احذروا سرور ... قطع غيار مضرووووبه

[EGYPTIANDR]

السلام عليكم يا شباب انا بس عايز احذركم من محل سرور اللى فى شارع شامبليون
جبت من عندة طقم دبرياج ساكس وبليه دبرياج المانى اسمها km وقالى ممتازة ب800 جنيه
ركبت الطقم والبليه... ومازالت زنه الدبرياج موجودة وتختفى لما ادوس دبرياج الميكانيكى قالى البلية مضروبه....عوضنا على الله...
انا غلطان انى وفرت ومجبتش الاصليه جى ام ب1300 جنيه من امريكان ستار
حسبنا الله ونعم الوكيل

[lanos2004]

شكرا لك

[Astra Lovers]

انا حذرت منه من زمان وقولت بلاش سرور ومحدش سمع كلامي فك البليه وارميهالو فوشه

[J A G U A R]

تجربه وعدت معلش

[Omar Mahmoud]

شكرا علي التحذير
و سألت عليهم في التوكيل؟؟

[hilal]

كلام صحيح فعلا
ضحك علي في رادياتير ب 1450 جنيه على اساس انه فاليو اصلي
ولما فحصته بعناية وانا عنده بعد ما دفعت الفلوس اكتشفت انه مضروب ومصنوع من خامات رديئة
حاولت ارجعه رفض تماما بلطجة
اكرر التحذير من هذا اللص

[Abdo Taha]

طب مين كويس بيبيع قطع غيار جديدة ؟

[Astra Lovers]

طارق حموده وحسن عبد الذيف

[Omar Mahmoud]

طارق حموده وحسن عبد الذيف

فين عنوانهم؟؟؟
و ايه رأيك في المصرية اللي في ميدان لبنان؟؟؟

[احمد فهمى]

بصراحه كل بتوع قطع الغيار شغاليين فى المضروي ضيف على ده قلة ادبهم ومفيش حد كويس عشان توفرو نفسكو لازم يكون حد عارف صاحب المحل وهو اللى يجسب ويركب ويلبس المسؤليه ودول بيدفعو اجل فالمحل بيديلهم الصالح

[Mohamed~Adel]

شكرا للتحذير ... للاسف الناس ب=مبقاش عندها ضمير ولا بتخاف من ربنا .... عوضك على الله

[Abdo Taha]

بصراحه كل بتوع قطع الغيار شغاليين فى المضروي ضيف على ده قلة ادبهم ومفيش حد كويس عشان توفرو نفسكو لازم يكون حد عارف صاحب المحل وهو اللى يجسب ويركب ويلبس المسؤليه ودول بيدفعو اجل فالمحل بيديلهم الصالح

طب ليه كده بس يعني مفيش حد عدل خالص خالص خالص ؟!!

[ULTRA]

انا جربت امريكان ستارز في شارع شامبليون اسعارة غالية بس حاجتة ممتازة

[Ahmed adel 23]

ربنا يعوض عليك

[damasry]

انا بتعامل على طول ما امريكان ستارز وحاجته كوبسة وهما مستوردين للقطع التركى بتاعة الاوبل وكل اللى فى السوق ده من عندهم.