إلى أبي الفداء ( د/محمد بنها) شاحن بطارية

[samaty]

كتير مننا وخاصة أصحاب السيارات الأوتوماتيك بتقابلهم مواقف صعبة لو البطارية نامت
ما بتبقاش عارف تعمل إيه
العربية مينفعش تدور زق
طيب العمل إيه
أنا هشرح عمل شاحن بسيط جدا
طبعا دا شاحن للطوارئ بس
يعني مفيش أي أوبشن
لا فصل ذاتي ولا مبين شحن
بس الميزة فيه إنك هتعمله بايدك وبتكلفة بسيطة وممكن ترميه في شنطة العربية لو رحت المصيف والبطارية عملتها معاك تقدر تتصرف
أولا المكونات المطلوبة
1- محول كهربائي 12 فولت 3 أمبير أو 5 أمبير

2- دايود 6 أمبير

3- طقم مشبك بطارية

4- مترين سلك 1مم كل متر بلون
5- سلك كهرباء بفيشة ( الطول حسب رغبتك)
التوصيلات
المشابك بتاع البطارية هتشد البلاستيك لبرة وتوصل كل متر سلك بمشبك
وبكده يبقى عندنا سلكين كل واحد فيهم واصل بمشبك من ناحية ومن الناحية التانية مفيش حاجة
نيجي بقا للمحول
هنلاقي فيه سلكين لونهم أحمر خارجين من ناحية وسلكين أي لون تاني خارجين من الناحية التانية
السلكين اللي لونهم أحمر سمكهم اكبر من التانيين
السلكين الحمر بتوح المحول هنوصل واحد منهم مباشرة بالسلك اللي واصل بالمشبك الاسود
أما السلك التاني هنوصله بالدايود من الجهة اللي مفيهاش الخط الأبيض
والجهة اللي فيها الخط الابيض هنوصلها بالسلك اللي واصل بالمشبك الاحمر
أما السلكين التانيين اللي خارجين من المحول فدول هنوصلهم بالسلك اللي فيه فيشة

وبكده يبقى عندك شاحن بطارية
البطارية تنام منك أي وقت
توصلها تشحن
من غير ما تروح لحد
طبعا هتوصل المشبك الاحمر بموجب البطارية ( الكهرباء) والاسود بسالب البطارية ( الأرضي )
وتحط الفيشة في الكهرباء

[سيد الجندي]

سؤال بعد اذنك ياشيخ ابراهيم
هوه انت ليه حاطط دايود فرداني ؟ مش كده هايبقى نصف تقويم
مش لو حطينا قنطرة كاملة زي دي مثلا يبقى تقويم كامل

[سيد الجندي]

معلش على تكرار الصور
مستجد بقى نعمل ايه

[samaty]

سؤال بعد اذنك ياشيخ ابراهيم
هوه انت ليه حاطط دايود فرداني ؟ مش كده هايبقى نصف تقويم
مش لو حطينا قنطرة كاملة زي دي مثلا يبقى تقويم كامل
full wav

أولا أنا بدور على الأسهل في التوصيل
لكن انا ممكن أعمله من غير دايودات أصلا ولا بريدج وأعمله دايرة فصل بعد تمام الشحن لكن هل لو شرحت ده هيبقى في مقدور كل واحد إنه يعمله
ثانيا البريدج مش متوفر عند المحلات في الأرياف
ثالثا التوحيد النصفي معناه إن مع التحميل الطويل يظل المحول غير مجهد
رابعا الشحن النبضي أفضل للبطارية طالما لا يوجد دوائر حماية


و أخيرا لا تنسى اننا نتعامل مع أناس لا علاقة لهم بالالكترونيات

[bestlove2]

طب هل دلوقت ممكن اعمله لقطه للتدوير وبعدين اوصل البطارية للشحن على السيارة

[samaty]

طب هل دلوقت ممكن اعمله لقطه للتدوير وبعدين اوصل البطارية للشحن على السيارة

سيدي الفاضل
مارش السيارة يلزمه تيار قدره حوالي 100 أمبير ليؤدي عمله في تدوير السيارة
الشاحن مثلا بيشحن البطارية بتيار قدره 1 أمبير لمدة ربع ساعة (900 ثانية)
علشان المارش يسحب 100 أمبير لمدة 9 ثواني يدور فيهم العربية

[bestlove2]

متشكر لرد حضرتك

طيب معلش انا هتعبك معايا

دلوقت انا كنت سمعت عن المكثفات انها ممكن تتشحن وبتكون لها قدرة عالية وشوفت لها فديوهات على اليوتيوب بيدوروا بيها السيارة بدل البطارية بس مش عارف مكوناتها فمن الممكن انها تنفع على الأق اذا توقفت السيارة فى مكان مقطوع بعيدا عن الكهرباء
ولك تحياتى

[samaty]

