Tweet
انا اشتريت عربيه اوبل من اسبوعين وكانت ماشيه تمام المهم الكاوتش اتخرم فحبيت افك الكاوتش علشان اركب الاستبن بصراحه كانت مأساه ساعه عمال اخبط في الكاوتش وفي الجنط من جوه علشان يتخلع بعد مافكيت المسامير المهم بعد مالحمت الكاوتش وركبته حاسس برجه غريبه في العربيه وانا ماشي ياتري ممكن يكون ايه السبب
-
-
ممكن يكون المسامير مش مربوطة كويس
جرب ارفع العجلة ولفها بايدك شوف فيها رفة ولا لأ[marq="2;right;3;alternate"]إن بقسم الأوبل ما لا يصفه كلام / إن لي فيه آمال وتطلعات وأحلام
فلقلبي هنا ما ليس لأحد غيري / فلا ألام ما توجهت إليه بسيري
يكفي ان فيه طناني وأحمد فهمي / وفادي الكريم اكرم به من شهم
تراهم يقدمون العون والنصح / يساندون ذو الكلالة حتى يصح
فلا يضيرني إن كنت بين الأحبة / نقتسم معا الود صافيا والمحبة [/marq] -
المسامير مربوطه كويس بس موضوع الرفه هيجي منين لو هيا مربوطه كويسComment
-
طيب بس طاوعني
مش هتخسر حاجة
حط الكوريك وارفع العجلة ولفة باليد ونظرة فاحصة بالعين
شوف فيه رفة او علي وواطي ولا لأ
أقل من دقيقة[marq="2;right;3;alternate"]إن بقسم الأوبل ما لا يصفه كلام / إن لي فيه آمال وتطلعات وأحلام
فلقلبي هنا ما ليس لأحد غيري / فلا ألام ما توجهت إليه بسيري
يكفي ان فيه طناني وأحمد فهمي / وفادي الكريم اكرم به من شهم
تراهم يقدمون العون والنصح / يساندون ذو الكلالة حتى يصح
فلا يضيرني إن كنت بين الأحبة / نقتسم معا الود صافيا والمحبة [/marq]Comment
-
ان شاء الله هجرب الموضوع ده وارد عليك وشكرا علي ردودكComment
-
يمكن كان راكب رنجات (اللى هى حلقات بيركب عليها الكاوتش ) كانت راكبة شحط وانت مرجعتهاش مكانها
ويمكن فى خطأ فى مقاس الجنط خصوصا لو سبور احيانا ناس بتركب مقاسات خطأComment
-
روح اظبط زوايا ورصص وهناك هتعرف المشكله فين وبالمره تباه مطمن[SIGPIC][/SIGPIC]Comment
-
هو فعلا كان فيه حلقه راكبه وطلعت عيني علشان اركب الاستبن لانه ماكانش داخل لدرجه اني ربطه كده يدوبك بالمسامير لحد ماوصل لبتاع الكاوتش وهناك فك الاستبن قوله مش راضي يربط ليه قالي علشان الحلقه دي مانعاه يتربط وقالي مالهاش لازمه ورماها ولو هيا اللي عامله كده دي تتجاب منينالمشاركة الأصلية كتبت بواسطة drcobra مشاهدة المشاركةComment
-
الحكايه كلها ان انت مركب طقم جنوط سبور والجنوط بتبقى مقاساتها على عمود الطنبور مختلفه فلازم بيتركبلها رينجات تيفلون او بلاستيك علشان تحكم الجنط على العمود ولما شيلت الجنط الاسبور وحاولت تركب الجنط العادى بتاع الاستبن وطبعا الفتحه بتاعته مضبوطه على عمود الطنبور ومش محتاجه الرينج البلاستيك وكان الرينج راكب وعلشان كده غلبتك فى تجميعها لغاية بتاع الكاوتش وبعدين لما الحمار رمى الرينج وركبلك الجنط الاسبور من غير الرينج بقى فيه بوش بين العمود وفتحة الجنط فلازم يعملك غربله مع السرعات العاليه فى الدركسيون لو الفرده قدام ويعمل دربكه لو الفرده ورا وطبعا لازم تروح لواحد بتاع جنوط يركبلك الرينج تانى فى مكانه او تروح لواحد خراط يعملهولك عموله وهو رخيص مش هيعمل 10 او عشرين جنيه وتبقى تخلى بالك بعد كدهComment
-
هو فعلا انا عندي جنوط سبور والاستبن جنط عادي وربنا يسهل واعرف اشوف حل لموضوع الرينج ده لانه رماه واكيد مش هلاقيه عنده وهشوف موضوع المخرطه ده بس ابقي اخلي بالي ازاي في حاجه معرفهاشالمشاركة الأصلية كتبت بواسطة mohamedeltawel مشاهدة المشاركةComment
-
بسم الله الرحمن الرحيم
انت هتفك العجله بره وتحط زيت على الطنابير من الجنب اللى بيتلامس فيه مع العجله
وتبدأ تركب ولما تحط المسامير يكون كل مسمارين قصاد بعض وتربط كويس
وتلف العجله بايدك وايدك التانبه على حافة الكاوتش
لو مش مظبوطه هتلاقيها بتطلع لبره وترجع لجوه تانى غير كدا تبقى تمام
ولما تنزل العجله اربط للآخر بنفس الطريقه علشان العجله تكون مظبوطه
والله أعلى أوعلمengonear سابقا
[CENTER]
[SIZE=4][COLOR=Teal]
[/COLOR][/SIZE] [/CENTER]Comment
-
تخيلوا رجعت لبتاع الكاوتش اكلمه علي الرينج اللي رماها قالي انا مش فاهم انت بتتكلم عن ايه قلتله شكرا سلام عليكم ورحت لواحد تاني ركبلي الرينج والعربيه ظبطت الحمد لله وشكرا لكل مساهماتكمComment
Comment