الاوكتافيا فاشلة

[MOHAMEDEBAID75]

للاسف بعت الاوبل واشتريت اوكتافيا 2001 وده تقريرى عنها
العربية اوكتافيا 2001 اوتوماتيك a4
اول حاجة نظفت البوابة بالاسبراى طبعا البوابة باظت غيرت بوابة (بوابة الاوكتافيا لازم تكون معفنة زى ما هيا )
بعدين لقيت شاشة الاعطال بتمسح مع الشمس قلت اغيرها زى الاوبل كده لقيت فيلم تانى انك لازم تغيير العدادات كاملة وتروح عند واحد يكودها لك ب200جنية
العربية طول ما هى دايرة تلاقى رعشة فى الموتور سألت قالوا دة العادى بتاع العربية
مكان مفتاح المرايات غبى جدا ومعرض للكسر وعلى فكرة اتكسر منى وغيرتة
تبريد الفتيس بمبردة مياه داخل الفتيس يعنى لو باظت الفتيس راح فى داهية وبتبوظ بدون اى مقدمات
نيجى بقى للمراوح المروحة عندى قفشت روحت اشترى المراوح لقيت المراوح ب1000جنية بعدها قلت هذا فراق بينى وبينك وبعتها وارتحت
بنقل التجربة لرجالة الاوبل علشان لو حد فكريتجنن زيي يعرف القرف الى هيشوفة
انا عموما بفكر فى اليابانى (نيسان صنى 2002 مانويل )

[mohamed-adly]

شكرا لنقلك التجربة طيب واخبار العفشة كانت ايه والعربية ع الطريق ثباتها كان زي الاوبل ولا اقل ولا افضل واسعار قطع غيارها

[Dr.Juve]

إللي شوفته في العربية دي. .. لعنة أصابتها بسبب إنك بعت الأوبل :-) :-) :-)

[a7mad_mo7amad6]

الموضوع نصيب...
النيسان عربية محترمة وحمالة اسيه..

[Sherif Mandoor]

زميلى فى العمل معاه المانيوال مورياه الوان السما السبعه

[فادى محمد]

للاسف بعت الاوبل واشتريت اوكتافيا 2001 وده تقريرى عنها
العربية اوكتافيا 2001 اوتوماتيك a4
اول حاجة نظفت البوابة بالاسبراى طبعا البوابة باظت غيرت بوابة (بوابة الاوكتافيا لازم تكون معفنة زى ما هيا )
بعدين لقيت شاشة الاعطال بتمسح مع الشمس قلت اغيرها زى الاوبل كده لقيت فيلم تانى انك لازم تغيير العدادات كاملة وتروح عند واحد يكودها لك ب200جنية
العربية طول ما هى دايرة تلاقى رعشة فى الموتور سألت قالوا دة العادى بتاع العربية
مكان مفتاح المرايات غبى جدا ومعرض للكسر وعلى فكرة اتكسر منى وغيرتة
تبريد الفتيس بمبردة مياه داخل الفتيس يعنى لو باظت الفتيس راح فى داهية وبتبوظ بدون اى مقدمات
نيجى بقى للمراوح المروحة عندى قفشت روحت اشترى المراوح لقيت المراوح ب1000جنية بعدها قلت هذا فراق بينى وبينك وبعتها وارتحت
بنقل التجربة لرجالة الاوبل علشان لو حد فكريتجنن زيي يعرف القرف الى هيشوفة
انا عموما بفكر فى اليابانى (نيسان صنى 2002 مانويل )

الرعشه بتاعه الار بي ام دي بقي احتارت معاها وعملت البدع !!!مفيش فايده .اللي وصلت له ان المواتير دي ( sr ) كده !!
معانا العربيه دي مانوال وده تقرير او مقارنه بين الايه 4 والفيكترا كنت عاملها من فتره..


