فيكترا 98 معدلة للبيع بسعر خاص لسرعة البيع لظروف السفر

[اهلاوي ثورجي]

السيارة مبدأيا فبريكا بالكامل برا عدا رفرف الخلفي شمال+ اكصدامات غير كدا العربية مفيهاش قلم بوية واكيد طبعا زيرو من جوا..
و 1600 سيسي (مانيوال )... السيارة لهواة السايرات المعدلة وذات الطابع الرياضي موتور 1600 سي سي معدل 110 حصان
عفشة ستوك زيرو مجددة من اسبوعين
..ديفل HKS..فلتر رياضي SIMOTA
...كيت الماني الخامات بالكامل اكصدامات بالعتب .
.زينون امريكي .
.4سماعات بيونير 450 وات ..كاسيت JVC ياباني ..
جنط LBC ..طارة مومو اوريجينال بالزور ..
تكييف يعمل كالزيرو ..فراملABS ....فرش الفابريكا ..سنتر +4 زجاج كهرباء مع وحدات رفع .
.4 كاوتش جديد بريدجستون مكملش 2000 كم ...
بطارية جديدة.
.السيارة مفيهاش اي حاجة من اقل لمبة فيها مش شغالة...
حساسات ركن + عداد rbm
سبويلر اوريجنال بالختم الاصلي علية كاربون فايبرفوانيس امامي وخلفى معدلةالموتور والعفشة لسة مشدودين والموتور لسة بيعرق....وللعلم العربية مصروف عليها اكتر من 15 الف فوق تمنها والمعاينة خير دليل..مستعد للكشف فاي مكان حتى التوكيل .
الصيانة حتى 2012 في التوكيل بالفواتير السيارة تاني يد من الزيرو.

الصور








مطلوب 53500 والمعاينة في القاهرة في مدينة نصر
للاستفسار 01065951504
السعر لظروف سفر طارئة وسرعة البيع العربية مصروف عليها اكتر من كدا

[Astra Lovers]

بس دي ملاكي منوفيه
يعني ورق كتير
موديل كام ورخصه قد ايه

[احمد فهمى]

رجاء التوضيع لنوع المتور ال110 حصان او رقم الكود

[فادى محمد]

صوره للموتور لو سمحت..

[amr elsisi]

الموتور الاسود واحد كامة هاف انجكشن
ياراجل كل البوية الي عليها دي ومافيهاش قلم بوية

[haisam ali]

الموتور الاسود واحد كامة هاف انجكشن
ياراجل كل البوية الي عليها دي ومافيهاش قلم بوية

والله ياهندسه انا مانا عارف أرد من الصبح ..... بس طالما الكبار ردوا يبقى ممنهاش بقى ..... اللى حارقنى ان الكيت اللى فيها ده ..... والموتور ١١٠ حصان ..... ايوووووه ياجدعان ده الواحد فاته ياما اوى

[amr elsisi]

هوا انت لاغيت خاصية ebd ولا اية
وفين صورة لمكان حساسات الركن

[Astra Lovers]

كده كتير كتير

[فادى محمد]

هوا انت لاغيت خاصية ebd ولا اية
وفين صورة لمكان حساسات الركن

والله انت عسل يا عمرو..
انت لسه فاكر الebd ؟؟
انسي بقي ما يبقاش كده ..
احنا سالنا ازاي ؟وهو ماردش , فلغي الخاصيه .
مشيها بقي

[Amrgamal1]

طيب نزل صور طبيعيه من غير effect عشان باينه انها رشه كلها جديد و بتلمع و استحاله تكون فابريكه .. دا حتي الكبوت و السقف لونهم اسود و واضح انهم رش مش ستيكر
و صورة للتعديلات اللي في الموتور .. عشان استحاله يكون الفلتر السيموتا هو اللي موصلها لـ110 هورس اكيد
وحط بنزين عشان اللمبه منوره ههههههههه
والـ ebd راح فين ؟ كان فيها من فترة :)

[اهلاوي ثورجي]

