استفسار بخصوص الفرامل الخلفية لفيكترا b2

[محمود الشافعى]

السلام عليكم ورحمة الله وبركاته
استفسار من رجال الأوبل المحترمين
عندى الفرامل الخلفية بتعمل احيانا صوت احتكاك زى صوت الطيارة
رحت لميكانيكى قالى الطنابير عملة شفة هتتمسح ونغير التيل
أيه رأيكم أعمل كده ولا أغير لسكاكين أفضل

[Omar Mahmoud]

غير لسكاكين افضل و هتلاحظ فرق في قوة الفرامل

[محمود الشافعى]

السلام عليكم
رحت سئلت على الطنابير السكينة عند هنتش فى ميدان لبنان بيقولى الجمب ب 450 جنية الطنبورة والسرة قلتله شكرا ومشيت
رحت للميكانيكى قالى لا القباقيب أحسن من السكاكين ومش عايزنى أركب سكاكين
برجاء النصيحة

[Omar Mahmoud]

http://www.nilemotors.net/Nile/397294-b2.html

http://www.nilemotors.net/Nile/78441-a.html

السكاكين كانت بتنزل في فكترا a اوتوماتيك 2000cc و اوبل فكترا بي اوتوماتيك 2000cc

[Hesham.H]

لا طبعا السكاكين افضل كتير من القباقيب .. الجنبين فى حدود ٤٠٠ جنيه من عند اسلام عبد الشافى فى الحرفيين .. هتلاحظ فرق كبير فى الفرامل
لو السكاكين وحشه زى ما بيقول ماكانتش نزلت فى ال ٢٠٠٠ سى سى
تحياتى

[Omar Mahmoud]

و نسيت حاجة تانية هنتش اسعاره غالية

[محمود الشافعى]

يبقى كدة ان شاء الله هاجيب جمبين كل جمب (طنبورة +صرة +ماستر وتيل+خرطوم الباكم+سلك الهاند)

وفيشة ال abs هى هى اللى عندى بنفس الطول

[Omar Mahmoud]

يبقى كدة ان شاء الله هاجيب جمبين كل جمب (طنبورة +صرة +ماستر وتيل+خرطوم الباكم+سلك الهاند)

وفيشة ال abs هى هى اللى عندى بنفس الطول

انشاء الله هتلاقي فرق للاحسن و بالتوفيق

[MaaM]

محمود باشا ، أخبارك ايه
مع احترامي لأي رأي بيقول ان مافيش فرق بين القباقيب والسكاكين ، يقدر يجرب بنفسه ويدوس فرامل مفاجأة على سرعة 120 فما فوق (يدوس مرة واحدة ويجيب اخر الدواسة) ويقولنا ايه الأخبار ، دا طبعا بالنسبة لمالكي القباقيب
لأني مررت بنفس التجربة ديه كذا مرة وأكلت المطب بغباء ، وبعد التغيير لـ سكاكين ، بقى فيه احساس للفرامل فعلاً وحصلت التجربة وهي خير دليل على الفرق، والحمد لله الموضوع عدى على خير وساعتها زاد يقيني أكتر في قوة تماسك الأربع عجلات سكاكين عن الإتنين فقط
اتكل على الله ياباشا وفيه 3 مواضيع تقريباً في قسم أوبل عن كيفية التغيير والمتطلبات والسعر لـ هشام وبيشوي والأخير ليا

وبالمناسبة ، بتاع الفرامل اللي روحتله عشان أغير لـ سكاكين عمل نفس موقف الراجل اللي معاك كدا وقالي ديه أحسن فرامل وا وا وا ، وبعد اما غيرتها على يده وجرب العربية قالي انت كدا معاك هاند وفرامل حديد !

[محمود الشافعى]

محمود باشا ، أخبارك ايه
مع احترامي لأي رأي بيقول ان مافيش فرق بين القباقيب والسكاكين ، يقدر يجرب بنفسه ويدوس فرامل مفاجأة على سرعة 120 فما فوق (يدوس مرة واحدة ويجيب اخر الدواسة) ويقولنا ايه الأخبار ، دا طبعا بالنسبة لمالكي القباقيب
لأني مررت بنفس التجربة ديه كذا مرة وأكلت المطب بغباء ، وبعد التغيير لـ سكاكين ، بقى فيه احساس للفرامل فعلاً وحصلت التجربة وهي خير دليل على الفرق، والحمد لله الموضوع عدى على خير وساعتها زاد يقيني أكتر في قوة تماسك الأربع عجلات سكاكين عن الإتنين فقط
اتكل على الله ياباشا وفيه 3 مواضيع تقريباً في قسم أوبل عن كيفية التغيير والمتطلبات والسعر لـ هشام وبيشوي والأخير ليا

وبالمناسبة ، بتاع الفرامل اللي روحتله عشان أغير لـ سكاكين عمل نفس موقف الراجل اللي معاك كدا وقالي ديه أحسن فرامل وا وا وا ، وبعد اما غيرتها على يده وجرب العربية قالي انت كدا معاك هاند وفرامل حديد !

