زرجينه طارة فيكترا a

[asa3eed]

زرجينه طارة فيكترا A
السلام عليكم يا جماعه حد يعرف مكان عفشجى او كهربائي كويس اوبتاع زوايا عنده زرجينه عشان اعدل الطارة بعد ما عملت شغل عفشه فيها يكون ف الحرفيين ... لانى كلمت fit and fix ومش لاقى عندهم الزرجينه دى

[MaaM]

طيب ماتعدلها من البارات الداخلية عند بتوع الزوايا بدل اما تفك الطارة

[asa3eed]

طيب ماتعدلها من البارات الداخلية عند بتوع الزوايا بدل اما تفك الطارة

ينفع الموضوع ده لو كده يبقى ياريت

[asa3eed]

بتاع زوايا

طيب ماتعدلها من البارات الداخلية عند بتوع الزوايا بدل اما تفك الطارة

ينفع الموضوع ده لو كده يبقى ياريت
انا كنت قريت إنه بتاع زوايا بيفهم هيهوى ويلم الفرق من أتياش الاسكاترا بس مش لاقى بتاع الزوايا ده

[MaaM]

الجماعة بتوع الزوايا اللي في توكيل بريدجستون Fit & Fix بيعملوها عادي
عدلتها مرة عندهم
وماظنش انها محتاجة واحد بيفهم ، أي حد بتاع زوايا بيعملها ويُفضل تعملها عند واحد عنده كمبيوتر

[thug]

الزرجينه دي لقتها عند مخرطه في اسماعيليه في شارع الغابه اخده ناصيه كده
مخدش دقيقه في خلعها

[asa3eed]

الجماعة بتوع الزوايا اللي في توكيل بريدجستون Fit & Fix بيعملوها عادي
عدلتها مرة عندهم
وماظنش انها محتاجة واحد بيفهم ، أي حد بتاع زوايا بيعملها ويُفضل تعملها عند واحد عنده كمبيوتر

الاول الف شكرلردك ع موضوعى انا فعلا كلمت بتوع بريدجسيتون قالوا ليه مبنعملش الموضوع ده سألته ف كل الفروع قال اه ... بفكر اغمز الواد بتاع الزوايا واخليه يخلص ليه ف واحد هنا ف العاشر من رمضان اروح والاغيه واخلص دى حاجة أخر قرف العربيه دى تعبتنى أوووووووووى كل حاجه فيها ب مليون حوار

[asa3eed]

الزرجينه دي لقتها عند مخرطه في اسماعيليه في شارع الغابه اخده ناصيه كده
مخدش دقيقه في خلعها

والله يا بشمهندس Dief إسماعليه من العاشر من رمضان مش بعيده بس لو هاجى واقابل حضرتك واقعد معاااك شويه يبقى ليه الشرف ... ربنا يجازيك خير يارب

[Mr.Lawyer]

ان شاء الله تلاقى حل لمشكلتك ف اسرع وقت ومعلش خلى بالك طويل شويه لان الاوبل متعب شويه فى الصيانه بس ركوبه محترمه

انا كمان عندى الطاره واخده سنه ناحيه اليمين من ساعه ما عملت شغل ف العفشه وكنت مفكر انى لما اروح اظبط زوايا هتتعدل بسهوله بس واضح انها طلعت حوار :(

[MaaM]

اللي بيعدل الطارة بتاع الزوايا. فهل الفرع اللي انت كنت هناك فيه كان عندهم ظبط زوايا ؟
ولو عندهم, يمكن حصل سوء فهم في حالة ان حد جاب سيرة ذرجينة

Sent from my HTC

[samaty]

أقوللك على حاجة
انا كنت بعمل عمرة لعربيتي فيات 126 بنفسي لما الميكانيكية مرضوش يشتغلو فيها
لما جيت أخلع كراسي الكرنك رحت اشتريت زرجينة بكام تخيل
35 جنيه بس
وخلعت وركبت ييجي 5 أو 6 مرات
تفتكر هي احسن ولا الفلوس بقا

[medosalah]

[QUOTE=asa3eed;3875544208]زرجينه طارة فيكترا A
السلام عليكم يا جماعه حد يعرف مكان عفشجى او كهربائي كويس اوبتاع زوايا عنده زرجينه عشان اعدل الطارة بعد ما عملت شغل عفشه فيها يكون ف الحرفيين ... لانى كلمت fit and fix ومش لاقى عندهم الزرجينه دى [/QUOT
بص يا باشا ... انا دخلت مخصوص علشان اقولك القول الفاصل في الموضوع ده

انت تروح اي فرع لبريدجستون الي هو بيسموه fit and fix وتقوله عايز اظبط زوايا .. بس نبه عليه انه يخليلك الدركسيون معدول في النص

هيدخل العربيه ويحطلك جهاز زي الكلبش علي الدركسيون وبيتحشر بين الكرسي للسائق والدركسيون علي ما اتزكر ويعدل الطاره في المنتصف بالملي عن طريق اشعه انفرا ريد وليس بالويم وبالنظر زي الناس التانيه ثم يثبت وينزل تحت يلعب في البارات والزوايا لحد ما يظبطلك المسائل ثم ادفع الفلوس اللي هي كانت 40 جنيه للزوايا الاماميه و30 للخلفيه وفي خصم لو معاك استيكر المنتدي ثم اركب ودور وامشي جرب وهتدعيلي وحتي يا باشا لو لقيت اي مشكله او لسه ما اتعدلش وده تقريبا مستحيل . ارجعله تاني


الكلام ده انا مريت به قبلك لاني بعد ما غيرت العفشه الاماميه بالكامل كانت الزوايا في الضياع ورحت لواحد ظبطها بس الدركسيون معوووج روحت لحداد عمل زرجينه وفك الطاره وركب وعدلها بس بعد ما مشيت لقيت العوجه قلت بس مازالت موجوده ..روحت لوطنيه وظبط الدنيا وظبط الطاره بعينه بس لما مشيت مسافه لاحظت عوجه بسييطه يجي واحد او اتنين سم بس مقرفه وتوجع ايدك مع السواقه

واخيرا المكان الوحيد المحترم اللي ظبطلي الدنيا حتي من غير فك الطاره هو fit and fix

بس خلي بالك لان fit and fix بيبقي في بنزينه كالتكس وفي بعض البنزينات دي هتلاقي توكيل اخر لظبطالزوايا بجانب fit and fix فياريت تتاكد ان اليافطه مكتوب عليها fit and fix


المصنعيه عندهم غاليه بس استحاله تلاقي حد يظبطلك الدنيا زيهم

اسف علي الاطاله

[thug]

والله يا بشمهندس Dief إسماعليه من العاشر من رمضان مش بعيده بس لو هاجى واقابل حضرتك واقعد معاااك شويه يبقى ليه الشرف ... ربنا يجازيك خير يارب

نطلع نعملها سوا في اسماعيليه ياباشا وتشرفني نقعد سوا في بورسعيد

[hagagatc]

يا باشا الف به ظبط زوايا لازم يظبط الطاره لو هو معملش كده ارحعله تاني وقله الطاره مش مظبوطه علي الطريق

[organic_magic]

ياعم ريح دماغك بتوع Fix معدوش بيعملوها واسال سعيد اللي شغال هناك - فرع العاشر طبعا انت عارفه - روح لعماد في الاردنيه هيعملهالك - بيبيعوا كاوتش وبطاريات وبيرصصوا وزوايا كمان وزراجين ونظاف جدا