العربيه مش عايزه تنطق خالص

[hagagatc]

المشكله بدايتها ان اخويا اخد العربيه مشوار بعدها رجع وسبلي العربيه عشان اركنها جيت ادور العربيه مش عايزه تدور خالص تلف المفتاح في الكونتاكت مفيش اي صوت دواره او تكتكه حتي
شكيت في المارش لو بطاريه كانت عملت اي صوت دواره لاكن دي ميته خالص
بس في سوال هل بيبقي في اي اسباب تانيه تخلي العربيه مدورش بالطريقه دي اراجع عليها
يزيت الرد بسرعه عشان انا مش عارف اتصرف قبل مجيب كهربائي يعك ويفك المرش وحوارات

[hilal]

لو ممكن تاخد وصلة من البطارية للمارش مباشرة ممكن تتاكد من سلامة المارش
واذا كان المارش سليم ، يكون العيب في الكونتاكت

[samaty]

هقوللك على حاجة متعبة شوية بس إن شاء الله هتجيب فايدة
هتجيب حاجة تفرشها قدام العربية وتنام عليها وتبص على المارش
المفروض فيه سلك واصل ليه لو السلك مش واصل وصله
هوا سلك بكلبس كهربا بيوصل في ظهر المارس من طرف الاسطوانة الصغيرة ( أتوماتيك المارش)
لو واصل هتجيب حتة سلك توصلها بموجب البطارية وتوصلها مكان السلك ده لو دار المارش يبقى سليم والعيب في الكتاوت او الكونتاك
لو المارش ما نطقش أصلا يبقى العيب منه
وعايزك تتأكد إن المارش مربوط كويس مش سايب
لإن المارش بياخد الارضي بتاع تشغيله من جسم العربية
وإن شاء الله الخير هيكون

[hagagatc]

المشكله عندي ان المكنه ايكو تك ٢٠٠٠ اتوماتك وحوض المكنه مفيهوش نفس الواحد يمد ايده ومش شايف المرش خالص لازم العربيه تترفع وافك المصفحه وشغلانه

[haisam ali]

المشكله عندي ان المكنه ايكو تك ٢٠٠٠ اتوماتك وحوض المكنه مفيهوش نفس الواحد يمد ايده ومش شايف المرش خالص لازم العربيه تترفع وافك المصفحه وشغلانه

كان الله فى العون ياستاذ عبد الرحمن فاهمك جداً ومقدر اللى انا فيه ..... لكن عندى سوءال لما بتفتح الكونتاك لمبه check طافيه مع الكونتاك ولا منوره ؟؟؟؟؟؟ نعيد السوءال تانى وباكد لما بتفتح الكونتاك واللمبات كلها بتنور ....!! لمبه ال check قايده مع الكونتاك ولا طافيه ؟؟؟؟ لو طافيه هعوزك تراجع على الاستارت اللى فى حوض الموتور اللى هوما فوق الفجوه اليمين ومعلش لو فيها رزاله عايز منك تشيكه كامله على فيوزات العربيه كلها وخصوصا الفيوزات الكبيره اللى فى حوض الموتور ...!!!! لان صعب اوى المرش يهيس بين لحظه كده

[tananybasha]

فبرة كونتكت غالبا

[hagagatc]

كان الله فى العون ياستاذ عبد الرحمن فاهمك جداً ومقدر اللى انا فيه ..... لكن عندى سوءال لما بتفتح الكونتاك لمبه check طافيه مع الكونتاك ولا منوره ؟؟؟؟؟؟ نعيد السوءال تانى وباكد لما بتفتح الكونتاك واللمبات كلها بتنور ....!! لمبه ال check قايده مع الكونتاك ولا طافيه ؟؟؟؟ لو طافيه هعوزك تراجع على الاستارت اللى فى حوض الموتور اللى هوما فوق الفجوه اليمين ومعلش لو فيها رزاله عايز منك تشيكه كامله على فيوزات العربيه كلها وخصوصا الفيوزات الكبيره اللى فى حوض الموتور ...!!!! لان صعب اوى المرش يهيس بين لحظه كده