- تسارع الاوكتافيا احسن بالرغم من ان الموتورين سنجل كام .
-طبعا الاوكتافيا اوسع وبالذات الشنطه !
-استهلاك البنزين واحد تقريبا .
-الاوكتفيا تكييفها كويس جدا بس مروحه البلاور عندها هبل :019f3b~14:
سريعه جدا وصوتها عالي
-سعر اعاده البيع لصالح الاوكتافيا
-الفيكترا فرامل احسن كتير
-العفشه لصالح الفيكترا . انعم كتير جدا . تحس في الايه 4 انك راكب ربع نقل.
هي ماشاء الله قويه بس مش مريحه .
تكنولوجيا الموتور في الفيكترا اقل من الايه4 ولذلك الاعطال قليله , انما في الايه 4
الدنيا كبيره قوي رشاشات وحساسات من كل صنف ونوع.
-في حاجات ماعجبتنيش في الايه 4 . ان جزء كبير من شجره الميه فيها معدن , طبعا
بتضرب صدا . ليه مش خراطيم مش عارف؟ - هزه او رعشه في الموتور بتبان في الار بي ام علي السلانسيه مش عارف سببها مع ان الموتور عامل 60 الف كم !!-مكان فلتر التكييف سيء جدا وبيدخل ميه للدواسه الداخليه - العفشه الخلفيه تحس انها مختصره جدا ( ملمومه) انما في الفيكترا مصنع حديد وصلب !- الداشبوارد فقير
العزل في الفيكترا احسن كتير من الايه 4 . دي مجرد افكار من خلال تجربتي للعربيتين

[Ahmed Elseufy]

ممتازة النيسان
بس الاسكودا من موديل 2008 وتلاشو فيها كل العيوب ديه وعربية ممتازة حتي الان 2014 كل ماركة وليها عيوب
المهم بيستفيدو من اخطائهم ومتقررش في الموديلات الجديدة.
وربنا يوفقك

[احمد فهمى]

للاسف بعت الاوبل واشتريت اوكتافيا 2001 وده تقريرى عنها
العربية اوكتافيا 2001 اوتوماتيك a4
اول حاجة نظفت البوابة بالاسبراى طبعا البوابة باظت غيرت بوابة (بوابة الاوكتافيا لازم تكون معفنة زى ما هيا )
بعدين لقيت شاشة الاعطال بتمسح مع الشمس قلت اغيرها زى الاوبل كده لقيت فيلم تانى انك لازم تغيير العدادات كاملة وتروح عند واحد يكودها لك ب200جنية
العربية طول ما هى دايرة تلاقى رعشة فى الموتور سألت قالوا دة العادى بتاع العربية
مكان مفتاح المرايات غبى جدا ومعرض للكسر وعلى فكرة اتكسر منى وغيرتة
تبريد الفتيس بمبردة مياه داخل الفتيس يعنى لو باظت الفتيس راح فى داهية وبتبوظ بدون اى مقدمات
نيجى بقى للمراوح المروحة عندى قفشت روحت اشترى المراوح لقيت المراوح ب1000جنية بعدها قلت هذا فراق بينى وبينك وبعتها وارتحت
بنقل التجربة لرجالة الاوبل علشان لو حد فكريتجنن زيي يعرف القرف الى هيشوفة
انا عموما بفكر فى اليابانى (نيسان صنى 2002 مانويل )

ده رأيي ان اوبل افضل من سكودا بس بمقارنة نفس الكماليات والموديل المهم لو هتشترى نيسان اشترى اوتوماتيك وانسى الدنيا مش هتغير غير زيت

[MOstafa Hashem]

انا جربت العربيتين اللى انتا بتتكلم عنهم دول .. ورجعت للأوبل بردو بس اسمحلى اقولك انك جاى على الاوكتافيا شويه