تسلملى هوا بس اللى مقلقنى موضوع الباكم احسن يسد حاجة فاكنت بتلكك بكلامه
بس هعتمد على الله وأغيرهم أخر الأسبوع

[MaaM]

اه نسيت موضوع الباكم ده ، العلبة مكتوب عليها يتغير سنوياً ، يبقى ازاي نسمع معلومة ماتغيرش زيت الباكم !
يا أ/ محمود ، أي زيت في الدنيا بيفقد خواصه بعد تعرضه للظروف والعوامل البيئية

[محمود الشافعى]

اه نسيت موضوع الباكم ده ، العلبة مكتوب عليها يتغير سنوياً ، يبقى ازاي نسمع معلومة ماتغيرش زيت الباكم !
يا أ/ محمود ، أي زيت في الدنيا بيفقد خواصه بعد تعرضه للظروف والعوامل البيئية

ما هى المشكلة انه ما اتغيرش خالص فا بيكون فيه رواسب لو فضى ممكن يسد البلوف
ودا حصل مع د/محمد صلاح ودخله فى متاهات لما فضى الزيت القديم

[Hesham.H]

يبقى كدة ان شاء الله هاجيب جمبين كل جمب (طنبورة +صرة +ماستر وتيل+خرطوم الباكم+سلك الهاند)

وفيشة ال abs هى هى اللى عندى بنفس الطول

سلك الهاند مش بيجى مع المجموعه دى ... بيجى مع الطنبوره حوالى ٢٠ سم بس لغايه المشترك وبعد كده السلك بتاعك هايركب عادى

[medosalah]

ما هى المشكلة انه ما اتغيرش خالص فا بيكون فيه رواسب لو فضى ممكن يسد البلوف
ودا حصل مع د/محمد صلاح ودخله فى متاهات لما فضى الزيت القديم

باظبط كده يا باشا .. بس ماحصلش انسداد.. لا ده حصل تسريب ... بمعني ان الزيت القدييييييييييييييييييم اللي عمره ماتغير بيبقي فيه رواسب كتير وبيبقي فيه تشققات في جلب الماستر العمومي فالرواسب دي سده التشققات والدنيا ماشيه زي الفل بدون مشاكل... تيجي حضرتك تغير الزيت الباكم ينزل ومعاه الرواسب وده هيعمل تسرييييييييب في الماستر العمومي وهتضطر ترميه وتجيب جديد تمنه 500 جندي

طبعا الكلام ده حصل بالفعل معايا

وممكن ما يحصلش لو انت كنت بتغير زيت الباكم كل سنه او علي الاكتر كل سنتين


من الاخر انا حمدت ربنا وغيرت الماستر العمومي والسيرفو جبت واحد استيراد 2 طاقيه ونضفت دوره الباكم وحطيت زيت جديد بالاضافه الي تغيير الفرامل الخلفيه الي سكاكين

العمليه كلفتني حوالي 1500 جنيه لان كان فيه بعض الخسائر لحد ماعرفنا مكان التهريب

بس اجمالا بقي عندي فرامل حدييييييييييييييييييييييييد ربنا يدمها عليا نعمه وان شاء الله هبقي اغير الزيت كل سنه علشان ما تتكررش المشكله

[محمود الشافعى]

ماهوا انا خايف علشان العربية عاملة 150 ألف كيلو ومش عارف المالك القديم غيرة قبل كدة ولا لأ
وهى معايا بقالها سنة وأربع شهور وماغيرتوش أنا كمان
بس هعتمد على الله وهغيرة مع الطنابير وكمان هغير زيت الفتيس كمان إن شاء الله

رحت للراجل اللى بتعامل معاة لاقيت الطنابيرعندة يخلصو على 450 جنية هيتفكو من على المقصات وفيشة الحساس تمام بس حوالين الفيشة صدا كتير وخرطوم الباكم سليم بس شكل القطعة اللى بيركب فيها التيل مش عاجبنى قلت انزل الحرفيين يمكن الاقى حاجة انضف