العربية شكلها جابت طرمبة مية

[Abdo Taha]

السلام عليكم يا رجالة النهاردة نزلت ازود مية للعربية كانت ناقصة بشكل حاد مليت المية فوق النص بسنة عادي فببص لقيت على المصفحة اللي تحت الموتور زي بلل لمسته محستوش شحم حسيته زي ما يكون مية
و ادي صورة ليها



فبعد كده ببص من ناحية الكاتينة لقيت شوية طرطشة بسيطة كده هل ده معناه ان طرمبة المية بتودع ؟ و لقيت زي جزء مبقع كده عند سجادة دواسة هل ده لي علاقة بالسربنتينة بتاعة السخن لو حد يعرف مكانها في الفيكترا سي يقلي هى يمين و لا شمال عشان والدي قالي انها ناحية الراكب الامامي مش السواق و الطرطشة كانت بتيجي من الناحية دي و صحيح التقليب في القربة كويس مش بطال


السيارة فيكترا سي

[احمد فهمى]

هى العربيه عامله كام الف؟؟؟ والطرمبه موجوده تحت عند سير الكاتينه ولو ميه فى الدواسه ممكن خرطوم الفايظ مسدود

[sakr_skoda]

لو مش من خراطيم المية اللى داخلة على الطلومبة او الطبب اللى فى الموتور فوق الطلومبة بالظبط يبقى امرك لله حتغير الطلومبة**

[Abdo Taha]

هى العربيه عامله كام الف؟؟؟ والطرمبه موجوده تحت عند سير الكاتينه ولو ميه فى الدواسه ممكن خرطوم الفايظ مسدود

العربية عاملة 135 الف مغير طقم كاتينة عند 100 الف و سير دينامو و لكن مغيرتش الطرمبة ، طب المصورها دي ايه بالظبط عشان لو طربمة المية تحت هو فعلا في طرطشة مية بسيطة او تفتفة من تحت شوية . طب المية اللي على المصفحة اللي تحت ممكن من ايه انا كده هتجنن الواحد داخل على الصيف و مش عايز العربية تصرف و تسخن و الحوارات دي . حضرتك تعرف طرمبة السي بكام كده ؟

[Abdo Taha]

لو مش من خراطيم المية اللى داخلة على الطلومبة او الطبب اللى فى الموتور فوق الطلومبة بالظبط يبقى امرك لله حتغير الطلومبة**

لا هى مش من الخراطيم بس مشفتش الطبب و لو اني اشك انها الطرمبة لان هى عاملة زي تفتفة او حاجة بتدفعها بس تقليب المية كويس في القربة يعني برضه ؟

[sakr_skoda]

لا هى مش من الخراطيم بس مشفتش الطبب و لو اني اشك انها الطرمبة لان هى عاملة زي تفتفة او حاجة بتدفعها بس تقليب المية كويس في القربة يعني برضه ؟

مهو ممكن الطبة اللى فوق الطلومبة تكون هيى اللى بتسرب المية بتنزل على طنبورة الطلومبة بتعمل نقطة المية رزاز نتيجة الحركة (الدوران السريع)***

[احمد فهمى]

135 كتير المفروض تتغير على 100 الف ده لو ماشى حسب التصرف القياسي بس ممكن تكمل 120 مع تانى صيانه كاتينه مع انى بفضل تغيير الكاتينه على 50 الف او اقل مش 60 عمتاً اول ما هتفك الوش هتلاقى الطرمبه مغرقه المكان ميه وخلى بالك لو فوتتواتكسرة الطاره هتعمل كارثه وانا بستبعد الطببب لسه بدري عليهم

[Abdo Taha]

135 كتير المفروض تتغير على 100 الف ده لو ماشى حسب التصرف القياسي بس ممكن تكمل 120 مع تانى صيانه كاتينه مع انى بفضل تغيير الكاتينه على 50 الف او اقل مش 60 عمتاً اول ما هتفك الوش هتلاقى الطرمبه مغرقه المكان ميه وخلى بالك لو فوتتواتكسرة الطاره هتعمل كارثه وانا بستبعد الطببب لسه بدري عليهم

طب يعني لو سبتها ممكن تضرب في الكاتينة و بالتالي في الموتور ؟ طب مينفعش اسيبها حتى لحد ال 160 الف و انا بغير كاتينة لأن الحالة المادية مش سامحة و يوم ما هتتحسن هتبقى في شهر 10 و ده كتيير يغني لسة فاضل اربع شهور و نص ، متعرفش حضرتك سعرها في حدود كام ؟
شكرا لحضرتك.