الايه فور دى عربيه 10 على 10 بجد .. بس النضيف منها .. انا جبت واحده 2006 مانوال وبعدت عن الاتوماتك متعمد عشان موضوع المبرد ده .. ولما جبتها كان صاحبها مهمل فى الصيانه وكده رحت اخدتها على مركز محترم حافظين العربيه وغيرت حاجات كتير كلفتنى حوالى 2000 جنيه وماستخسرتش .. ومن ساعتها العربيه مشيت معايا زى الاكس وكنت بهرى بيها كتير اوى وبقفل بيها الامبير كتييييييير ولا عمرها عملتها معايا

الشاشه كده كده مقرفه لما بتسخن عشان دى شاشه مائيه .. لكن المفروض مكنتش تلعب فيها
الموتور الاس ار تحفه بجد وتسارع ممتاز وحمال أسيه .. والرعشه دى طبيعيه
زرار المرايا بيتخلع لو اتخبط جامد بس بيتركب .. بس متكسرش معايا ولا مره .. وخلى بالك الايه 5 والفانتازيا نازلين بنفس الزرار
فرامل الاوكتافيا هتكون ممتازه لو معاك كاوتش كويس وظابط زيت الفرامل وتيل حالته حلوه ..هتاخد احلى اداء
العفشه الخلفيه ناشفه فعلا
صالون مش واسع ورا ومش اوسع من الفيكترا بس قعدتها ادام مريحه

انا من رأيى اركب حاله نضيفه وهتاخد احلى شغل من العربيه ..وروح اعمل صيانه عند مهندس هانى او محمد سمير ..

وللعلم انا بعت الاوكتافيا عشان كنت محتاج فلوس بس ..

[Raef.Atia]

احب اضيف حاجه صغيره انا حسيت بيها و للاسف تعباني و تعبت ناس كتير انت كنت راكب اوبل فيكترا بي و ده مش ح يخليك تعرف تركب بعدها بالذات لو كانت اللي معاك نضيفه يعني لما تركب النيسان ح تحس انك راكب عربيه لعبه
تقبل مروري و تحياتي

[Abdo Taha]

عايز تركب بعد البي يبقى يا اوكتافيا a5 او فانتازيا او فيكترا سي ، معلش حاول تستحمل شوية و النيسان الموديل ده حلو و شكله اشيك من الجديد

[MOHAMEDEBAID75]

من الاخر يا شباب انا اتفشخت فى الاوكتافيا واقسم بالله ما هاركبها تانى لو ببلاش ولا تساوى فردة كاوتش فى الاوبل بتاعتى الى بعتها الاوكتافيا اقل ثبات من الاوبل ولو ملف على 150 مؤخرة العربية بتلعب الاوبل انا واخد بيها ملفات ابو زنيمة من 150-180 والعربية اقسم بالله لازقة فى الارض

[medo111]

النيسان 2003 جامده جدا راحه بال ونعومه بس متعملهاش زي الفيكترا اجري بعقل يعني انسي 150 و 180 خالص هي اصلا في الغالب مش هتوصل للسرعات دي واستمتع بانعم باور دركسيون وهاتها اوتو

[thug]

الأوكتافيا الإيه 4 جميله اوى بس الحاله تحكم ومفيش عيوب من دي فيها واحد صاحبي معاه واحده جايبها معاقيين من بره تقفيل الماني ....مفيش ولا كلمه حتي مفيش رعشه في السرانسيه ...العربيه ماتحسش انها دايره اصلا

[omaranes77]

هههههه الاوكتافيا بتلعب في الملفات ولا لا تعليق لا تعليق بجد
امال لما الاوكتافيا بتلعب يبقي مين الثابت
حضرتك غلطان من الاول شاري عربية هلكانة هل معني كدة انها وحشة
رعشة موتور مش عارف ازاي بصراحة اذا كان موتورنا الي هلكان مابيرعش
باشا الي معاة العربية دية نضيفة مابيفرطش فيها خلاص حضرتك بيعها وارجع ل اوبل احلي واثبت
مستغرب اساسا ان حضرتك حاطط الموضوع في اوبل
من الاخر الي مبيقدرش العربية دي مايركبهاش
قال اوكتافيا مش ثابتة