مساعده في تسعير فيكترا 2007

[ayman.maher87]

سلام عليكم

بعد اذنكم محتاج مساعدة خبراء الاوبل في المنتدي في تسعير عربيه معروضه عليا

أوبل فيكتر 2007 مانيوال
اللون سماوي
العداد 115000 كم
زجاج كهرباء- تكييف – باور – سنتر – مرايات ضم كهرباء – جنط 16 الأصلي – كاسيت سي دي – فوج لايت
رشه اكصدامات فقط

ده علي كلام صاحبها لاني لسه مشوفنهاش

العربيه تعمل كام من فضلكو واشتريها ولا لا .. لاني خايف من قطع غيارها خصوصا اني معايا فيرنا وانتو عارفين الفيرنا حاجتها في كل حته ورخيصه .. بس الي مخليني متحمس للعربيه دي انها مانوال لاني اسمع ان الايزي ترونيك فيه مشاكل

ارجو الاهتمام

[abohanafy27]

78000 فقط لا غير والله الموفق والمستعان

[D.Ahmed Ismail]

كنت في نفس ظروفك يالظبط بس ماحصلش نصيب
هيه عربية محترمه
بس اكيد مصروفها اعلي من افيرنا
بس مقابل كده انت اكب عربيه لازفة في الارض و بتحب ال 200 زي عينيها
وتقفل الازاز كانك في السرير
و لو حالتها سوبر 80.000
و بالتوفيق
و في انتظار د الخبراء

[kokowasfy]

75 الى 80 الف

[Hesham.H]

ربنا يوفقك وتبقى من نصيبك بأمر الله .. طبعا فرق شاسع فى الركوب ما بين الفيرنا والفكترا سى هتلاحظه من اول يوم وما تفهمش من كلامى انى بقلل من العربيه الفيرنا لا سمح الله بس دى حقيقه فعلا
المصروف طبعا مختلف بس يقابله ان قطع الغيار الالمانى معمره بكتير عن الكورى
السعر : آخرها ٨٠ الف جنيه ولو فى عشم مع صاحب العربيه أو الحاله اقل شويه هاتقل فى السعر شويه
نصيحه :
لو العربيه فيها مشاكل او مش مظبوطه بلاش منها ودور على غيرها
واختيار موفق إن شاء الله
تحياتى

[ayman.maher87]

الف شكر يارجاله تنصحوني اكشف في التوكيل ولا فين

[TAMER_ELBADAWY]

متابع باهتمام وان كنت اعتقد ان النضيف يعمل 85000

[TAMER_ELBADAWY]

انا كمان رايح اشترى اوبل بكرة 2007 وحجزت عند مقار للكشف

[ayman.maher87]

مانوال ولا ايزي ترونيك يااستاذتامر وصاحبها طالب فيها كام وكشف مقار بيتكلف كام

[svneleven]

واحد صاحبي بايع 2008 توب لاين أعلي فئة فابريقة ماشية 109000 كم ب 106 ألف جنيه. لكن العربية حالتها نضيفة جدا.
قارن بقي العربيتين عشان تعرف تمن عربيتك.

[mishmishy]

لو حضرتك تراجعت فى الشراء قولى بيانات البايع لانى عاوز اشترى اوبل مانيوال

[TAMER_ELBADAWY]

مانوال ولا ايزي ترونيك يااستاذتامر وصاحبها طالب فيها كام وكشف مقار بيتكلف كام

الحمدللة اشتريت عربية جيدة 2007 بعد رحلة بحث فى مصر من شرقها لغربها على حالة نضيفة.العربية كلفتنى 90000 لأنى اشتريت بعقد مسجل ونقلت الرخصة بأسمى وغيرت جوز فوانيس امامى جداد الواحد ب 650 من شارع دمشق وفردة فانوس خلفى ب 300 والعربية مانوال وكشف مقار بضريبة المبيعات 550 جنية ولازم تحجز وتروح بدرى وابعد عن الكشف يوم الاحد وربنا يوفقك..

[Abdo Taha]

الحمدللة اشتريت عربية جيدة 2007 بعد رحلة بحث فى مصر من شرقها لغربها على حالة نضيفة.العربية كلفتنى 90000 لأنى اشتريت بعقد مسجل ونقلت الرخصة بأسمى وغيرت جوز فوانيس امامى جداد الواحد ب 650 من شارع دمشق وفردة فانوس خلفى ب 300 والعربية مانوال وكشف مقار بضريبة المبيعات 550 جنية ولازم تحجز وتروح بدرى وابعد عن الكشف يوم الاحد وربنا يوفقك..

الف مبروك و معلش الفوانيس دي ديبو مظبوط كده ؟

[mohamedeltawel]

مبروك عليك عاوز اقولك سعرها مناسب طالما حالتها كويسه لكن اللى بيقول 75 اعرف انك هتاخد عربيه فيها شغل ما يقلش عن فرق السعر بتاعك وربنا يديلك خيرها ويكفيك شرها