استفسار

[odod]

السلام عليكم
بعد اذن الرجاله اللى موجوده هنا عندى استفسار بس فى عربية اوبل استرا 2004 .1600 سىسى اوتوماتيك
هوه مكان فلتر البنزين فين بالظبط لانى بصيت تحت العربية ملقتهوش
هل بيبقى راكب فى الطرمبة ولا فين
ولو فى الطرمبة ممكن يتغير لوحده ولا كلها بتتغير
وفى حاجة كمان انا حاسس ان العربية السلانسيه بتاعها واطيه شويه يعنى 0.5 فهل ده الطبيعى بتاعها ... مع العلم انىلما حططها على الجهاز مجبتش حاجة
وشكرا جدا على الاطالة

[amoora]

الفلتر مكانه لو نزلت تحت العرية من الجنب الشمال تحت الكنبة قدام الكاوتش اللي ورا شمال
السلانسيه على حد علمي عادي مش مشكلة كويس كده .. طبيعي . اهم حاجة متكونشي بتبطل ولو شغلت التكييف بيعلى شوية

[Hazeeeeem]

زي ما الزميل وضح لحضرتك ..
والسلانسيه الطبيعي بيكون علي ٩٠٠ او ١٠٠٠

[احمد فهمى]

كما وضحلك مكان الفلتر ولو مكتوم او الطرمبه ضعيفه والبوابات محتاجه تنضيف هتلاقى الrpm واطي

[odod]

انا متشكر جدا جدا جدا لسرعة الرد منكم يارجالة والله انا مكنتش متوقع السرعة فى الرد كده
الحمد لله لقيت الفلتر فى الجنب الشمال قدام العجلة اللى ورا شمال .. انا كنت بصيت عليه فى الجنب التانى ملقتوش
وبالنسبة بقى لموضوع السلانسية النهاردة انشاء الله هاروح اغير الفلتر واكشف على موتور الطرمبة لان كمان سحب العربية مش حلو فا ممكن يكون منهم
ولتانى مرة متشكر جدا يارجالة ربنا مايحرمنا من استشارتكم