المكثف عبارة عن لوحين يتم تخزين فرق الجهد بينهما
تقاس سعة المكثف بالفاراد
1 فاراد = اأمبير لمدة ثانية واحدة
ليس لدينا في مصر المكثفات هائلة السعة ( أكبر سعة مكثف شفتها في مصر كانت 82 مللي فاراد)
المكثفات ثمنها غالي جدا
المكثف 22 مللي فاراد تمنه 15 جنيه
علشان تدي المارش 10 ثواني ( دا بفرض إن العربية هتدور من اول تكه)
يلزمك مكثف بسعة 1000 فاراد
في الخارج يتم إجراء تجارب على استخدام المكثفات كبديل للبطاريات نظرا لأنها تقبل الشحن والتفريغ لعدد لا نهائي من المرات
بالاضافة للميزة الأهم وهي أنه مهما كبرت سعة المكثف بالامكان شحنه في ثانية واحدة بالكامل إذا وصل به تيار مناسب

[hagagatc]

اتفرج علي الجهاز ده بس الماني انا لسه شاريه ممتاز ومتيريال عالي جدا والماني الماني
شاحن بطاريه بيشحن اي بطاريه من ٦ فولت الي ١٢ فولت

[samaty]

طيب أنا بعدل الباور سبلاي بتاع الكومبيوتر لشاحن فائق السرعة
مشروع مصري صيني مشترك
الباور سبلاي صيني
والتعديل مصري
يمشي الحال؟

[أبو الفداء]

الأخ samaty
شكرا جزيلا على الموضوع
جزاك الله خيرا كثيرا .. وزادك علما وفيرا
D:
هل ممكن أشحن البطارية 14 ساعة على الجهاز ده؟؟
وما فائدة الدايود؟

[احمد فهمى]

تونجر مبسط هايل والله ............. متابع

[م أحمد]

أولا أنا بدور على الأسهل في التوصيل
لكن انا ممكن أعمله من غير دايودات أصلا ولا بريدج وأعمله دايرة فصل بعد تمام الشحن لكن هل لو شرحت ده هيبقى في مقدور كل واحد إنه يعمله
ثانيا البريدج مش متوفر عند المحلات في الأرياف
ثالثا التوحيد النصفي معناه إن مع التحميل الطويل يظل المحول غير مجهد
رابعا الشحن النبضي أفضل للبطارية طالما لا يوجد دوائر حماية


و أخيرا لا تنسى اننا نتعامل مع أناس لا علاقة لهم بالالكترونيات

التحميل النصفى لا يجهد المحول نعم و لكن به نسبة خشانة تيار Harmonics عالية تسبب ضرر لألواح البطارية و التلف السريع لها و الا لكان هذا هو الاستاندر فى عمل الشواحن لعدم اجهاد المحول اى ان الشواحن النبضية غير مفضلة على الاطلاق للبطاريات و هى الاكثر ضررا و لا علاقة لدوائر الحماية بالموضوع

الدائرة أيضا خالية من مكثف التنعيم و هو مهم جدا حتى مع التوحيد النصف موجى للحصول على تيار ناعم و الحفاظ على البطارية تحت الشحن او اى جهاز يعمل

[fiberfiber]

التحميل النصفى لا يجهد المحول نعم و لكن به نسبة خشانة تيار harmonics عالية تسبب ضرر لألواح البطارية و التلف السريع لها و الا لكان هذا هو الاستاندر فى عمل الشواحن لعدم اجهاد المحول اى ان الشواحن النبضية غير مفضلة على الاطلاق للبطاريات و هى الاكثر ضررا و لا علاقة لدوائر الحماية بالموضوع

الدائرة أيضا خالية من مكثف التنعيم و هو مهم جدا حتى مع التوحيد النصف موجى للحصول على تيار ناعم و الحفاظ على البطارية تحت الشحن او اى جهاز يعمل

و جهد المحول لازم يكون اكتر من 12 فولت (ممكن تلاقى محول 18 / 220) .

[samaty]

التحميل النصفى لا يجهد المحول نعم و لكن به نسبة خشانة تيار harmonics عالية تسبب ضرر لألواح البطارية و التلف السريع لها و الا لكان هذا هو الاستاندر فى عمل الشواحن لعدم اجهاد المحول اى ان الشواحن النبضية غير مفضلة على الاطلاق للبطاريات و هى الاكثر ضررا و لا علاقة لدوائر الحماية بالموضوع

الدائرة أيضا خالية من مكثف التنعيم و هو مهم جدا حتى مع التوحيد النصف موجى للحصول على تيار ناعم و الحفاظ على البطارية تحت الشحن او اى جهاز يعمل

أخالفك القول هذه المره
فالبطارية تشحن بالتيار الموجي أفضل من التيار المستمر الثابت
والدليل على هذا أن كل صانعي السيارات لم يهتمو بتنعيم تيار شحن الدينامو
أم أنك رأيت سيارة بها مكثف على الدينامو