لمبه التشيك بتفضل قيده عادي انا جربت كل الي انت بتقول عليه شيكت علي ٢ كتاوت الي فوق الابي اس
والفيوزات كلها تمام مش عارف العيب فين اتصلت بميكانيكي جالي جرب السليكتور سوتش مفيهوش حاجه
خبط شويه علي المرش العربيه عملت تكه واحده وبعدها سكتت وبعدها قلي ده مرش
هل يبوظ مره واحده يبوظ مره واحده

[haisam ali]

لمبه التشيك بتفضل قيده عادي انا جربت كل الي انت بتقول عليه شيكت علي ٢ كتاوت الي فوق الابي اس
والفيوزات كلها تمام مش عارف العيب فين اتصلت بميكانيكي جالي جرب السليكتور سوتش مفيهوش حاجه
خبط شويه علي المرش العربيه عملت تكه واحده وبعدها سكتت وبعدها قلي ده مرش
هل يبوظ مره واحده يبوظ مره واحده

طاب جربت اللى الهندسه الكبير قالك عليه ،،،،؟؟؟؟ لان ممكن فبره الكونتاك الداخليه فعلا تكون اوساعت وعملت كده الكونتاك بيلف فيها على الفاضى .....؟؟؟؟ يعنى حاول بأى طريقه تشوف كهرباءى نعرفه ليك يجيى يدى للمرش كهرباء مباشر ونشوف الدنيا فيها ايه او تجيب لمبه test ب دبوس شعر وتجرب كده توصل الارضى فى أى طرف والدبوس تحطه فى الكابل اللى رايح للمرش الأحمر ..... اكيد انت فاهمنى ....؟. معلش طول بالك وبأذن الله تطلع حاجه هايفه

[kahk2008]

مرة حصلت معايا وكانت المشكلة ان فى فيوس ضارب

[hagagatc]

مرة حصلت معايا وكانت المشكلة ان فى فيوس ضارب

بس كانت مبتديش اي صوت لما تيجي تدور

[hagagatc]

فبرة كونتكت غالبا

طيب ايه حلها اكشف عليها ازاي

[samaty]

مع احترامي للجميع
الموضوع ده كله يتلخص في أوتوماتيك المارش ( اللاقط)
هجيب الموضوع من البداية
المارش ده بيكون حصان ونص
ده معناه إنه بيسحب من البطارية حوالي 100 أمبير ساعة ما يدور
طيب هنجيب منين مفتاح يستحمل 100 أمبير؟
أو حتى كتاوت؟
طيب الحل
تم عمل مفتاح ميكانيكي يقوم بوظيفتين
الوظيفة الاولى
دفع ترس المارش ليقوم بعمل تعشيق للمارش مع الفلام
لأنه من غير المعقول أن يظل المارش متصلا بفلام السيارة وقت دورانها فيدور معها مما يؤدي لاستهلاك أجزائه كما أنه غير مصمم للدوران بسرعة عالية
الوظيفة الثانية هي توصيل الكهرباء إلى محرك المارش ليقوم بالدوران وتشغيل محرك السيارة
ويتم ذلك عن طريق غويشتين من النحاس يلمسو بعض وقت التدوير وينفصلوا بعدها
اللاقط ده عبارة عن ملف مغناطيسي لما توصله كهرباء يندفع محركا ترس المارش باتجاه الفلام ودافعا الغويشتن النحاس ليلمسو بعض فيقوم بتوصيل الكهرياء إلى المارش ليدور
الملف ده متصل طرف بجسم المارش ( الأرضى) وطرف بالسوكت اللي في ظهر المارش اللي بياخد كهرباء تبعا لحركة مفتاح الكونتاك
اللي حصل عندك إن أحد نقاط التوصيل بتاع الملف بتاع الاتوماتيك ( اللاقط) فصل

[samaty]

