عتاب وشكوى خفيفه من طنانى ومركزه

[night_angel0007]

طبعا انا واحد من الناس لما جيت اشترى اوبل ومن عادتى بحب الف اقرى المواضيع كلها مميزات عيوب تتصرف ازاى لما يظهرلك حاجه ... الخ واعتقد ان كلنا بنعمل كده

وطبعا مفيش حد هيلف على المواضيع القديمه ومش هيلاقى مواضيع لطنانى واد ايه هو عنده خبره وضمير وكان بيساعد الناس كلها وداه شىء محدش يختلف عليه

لكن الى حصل معايا شىء مش ظريف الصراحه وطبعا مع التماس الاعذار لكن هيا مش مره واحده او اتنين

انا النهارده وانا راجع كنت معدى من على كورنيش المعادى فقولت اعدى على طنانى ابص على شويه حاجات واعملها او حتى اخد منه ميعاد دخلت جوا المعادى من ناحيه ميدان الحريه واخدت شارع 105 لاخره مقدرتش اوصل للعنوان اكلمه على ارقامه مبيردش ويكنسل

اكلم رقم المركز الى موجود على صفحه الفيس بردو مفيش رد وفى الاخر حد يفتح الخط ويسيبه مفتوح واسمع صوت حد بيتكلم وميردش

حصل نفس الكلام من تلت ايام تقريبا بس كنت برن وانا فى البيت علشان احجز ميعاد ورنيت سبع تمن مرات على فترات متباعده وبردو لا حياه لمن تنادى

طبعا انا دماغى اتقورت من الشمس النهارده ودخلت on the run بتاع مصر حلوان الزراعى الى قدام لينك المعادى وواحد حمار وهو بيركن كسرلى المرايه اليمين وكان يوم عسل

انا عارف ان فى ناس كتير هتدافع مباشره ويمكن ناس تهاجمنى لما يتمتع به الاخ طنانى من سمعه طيبه وانا اول واحد كنت بباه عايز اشهد بيها بلى بقراه عنه لكن الى حصل معايا مواقف مش ظريفه بالمره واخدت قرار انى استحاله اخشله المركز بتاعه طول العمر لو اخر واحد بيشتغل فى الاوبل بصراحه

اخيرا ربنا يوفقك ويعلى مراتبك كمان وكمان يا اخ طنانى بس الله يباركلك اباه رد على التليفون او اى حاجه تقديرا للى بيتصل بيك مش اكتر علشان محدش ياخد القرار الى انا اخدته داه

ودمتم

[mohamed-adly]

شوف وانا اخوك يعني ممكن يكون في بعض الظروف والله اكيد في شي منعه من الرد والله اعلم

[night_angel0007]

الله اعلم طبعا ولعله يكون المانع خير ان شاء الله بس تلت مرات فى تلت ايام مختلفه منهم يوم اكتر من مره على عدد ساعات مختلفه وفى الاخر فى المركز يفتحوا الخط ويسيبوه مفتوح واسمع صوت ناس بتتكلم مع بعض

عموما الله اعلم وربنا يهدينا جميعا لكن القرار الى انا اخدته بعد اليوم الجميل الى مريت بيه ابسط حقوقى ومعتقدش انها هتفرق معاه فى حاجه لان واضح ان ربنا كرمه واستغنى ومعدش محتاج ناس وربنا يزيده

[HOSSAM99]

طبعا اللي حصل مع حضرتك ده محدش يرضاه و لا الأستاذ محمد نفسه . و أكيد هو مش قاصد علشان هو مضغوط اليومين دول شويتين بجانب شغله الحكومي و مكتبة الخاص و أكيد حد من الصبيان هو اللي عمل الموقف ده .لكن هو مبيعملش كده
أدع له ربنا يوفقه و يقدر يتحمل ظروفه و ظروف المركز لأن مركز الطناني رحمة لنا من جشع الصنايعيه و غشهم
و للعلم المركز نمره 27 شارع 105 خلف المحكمة الدستوريه علي صف المطافي

[HOSSAM99]

