حل مشكلة الفتيس عند الاستاذ طناني

[shadyyassin]

اتصلت بالاستاذ طناني قولتله في عندي مشكله في الفتيس قاللي تعالي ونشوف الفتيس فيه ايه وديتله العربيه يوم الاحد بليل عشان قاللي خليها يوم الاتنين المهم الراجل نزل الفتيس يوم الاتنين و جاب قطع الغيار الثلاثاء وتاني يوم ركبها يعني جمع الفتيس كله قاللي تعالي استلم قولتله مش قادر بصراحه و عندي شغل و مش فاضي ( عشان مكنتش قبضت بصراحه ) المهم قلت للاستاذ طناني جرب حضرتك براحتك خالص و بهدوء و عنف كمان لغايه ما اجي انا استلم ان شاء الله و كانت المفاجئه رحت استلم لقيت بسم الله ما شاء الله الفتيس تمام الله اكبر يعني تحفه و لله الحمد و قاللي لقيت فرن الشكمان محتاج يتغيرله جاويد راح موديه للخراط يعمله و ظبطلي دوره المياه و الحراره و وعدني انه يغيرلي ال ايه بي اس المره الجايه ان شاء الله و نيجي بقي للحساب لقيته بيقولي المصنعيه قاللي *** بصراحه اتصدمت قلتله انت متاكد اقل واحد اعرفه بيصلح فتيس اوتوماتيك بياخد علي الاقل 650 الي 750 مصنعيه لقيت المبلغ بصراحه قليل جدا والله الراجل عامل واجب بزياده الله يباركله و يوسع رزقه و يباركله يا رب و التحذير بقي يا استاذ طناني مش كده انت كده هايطمع الناس فيك يا راجل و الراج الطيب ابو كف السكره ربنا يباركلك يا شيخ قعد فصصلي الفتيس حته حته عشان يشرحلي سبب العطل و ليه هانغير القطع دي ربنا يكرمك يا بني و يزيدك و رجعتلي فيكي حبيبتي بنتي تاني الف شكر يا استاذ طناني و الشكر واجب ليك و لمركزك و لصنايعيتك المميزين و مش عايز افكرك بقي ال ايه بي اس الله يباركلك بقي متنسانيش

[a7mad_mo7amad6]

لاول مره اقابل الراجل ده...بجد قمة في الادب والاخلاق والتعاون...
ربنا يبارك فيك استاذ طناني: )

[sword00]

قال النبي صلى الله عليه وسلم: «أحب الناس إلى الله أنفعهم للناس، وأحب الأعمال إلى الله عزّ وجلّ سرور يدخله على مسلم، أو يكشف عنه كربة أو يقضي عنه ديناً أو يطرد عنه جوعاً، ولأن أمشي مع أخ في حاجه أحب إليَّ من أن أعتكف في هذا المسجد - مسجد المدينة - شهراً ومن كف غضبه ستر الله عورته، ومن كتم غيظه ولو شاء أن يمضيه أمضاه، ملأ الله قلبه رجاءً يوم القيامة ومن مشى مع أخيه في حاجة حتى تهيأ له أثبت الله قدمه يوم تزول الأقدام ..» صححه الألباني
الجزء الاول من الحديث ينطبق على الاستاذ طنانى وده من كلام الناس عنه ولو انى مقابلتوش اطلاقا ولو ان مشاركاته على الجروب قلت واللى استفدت منها شخصيا كتير نتمنا نمه يزيد من وجوده معانا

[cayman69300]

بيع الاوبل يا شادى
المشرحة مش ناقصة قتله
انا هنا عنصر هدام لحروب الاوبل
هههههههههههههههه

[احمد فهمى]

ربنا يبارك فى طنانى هو امل اماكن الاصلاح الاخير والله للكل لأن الضمير انعدم

[shadyyassin]

الراجل والله ما بخلش عليا سواء بالنصيحه او في الشغل الله يكرمك و يوسع رزقه @ cayman69300 و الله يا دكتور الواحد مش عارف يقول ايه ولا ايه بس اهو قدر مكتوب :)

[shadyyassin]

بيع الاوبل يا شادى
المشرحة مش ناقصة قتله
انا هنا عنصر هدام لحروب الاوبل
هههههههههههههههه

و الله يا دكتور في قدامي مصلحه لو حصلت هاعمل زيك و اجيب ليجانزا

[mohamedeltawel]

انا من اسكندريه بس فى اول زياره ليا للقاهره ان شاء الله لازم اعدى على مركز طنانى اعمل اى حاجه فى العربيه وربنا يباركله فى المركز وفى الصنايعيه يا رب

[shadyyassin]

انا من اسكندريه بس فى اول زياره ليا للقاهره ان شاء الله لازم اعدى على مركز طنانى اعمل اى حاجه فى العربيه وربنا يباركله فى المركز وفى الصنايعيه يا رب

الراجل محترم و عنده ضمير في التشخيص وربنا يباركله

[mishmishy]

ممكن عنوان مركز طنانى ولو فى رقم موبايل لو سمحتوا؟

[sniperwolf]

ياريت ياجماعة لو حد يعرف رقم موبايل استاذ طنانى علشان ضاع منى للاسف ومش عارف اوصلة ؟

[Hussein_Rawi]

01003222021

[Hussein_Rawi]

ياريت ياجماعة لو حد يعرف رقم موبايل استاذ طنانى علشان ضاع منى للاسف ومش عارف اوصلة ؟

01003222021

[sniperwolf]

01003222021

شكرااااا ياباشا

[hossamalsadik]

بما انى عرفت المركز ده فى شغل فى عربيتى عمره كامله فأقدر اقول أنه مركز محترم فعلا والاستاذ طنانى راجل محترم أمين صادق فى مشاعره وبيخاف على زبونه جدا وايضا جميع من يعمل معه وقراءت فى موضوع حضرتك اسم محمد ابو كف الراجل ده فاهم كتير وبيحب شغله وبيحب يعمل الشغل بمزاج وهوا الى عملى عربيتى الابيزا عمره كامله اسأل الله فى هذا الشهر الكريم أن يوفق الاستاذ طنانى ويبركله وجميع من يعمل معه ويبعد عنهم السوء ويجعلهم فى الفه دائمة

تحياتى