عايز تحل الموضوع بنفسك؟؟؟؟
عادي بقا
الأول خد نفس عميق وتأكد أن عملك الذي ستقدم عليه له فوائد جمة
كفاية أوي عامل الخبرة المهم حيث سيكون لديك بعد ساعتين خبرة بأعطال المارش وكيفية علاجها
وهذا من أهم ما يكون فلربما صادفك شء من ذلك وأنت على طريق لا تجد فيه أحدا
وصدق إذ كنت يوما باولادي في المنصورة وبينما نحن عائدون والساعة حوالي 11 ليلا أبت السيارة أن تدور
ماذا افعل والوقت ليلا ومعي الأولاد وكانت نفس مشكلتك تماما قمت برفع السيارة وحل المارش ووجدت فعلا أن أحد اللحامات قد فك
أعمل إيه وإحن نص الليل
استلفت مفك رفيع من أحد محلات صيانة الموبايل وقمت بحشر ورق في داخل اللاقط ليحافظ على التوصيلة ودورت السيارة وروحت
الاوات المطلوبة ( مفتاح مقاش 13 جنب شرشر وجنب بلدي + مفتاح مقاس 8 جنب مشرشر وجنب بلدي + مكواة لحام كهربائي قدرة 120 وات أو أكبر + متر قصدير + لتر بنزين + فرشاة أسنان قديمة " لو مفيش قديمة هات جديدة وأمرك لله" + شحم)
طيب هنعمل إيه
هتلبس لبس شغل يعني أي ملابس قديمة "ولو مفيش قديمة البس أكتر طقم بتكرهه عادي يعني " بنص كم وحط القميص في البنطلون ( كلام سكتشف أهميته حين تتسخ يداك ولا تستطيع لمس جسمك ولا هدومك)
عرف حد من البيت إنك هتعمل شغل في العربية ( برده مهم جدا - لو إحتجت لشئ ضروري وناديت على حد يبقى عارف هيجيلك فين بدل ما يقعد يدور عليك وفيه أمور الثانية فيها بتعمل فرق كبير)
هتنزل ترفع العربية لأقصى مدى ممكن ( ترفع عجلة من قدام لآخر الكوريك وحط تحتها حاجة جامدة وثابتة وتروح ترفع العجلة اللي قدام التانية زيها وبدره تحط تحتها حاجة) ولا تعتمد على الكوريك في بقاء السيارة مرفوعة أبدا بل لا بد أن تعتمد على أجسام صلبة وثابتة ( قطعة خشب - حجر - طوب)
تشد فرامل اليد كويس وتدي العربية الباركينج لو أتو ماتيك أو الأول لو مانيوال
تحط طوب أمام وخلف العجل الخلفي
إشتال كابل البطارية
تجيب حاجة تفرشها تحت الاكصدام الأمامي
تنزل تفك المصفحة لو موجودة من قدام وتسيب مسمار واحد بس وا تهويه شوية
ودي المصفحة على جنب علشان تشوف شغلك
هتلاقي كابل جاي من البطارية واصل بمسمار نحاس بصمولة مقاس 13 فكه واشتال الكابل واربط الصمولة مكانها علشان مش تضيع
هتلاقي سلك واصل بكليبس هتشده (ده كان واصل لأتوماتيك المارش ( اللاقط)
الجسم اللي كان راكب فيه الكابل ده هوا المارش
هتلاقيه مربوط في جسم العربية بمسمارين أو 3 مقاس 13
هتفكهم
خد بالك أحيانا بيبقى المسمار له صمولة من ناحية الفتيس
هتمسك الصمولة بمفتاح وتفك بمفتاح
كده يبقى المارش معاك
خده وإجري بقى بعيد عن العربية واقعد في حتة نظيفة وظل وياريت تحت المروحة او في التكييف علشان تشتغل ببال رايق

[samaty]

هتلاقي المارش عبارة عن اسطوانتين لازقين في بعض ودي صورته

الاسطوانة الصغيرة دي هى الأوتوماتيك ( اللاقط)
ودي صورته

طبعا انت فاكك صمولة مسمار من الاتنين قبل كده وخالع منها الكابل في العربية
دلوقتي هتفك التانية وتفك المجدول النحاس اللي واصل لجوه المارش
هتلاقي مسمارين صغيرين هتفكهم
وتشتال الوش ده بحرص
وتاخد بالك كويس
هتلاقي وردة نحاس مكبرت وهتلاقي اسطوانة حديد وفيها مسمار وهتلاقي تحتها سوستة
هتمسك كل ده وتغسله كويس بالفرشاة والبنزين وتشيل الاوساخ اللي عليه
هكمل بعد العشاء لاني هروح شغلي دلوقتي
المعذرة

[sword00]

كلامك ده يتحط فى موضوع لوحده عن المارش تسلم ايدك