لمبه check نورت بعد غسيل العربيه للاسف بالمياه

[سامح السيد]

السلام عليكم ورحمه الله وبركاته
لمبه check نورت بعد غسيل العربيه للاسف بالمياه
والعربيه بتقطع على السلانسيه
ويوجد ريحه بنزين من الشكمان
وخروج دخان ابيض او بخار ابيض من الشكمان ونزول قطرات مياه من الشكمان
ومازالت لمبه check منوره
فما هو الحل

[kornclub]

اكشف كمبيوتر ممكن فيشه حساس خرجت من ضغط المياه

[سامح السيد]

الماتور الاسود الواحد كامه 1600
بيكون ليه كشف كمبيوتر

[فادى محمد]

فك فيشه حساس التي بي اس ( تحت العمه من ناحيه اليمين) هتلاقي الفيشه كلها ميه.. نشفها ورش عليها دبليو دي-40 وركبها تاني ودور ..وادعيلي. وماتعملش كده تاني ابدا..

[amr elsisi]

دة مين الي شار عليك بغسيل المياة

[haisam ali]

دة مين الي شار عليك بغسيل المياة

انا

[hagagatc]

السلام عليكم ورحمه الله وبركاته
لمبه check نورت بعد غسيل العربيه للاسف بالمياه
والعربيه بتقطع على السلانسيه
ويوجد ريحه بنزين من الشكمان
وخروج دخان ابيض او بخار ابيض من الشكمان ونزول قطرات مياه من الشكمان
ومازالت لمبه check منوره
فما هو الحل

الحل انك تسيب العربيه تنشف الاول عملتها معايا مره بس كنت بنضفها من تحت والميه وصلت لحساس الشكمان ويبتها للصبح وبعد كده كله تمام لو لسه المشكله موجوده وانت الموضوع ده قديم معاك لازم تكشف

[MaaM]

انا

ههههههههه

[amr elsisi]

انا

ماشي يا هيثم تعمل في ابن بلدي كدة

[yoyomonster]

راكب تحت البوابة عالطول
ده شكله وراكب فيه فيشة

مشاور عليه بالسهم الاحمر وهو راكب. شيل الفيشة زي ما استاذ فادي قالك وان شاء الله بسيطة، بس متسبهاش تنشف غشان ممكن الحساس يجنزر من المية ويملح.

[احمد فهمى]

موضوع غسيل المياه خرب معظم عربيات مصر والله بشوف عربيات 2012 جايبه كنترولات وحارقه ضفيره بسبب غسل المواتير خلو بالكو من النقطه دى

[سامح السيد]

والله بشكر كل الزملاء
اللى شاركونى فى موضوعى وتم العمل بنصائحهم
ولكن مازالت لمبهCHECK ENGINE LAMP منوره
شغلت العربيه وسخنت ومشيت بيها حوالى 8 كيلو ومازلت منوره
فى حاله تلف حساس ال TPS هل المبه بتنور ام لا
فكيت حساس ال TPS من مكانه وشغلت العربيه بدونه واشتغلت RPM اقل من1000 كان الطبيعى اللى دايما بشوفه
وفصلت فيشه idle وشغلت العربيه بدونه واشتغلت
قبل غسيل العربيه فى حاله انى افصل فيشه TPS والعربيه شغاله واوصله كان الماتور صوته يعلى وينزل تانى بسرعه
اما حاليا بعد غسيل العربيه بفصل الفيشه واوصلها تانى ولم يحدث شيى
لو مشيت شويه على الوضع الحالى هل يوجد مشكله لحين اكتشاف العطل الحقيقى ام لا
عندى احساس ان المشكله فى TPS والله اعلم
وانا اسف للاطاله

[فادى محمد]

ا سامح..
-التي بي اس لو شيلت فيشته والموتور شغال مش هيحصل اي تغير في الموتور الا لو زودت بنزين بايدك مثلا من الاكسراتير . وقتها هتلاقي لخبطه وعادم اسود ( مدافع من الشكمان) ..
-التي بي اس لو بايظ ( قيمه او بياناته قليله او مش مضبوطه) لمبه الموتور مش هتنور , تنور امتي؟؟ لما تشيل الفيشه والموتور شغال وتزود بنزين..

-الايدل كونترول مالوش علاقه بلمبه الموتور لانه مش حساس . هو بلف ( بلف الايدل كونترول) وشغله بيبقي اول الدواره والموتور بارد او في حاله الاحمال زي المكيف. يعني لو شيلت فيشته والموتور شغال مش هتاثر في حاجه انما لو فكيت الايدل والموتور شغال الار بي ام هيعلي نتيجه انك دخلت هوا زياده لمانفولد السحب من خلال الهاوسينج بتاع الايدل ..

-جربت تعمل ريستارت للكونترول؟؟ بفك كابل البطاريه 10 دقايق وتوصيله تاني؟؟
-دلوقتي هل الاعراض اللي حصلت بعد الغسيل لسه مستمره ولا لا؟؟