريها مستعمل عشان الأسعار اللي احنا فيها دي، بفكر في أوبل فكترا بس الناس مخوفاني منها بسبب الصيانه وقطع الغيار، رأيكم ايه، افيدونا افادكم الله

[matrix12345]

عمرو السيسي
فيكترا بي 97 2000 سي سي اوتو
موطني الاساسي الاسكندرية
عملي العين السخنة
صيانة السيارة في صقر قريش المعادي
قطع غيار جديد (ربيع او نيو اوبل )
استيراد من عند الميكانيكي او محل حمادة
كلة في صقر قريش
في الاسكندرية العربية بتتفسح بس وبتتمشي علي البحر
الصيانات السريعة علي يدي
عمليات الرفع والعتالة محتاجة مجهود فبريح نفسي وبعملها عند الميكانيكي
وطبعا تحت اشرافي
ودة بيخليك مكره جداااااااا عند الميكانيكي
بس دائما وانا بتعامل معاهم بحثثهم اني لا افقه شيئ وهم اسياد الاوبل
وانا بتعلم منهم
ولو في حاجة مش عجباني
اقول لة اصل واحد قريب ليا عندة اوبل وبقول كدة غلط
تحياتي لكم

ممكن كتالوك السيارة اوبل فكترا موديل 1997 توماتيك محرك 2000 نفس عربيتك
واكون مشكور لك

[ULTRA]

سلام عليكم
ايه رايكم في حساس كرنك اوبل فكترا بي 1600 واحد كامه نوع هولزر لاني جربت البوش طلع مش اصلي وشغل العربيه بس قطع مع التزويد