لمبة ال check engine بتنور في نص المشوار

[a_mokhtar]

السلام عليكم يا شباب

من اسبوعين كنت غيرت الكولانت سينسور و أساتك الرشاش عشان استهلاك البنزين عالي عندي
مع الوقت بدأت ألاحظ برجلة مع الدوارة
لما بصيت على البوجيهات لقيتهم محروقين و انا عامل بيهم 3000 كم !
و لقيت الصفيحة بتعمل 55 كم بس جوة البلد !
مع العلم ان طرمبة البنزين و الرشاش تمام و البنزين نضيف
غيرت البوجيهات و نضفت البوابة بدأت العربية تفوق شوية بس لسة فيها برجلة
شكيت ان الكولانت سينسور مضروب مع ان مكتوب عليه انه ألماني
شيلته و ركبت القديم و فعلا العربية ظبتت تاني الحمدلله..
المشكلة حاليا ان في نص المشوار لمبة ال check engine بتنور
و لو بطلت و دورت تاني بتطفي
و لقيت العربية ساعات بتبطل مني لما اكون واقف لما تكون اللمبة منورة
حد عنده فكرة دا ممكن يكون ايه ؟

[SENNI55]

انا معايا جهاز كشف الاعطال ممكن اقولك العيب اية بالظبط و اطفيلك اللمبة ب 50 جنية

[Hesham.H]

اكل بنزين وتبطيل ولمبه الفحص يبقى ممكن احتمال كبير حساس الكامه لو موتورك ايكوتيك

[a_mokhtar]

اكل بنزين وتبطيل ولمبه الفحص يبقى ممكن احتمال كبير حساس الكامه لو موتورك ايكوتيك

لا موتور اسود واحد كامة 1600 يا باشا

[almghol]

حضرتك ممكن الحساس يكون مظبوط وسكله مقطوع او ملمس ف لما بيلمس العربيه مظبوطه ولا بيفصل اللمبه بتنور والعربيه بتبرجل
والله اعلم

[a_mokhtar]

لاحظت كمان لما اللمبة تكون منورة
و انا واقف لو شغلت التكييف ال rpm بيقل ل 0.5 و يعلى تاني
مع العلم ان الطبيعي لو ماكانتش منورة ان ال rpm مش بيقل
حاولت احرك سلك الكولانت سينسور بس مش بيفرق
شكله سليم