حصلتلي النهارده مشكله عجيبه شويه والسبب تافه

[hagagatc]

النهارده دورت العربيه عادي جدا وسخنت واخدت مراتي اوصلها للشغل المهم
لاحظت ان العربيه مخنوقه شويه طيب ليه السبب مش عارف الاربي ام عالي شويه ومفيش سحب
المهم نزلت من العربيه فتحت الكبوت ابص علي العمه الي علي البوابه تكون سايبه
ولا ايه المشكله وشيلت مقاس الزيت بتاع الفتيس وانا بشيل بيبقي في كبلات طالعه من البطاربه راحه لضفيره الموتور
الزيت تمام رجعت العربيه ادور لمبات الاعطال في التبلوه مبتنورش والعدادات مفصوله كلها بس العربيه دارت عادي ادتها غيار وجيت امشي العربيه متكتفه ومش عايزه تمشي خالص بتمش بالعفيه في ايه يا رجاله وفي مكان محدش يعرف يجيلك والوقت بدري الساعه ٧
فتحت الكبوت اشوف انا فصلت سلك معين ابدا طيب ايه الي حصل اول شيء جه في بالي اكلم طناني باشا الصراحه قلقته وربنا يبارك فيه رد عاليا وقالي ده غالبا ارضي موتور او فيوز من فيوزات الي جمب البطاريه العموميه قعدت نص ساعه ادور علي العيب مفيش العربيه قاطعه ميه وكهربا
نزلت مراتي وركبتها مواصله وقلت يا انا يا انتي النهارده روحت البيت وكل شويه انزل ابص علي حراره الموتور واراجع علي الميه الحمد لله مفيش اي سخونه
كشفت عليها بالجهاز ادتني teltall circuit low voltage
teltall دي لمبات العطال طبعا منفعنيش الكشف
المهم قلت اراجع علي الفيوزات الي في الطبلوه واحد واحد لقيت فعلا في فيوز ضارب شعرته عشان اجرب وحطيب الفيوز المشكله باكملها اتحلت لمبات الاعطال نورت والتكتيفه راحت
الي مجنني وعايز افهمه من ايه ده حصل
وايه علاقه لمبات الطبلوه بسحب العربيه هل هي نوع من الامان مثلا عشان العدادات مفصوله وبلاخص الحراره الله اعلم
كان فعلا يوم عجيب

[ghaith_peogeut]

الحمد لله على حل المشكلة ...وننتظر اجابات الاعضاء حول مشاكل مشابهه لمعرفة السبب

[zlatan2006]

انا عندي الحوار دة ....... عداد السرعة ساعات بيفصل و العربية بتتقل جدااااااااا

[فادى محمد]

حصل معايا موقف مشابه..
كنت بالعب في كهرباء الصالون مش فاكر ليه؟
المهم حصلت قفله واللي فصل الاتي..
الكلاكس - العدادات - نور العربيه كله بره وجوه
الحاجه الوحيده اللي شغاله الفلاشرات !!
دورت علي الفيوز اللي بيشغل الحفله دي
وطبعا حاجه محترمه تقريبا 35 امبير.لقيته محروق فعلا
غيرته , الدنيا ظبطت , بس سحب العربيه كان طبيعي

[ayman hamdy]

ممكن تحط سهم على الفيوز اللى انت غيرته فى الصورة دى يا عبد الرحمن وانا هقول لك ايه العلاقة وهقول لك الفيوز دة مسؤول عن ايه وهو فى الغالب فيوز رقم 21 او 22 اللى هما تالت واحد او رابع واحد من اليمين فى الصف الاول ولونهم الاحمر او الاخضر فى الصورة

[ayman hamdy]

اسف يا عبد الرحمن قصدى تانى واحد او تالت واحد الاصفر او الاحمر

[hagagatc]

ممكن تحط سهم على الفيوز اللى انت غيرته فى الصورة دى يا عبد الرحمن وانا هقول لك ايه العلاقة وهقول لك الفيوز دة مسؤول عن ايه وهو فى الغالب فيوز رقم 21 او 22 اللى هما تالت واحد او رابع واحد من اليمين فى الصف الاول ولونهم الاحمر او الاخضر فى الصورة

لا هو مكانه في النص تحت الكتاوت الاسود من الشمال واللوحه دي تقريبا مختلفه شويه حراجع واقلك

[kokowasfy]

الحمد لله انها اتحلت

[ayman hamdy]

يبقى رقم 29 اللى عليه السهم الاسود ودة مسؤول عن المرايات الكهربا والزجاج الكهربا ولمبة الاعطال وجميع لمبات التحذير وجميع لمبات الداش بورد والنور العالى والنور الواطى والانوار الداخلية فى الصالون ولمبات الرجوع للخلف وفتحة السقف وقوته 10 امبير
علشان كدة اللى حصل لك ان بعد كل اللمبات دى ما طفت كمبيوتر الفتيس دخل الفتيس فى السيف مود يعنى اكنك ماشى على الرابع كنوع من الامان بسبب ان جميع اللمبات السابق ذكرها مطفية وهى فى منتهى الاهمية
شكرا للصانع الالمانى على الاهتمام بكل صغيرة وكبيرة فى سيارتهم
على فكرة الفيوزين 21 و22 بيطفوا برده لمبات التحذير علشان كدة شكيت فيهم
تحياتى

[hagagatc]

يبقى رقم 29 اللى عليه السهم الاسود ودة مسؤول عن المرايات الكهربا والزجاج الكهربا ولمبة الاعطال وجميع لمبات التحذير وجميع لمبات الداش بورد والنور العالى والنور الواطى والانوار الداخلية فى الصالون ولمبات الرجوع للخلف وفتحة السقف وقوته 10 امبير
علشان كدة اللى حصل لك ان بعد كل اللمبات دى ما طفت كمبيوتر الفتيس دخل الفتيس فى السيف مود يعنى اكنك ماشى على الرابع كنوع من الامان بسبب ان جميع اللمبات السابق ذكرها مطفية وهى فى منتهى الاهمية
شكرا للصانع الالمانى على الاهتمام بكل صغيرة وكبيرة فى سيارتهم
على فكرة الفيوزين 21 و22 بيطفوا برده لمبات التحذير علشان كدة شكيت فيهم
تحياتى

انا الي فصل عندي الداش بورد والعدادات باكملها ووحدات رفع الزجاج
لاكن النور كان شغال باكمله