خلاص كلة عمل ........ وكلة فاهم وطلعني كداب مبدايا محدش ...... الصورة اللي فيها دا ايفيكت للصورة دا مش لونها هي لونها احمر نبيتي تمام واللي عاوز يشوفها هيشوفها لكن كلة داخل يعمل نمرة ويتوكل على الله
تاني حاجة موضوع ال ebd لما لاقيت اني انا غلط شيلتها ايه العيب فكدا مش فاهم انا واحد طول عمري بركب بي ام خبرتي فالاوبل قليلة ولما لاقيت العربية مفيهاش شيلتها
الموتور ستوك ٧٦ حصان متركبلة فلتر رياضي + بوجيهات + super sprint exaust كامل + معمول ريمابينج عند power logic

والاخ بقى ابو دم زي العسل اللي بيقولي مون ممكن تخليك فحالك ،، خلاصة الكلام اللي عاوز يشتري او يتفرج حتى هييجي يشوف العربية بعينية لكن هتعمل نمرة .............

تنبيه للعضو اهلاوي ثورجي رجاء انتقاء كلماتك ومراجعة قوانين المنتدى وشكراً

6ب
مشرف قسم أوبل

[اهلاوي ثورجي]

واللي حابب يشوف صور العربية ممكن ابعتهاله عالخاص او اي وسيلة اتصال
ولو متباعتش خالص اهي مركونة الحمد لله في غيرها ٥

[Amrgamal1]

خلاص كلة عمل فشيخ وكلة فاهم وطلعني كداب مبدايا محدش يفتي الصورة اللي فيها دا ايفيكت للصورة دا مش لونها هي لونها احمر نبيتي تمام واللي عاوز يشوفها هيشوفها لكن كلة داخل يعمل نمرة ويتوكل على الله
تاني حاجة موضوع ال ebd لما لاقيت اني انا غلط شيلتها ايه العيب فكدا مش فاهم انا واحد طول عمري بركب بي ام خبرتي فالاوبل قليلة ولما لاقيت العربية مفيهاش شيلتها
الموتور ستوك ٧٦ حصان متركبلة فلتر رياضي + بوجيهات + super sprint exaust كامل + معمول ريمابينج عند power logic

والاخ بقى ابو دم زي العسل اللي بيقولي مون ممكن تخليك فحالك ،، خلاصة الكلام اللي عاوز يشتري او يتفرج حتى هييجي يشوف العربية بعينية لكن هتعمل نمرة قلة الادب مفيش اسهل منها

بغض النظر عن اسلوبك في الكلام
يعني الصور فيها effect اهو زي مانا قولت ومش بفتي , يبقي ماتزعلش لما نقول انها مش فابريكه ولا حاجه

وبعدين انت عملتلها dyno test بعد الفلتر و البوجيهات الرياضيه و الـexhaust system والـecu remapping عشان تعرف انها وصلت لـ 110 hp ؟؟ ولا الرقم دا جبته منين
كنت المفروض توضح كل دا في الاعلان , ماوضحتش يبقي ماتزعلش لما نقول اللي نقوله
الاعلان بالنسبالنا مش واقعي طلاما ماوضحتش التفاصيل دي

[اهلاوي ثورجي]

يا باشا متلومش على رد الفعل فاسلوبي ممكن حضرتك تحط نفسك مكاني انا مش راضي ارد من الصبح لكن الموضوع اتحول لافترا وان انا هطلع كداب وبنصب لا تغور العربيات كلها الحمد لله في غنى عنها وبص يا باشا انا كاتب ممكن اي حد يكشف عالعربية او ييجي يجربها او يطلع على داينو عند اي حد انا ممانعتش لكن ميبقاش كل واحد قاعد فالبيت وبيتكلم من غير حتى ما يكلف نفسة ويسال

[Amrgamal1]

لأ يا باشا انت ماكتبتش اللي عايز يطلع علي داينو مافيش مانع

و لأ الناس اللي قاعده في البيت دي فعلا سألتك وانت ماعبرتش حد

و ادي المواضيع بتاعتك

http://www.nilemotors.net/Nile/415334-98.html

http://www.nilemotors.net/Nile/415057-98.html

و ادي كلام الناس اللي قاعده في البيت و ماكلفتش نفسها تسأل

انت متاكد من موضوع ebd
انت متاكد من 1600 =110 حصان
انت متاكد ان العربية مافيهاش قلم بوية

ربنا يوفقك يا باشا ,بس ازاي فيها ebd ؟
لو انت مركبه .عدلت في الدفيره ولا ايه؟ تحياتي