الله اعلم طبعا ولعله يكون المانع خير ان شاء الله بس تلت مرات فى تلت ايام مختلفه منهم يوم اكتر من مره على عدد ساعات مختلفه وفى الاخر فى المركز يفتحوا الخط ويسيبوه مفتوح واسمع صوت ناس بتتكلم مع بعض

عموما الله اعلم وربنا يهدينا جميعا لكن القرار الى انا اخدته بعد اليوم الجميل الى مريت بيه ابسط حقوقى ومعتقدش انها هتفرق معاه فى حاجه لان واضح ان ربنا كرمه واستغنى ومعدش محتاج ناس وربنا يزيده

يبقي حضرتك متعرف طناني ... يقدر يستغني عن المركز نفسه .. لكن خدمة الناس و مساعدتهم ميقدرش ... إن شاء الله تتعرف عليه و هاتعره و مش هاتقدر تخلي حد يشتغل في العربيه إلا مركزه مش علشان مركزه الأفضل فنياً لأ علشان هم محترمين و عندهم أمانة

[night_angel0007]

يا افندم والله انا معنديش شك فى الكلام داه والشعر داه كلو كنت بقوله لاى حد بيسال على مركز للاوبل لكن بجد موقف متكرر اكتر من مره على ايام متباعده ادانى feed back سىء جداااااااااا لانى مش من طبيعتى بحكم على حد من مره واحده او اتنين عموما حصل خير واتمنى من الله انى مكونش ظالمه بس والله المواقف الى حصلت فى الكام يوم الى فاتت كانت سيئه فعلا ولو مرت على اى حد فعلا هتخليه يلف حوالين نفسه

[احمد فهمى]

قابلو الاول واحكم بعد كده مش هتكلم كتير

[cayman69300]

احمد فهمى - تسكت تسكت و فى الاخر تيجى خابط المختصر المفيد

[night_angel0007]

حاضر لما يرد على تليفونه هباه اقابله مش عارف اقولكوا ايه والله ربنا يهدينا جميعا

[loda80]

ازيك يا باشا أنا مش هدافع عنة بس اللى أعرفة انة مسافر تقبل تحياتى

[Ahmed adel 23]

اولا انا معرفش الاستاذ طنانى شخصيا ولا روحتلو خالص بس انا كلمتو مرة علشان اسالو على عربيه معروضه عليا فبصراحه الراجل كان محترم جدا ولما قولتلو انى من نايل موتورو فرحب بيا وبالاضافه لكدة عرض عليا انى اتعرف بيه فى المركز وحسيتو انسان ذوق جدا فممكن حضرتك تعذرو والله اعلم ايه ظروفو

[فادى محمد]

محمد كلمني الجمعه اللي فاتت مكالمه مستعجله مالحقتش اعرف هو هنا ولا مسافر بس هو مشغول جدا..
بعدها بنص ساعه اتصلت به قفل علي ولغايه النهارده ماتكلمناش. فاكيد اكيد هو عنده ظروف ولازم نعذر الراجل.

[hamdy916]

شهاده حق انا كلمت طنان كذا مرة وفى اوقات مختلفة على مدى السنة الى فاتت والرجل كان علطول بيرد عليا رم انه لاغيت دلوقتى ميعرفنيش انا كل الى بقولهوله انى معاها فى المنتدى وكان بيرد على كل استفساراتى بجد انسان محترم اوى

[إبراهيم المصرى]

انا شخصياً كلمته كتير جداً على فترات فى الثلاث سنوات الماضيه مفيش مره استشرته فى حاجه ليا او لاحد الاصدقاء الا وساعدنى وبكل اخلاص وامانه وبمنتهى الاخلاق العليا بقالى يومين بحاول اكلمه مبيردش لعله خير ربنا يطمنا عليه محمد طنانى يستاهل كل خير بشهادة الجميع

[mk3]

هيشتغل ولا هيرد على التليفون.
العنوان مكتوب وحضرتك وصلت للشارع...تنسى التليفون وتنزل تسأل هتلاقى اللى يدلك.