تغيير البطارية من غير العربية ما تحس

[samaty]

لي صديق كان عنده مشكلة كبيرة في العربية
عايز يغير البطارية
بس المشكلة في انه مش معاه كود الكاسيت وكمان كل حاجة بتعوز تكويد في العربية
طب يعمل ايه
فضل متحمل البطارية اللي باظت لغاية ما اصبح لا مفر من التغيير
فجالي علشان نروح نجيب بطارية وطبعا هنسيب القديمة
وإحنا في الطريق قاللي على المشكلة وإنه متحمل علشان خاطر ما يخسرش الكاسيت لانه مش لاقي الكود بتاعه بالاضافة لموال تكويد العربية
قلتله ولا هنحتاج لحاجة من دي
ما كانش مصدق
قلتله هنغير البطارية من غير العربية ما تحس
المهم
رحنا للراجل بتاع البطاريات وقلقتله هات التونجر بتاعك
اخدنا التونجر وشبكناه في قواطيش العربية وبعدين خلعنا البطارية وركبنا الجديدة وفصلنا التونجر
حط المفتاح ودور
وهووووووووووووب
كل حاجة شغالة حتى الكاسيت
حبيت بس انقل التجربة للإفادة

[a7mad_mo7amad6]

هي خطر شويه لان الكنترول ممكن يطير في حركة زي ده....

[andrew uwj]

هو مش ممكن نغير البطاريه والعربيه دايره ؟؟ انا كنت بعملها فى العربيه القديمه العربيه لتفضل دايره على الدينامو لغابت ما نركب التانيه

[rotanamasoud]

كان الافضل بطاريه تالته تتوصل بدل التونجر لان التونجر بيطلع فولت اعلى عشان يشحن وكان ممكن يضرب حاجه الحمد لله انها جات سليمه

[exact]

التونجر يعمل مشكلة... كان ارحم له غيرها والعربية دايره وهو قايد الانوار كلها عشان يهدي الدينامو

[samaty]

اولا الكونتاك كان مقفول والعربية مبطلة
ثانيا التونجر شغال على البطئ بيطلع 14.4 فولت زي الدينامو الجديد
ثالثا وده الأهم ... إيه اللي بيبوظ الكونترول لما تفصل كابل البطارية والعربية شغاله؟؟؟
مش كهربة الدينامو العالي
اللي بيبوظ الكونترول حاجة اسمها التيار العكسي
عارف لما تشتال كابل البطارية
ايه اللي بيعمل الشرز؟؟؟؟
دا اسمه التيار العكسي ودا عبارة عن مقاومة التيار للهبوط المفاجئ بيتكون فرق جهد عالي نبضي هوا اللي بيعمل الشرز ده
فرق الجهد العالي ده لو وصل للكونترول يبقى مع السلامة

[احمد فهمى]

فكره ممتازه