يا خسارة تلات سنين بنزين 92

[alameer81]

السلام عليكم
من اسبوعين تلاته كده اتهفيت في مخي وحطيت نص التنك 80
العربية الحمد لله تمام ومحستش بفرق
قمت التفويله الي بعدها هاططها كلها 80 ونجرب
برده تمام الحمد لله مفيش كركرة ولا صوت ولا اي حاجة
وسحبها تقريبا ما اختلفش

دلوقت بقول خسارة المدة الي كنت بحطها 92
بالفرق كنت جبت عربية تانية

المهم بقي

هل العربية مظبوطة علشان فيها حساس صفع مظبط الدنيا وتوقيت الاشعال؟؟
ولا كبسها قل وانا مش واخد بالي؟؟

[elpasha1]

والله انا عماله تزقزق في دماغي ان احط 80 في النوبيرا ومتردد

[andrew uwj]

بلاش 80 شويه و هتلاقى صوت العربيه على و سحبتها قلت و ممكن يسد فلتر بنزين ده بيخرب الدنيا

[mohamed-adly]

منصحكش ال80 ده فعلاً معظمه رواسب وكل فترة عاوزلك فلتر بنزين

[ahmedshk]

بعد التحية انا احمد الشيخ المحامى معايا اوبل المانى 97 نازلة بموتور ايكوتك ال اسمه التيجرا او الصوابع ماتور ممتاز جدا بحطلوا 80 بس مع خليط من ال 92 والحكاية ماشية فل والسحب عادى جدا وكمان العربية بتاكل بنزين يعنى ولا بيسد الفلتر ولا العفريت ، لكن بالتاكيد ال 92 صافى بيكون تاثيره على الرشاشات محترم ميسبش فيها رواسب كتير لكن 80 اكيد حيكونله سلبيات عموما كله بنزين طالما العربية بتروح معا لكن حاجة اكيد قدام حاجة تانى. ده غير ان بعض الاحيان بيزوده مياة ، وديه المشكلة الاكبر والاسواء

[blazer]

انا بحط على عربيتى النوبيرا 80 بقالى 55 الف كيلو ومفيش مشاكل منه

[alameer81]

الفرق بين ال 80 و ال92 مالوش علاقة بالنقاء خالص
الاتنين وسخين
الموضوع له علاقة بدرجة حرارة الاشتعال الذاتى لخليط الهوا والوقود والى لو قلت تعمل صفع , الى هو الاشعال المبكر قبل الشرارة

[abohend]

كلام سليم

الفرق بين ال 80 و ال92 مالوش علاقة بالنقاء خالص
الاتنين وسخين
الموضوع له علاقة بدرجة حرارة الاشتعال الذاتى لخليط الهوا والوقود والى لو قلت تعمل صفع , الى هو الاشعال المبكر قبل الشرارة

أنا مع الرأي ده
ﻷن البنزينة اللي بتغش بتغش كله
و التانكات الغير نظيفة برضه لكله

[hilal]

انا كان عندي لانسر
كانت ماشية ببنزين 80 زي الفل بس كنت مزود فلتر بنزين كمان عشان الرواسب
انصحك تركب 2 فلتر بنزين وتوكل على الله

[J A G U A R]

البنزين ال 80 ده حاجه زباله خالص

[medo111]

معتقدش انو مفيد لو كان مناسب كانو وصو بيه لكن لعربيتك من 91 دا الي مكتوب علي التانك و العربيه بتبقي مخنوقه لما جربتو كنت حاسس استجابه الكيك دون مش الي هيا

[MOHAMEDEBAID75]

والله انا عماله تزقزق في دماغي ان احط 80 في النوبيرا ومتردد

لو نوبيرا 1 حط ولا يهمك اخرتها كل سنتين هتغير حساس شكمان ب100جنية

[exact]

شغل التكييف وانت هتعرف هل العربية كويسة وللا لا... لو اشتغل من غير كركرة يبقى كده انت فالسليم

[احمد فهمى]

يعن ايه 92 ويعنى ايه 80 ؟؟؟

80 = 20% شوائب
92 = 8% شوائب

وطبعاً فى فرق فى الحرق والاستهلاك مفيش نقاش دى عمليه حسابيه لكن عن المشاكل اكيد فى ترسبات بشكل اكبر فى الفلاتر وعمر الرشاشات بيكون اقل وفى العربيات الجديده كارثه يعنى جرب تحط فى ميجان او فليونس مثلا او بيجو او فورد من الجديد او فولكس مثلا كارثه

[أبو_يوسف]

يعن ايه 92 ويعنى ايه 80 ؟؟؟

80 = 20% شوائب
92 = 8% شوائب

يعني الأرقام دي بتدل بس على نضافة البنزين؟