سؤال بخصوص كماليات الفيكترا

[Ahmed adel 23]

السلام عليكم ورحمه الله وبركاته
عندى سؤال بخصوص الفيكترا 1997 هل هى فيها لمبه للباب لو مش مقفول او للحزام لو مش محطوط
وهل فيها ايديل بحيث انى لو شيلت رجلى من الفرامل العربيه مترجعش لورا مع العلم ان العربيه المانيوال 1600
وهل فيها خاصيه السخان اللى على المرايات والزجاج
وهل فيها خاصيه التعتيم فى المرايات
وهل فيها خاصيه ان الازااز لو بيقفل وقابل عائق ينزل تانى وهل فيها خاصيه الديد لوك
وهل فيها انى لو منور كشاف ومدى انتظار جنب واحد من الكشاف اللى ينور
وهل فيها ان الكشاف الامامى يعلى يعنى يتحرك لفوق او تحت لان عندى زرار على جنب فيه التحكم فى الكشاف عاوز اعرف بيعمل ايه
وهل الحجات دى لو مش موجودة ممكن تتركب
ارجو معذرتى لانى مش ملم اوى بالعربيه وارجو الرد بالتفصيل
ومشكوووووورين اووووى على ردودكو مستقبلا

[Omar Mahmoud]

لو قصدك علي اللمبتين اللي في العداد مش موجودين(بتوع الحزام و الباب)
لو الHSA مش موجود(hill start assist)
سخان المرايات و التعتيم الخاص بالمرايات موجود بس مش عربيات مصر
و سخان الزجاج عندنا الخلفي بس
في ديد لوك و في خاصية ان الازاز ينزل لو قابل اي عائق و هو بيطلع(يقفل) و في مكن رفع
سويتش النور هتلاقي تحت بكرتين بالطول واحدة يمين و واحدة شمال(انا مش فاكر ترتيبهم) واحدة فيهم بتتحكم في قوة اضاءة العدادت و الانوار الداخلية و التانية ارتفاع اللمبات في الفوانيس الامامية
و الحاجات دي ممكن تتزود لان مكانها موجود في الضفيرة لو عايز تزود الكماليات بتاعتها
واسف للاطالة

[احمد فهمى]

السلام عليكم ورحمه الله وبركاته
عندى سؤال بخصوص الفيكترا 1997 هل هى فيها لمبه للباب لو مش مقفول او للحزام لو مش محطوط
مفيش بس ممكن يتعمل كما وضحلك الاخ الفاضل
وهل فيها ايديل بحيث انى لو شيلت رجلى من الفرامل العربيه مترجعش لورا مع العلم ان العربيه المانيوال 1600
لا ولا حتى الفيكترا سي والاسترا اتش بس موجوج فى الاسترا التربو والاتسيجنيا
وهل فيها خاصيه السخان اللى على المرايات والزجاج
الزجاج الخلفى والمرايات نعم لو اصلى
وهل فيها خاصيه التعتيم فى المرايات
لا بس ممكن تركب واحده فى الصالون فقط من بتوع البى ام دبليو تسعينات استيراد
وهل فيها خاصيه ان الازااز لو بيقفل وقابل عائق ينزل تانى وهل فيها خاصيه الديد لوك
نعم
وهل فيها انى لو منور كشاف ومدى انتظار جنب واحد من الكشاف اللى ينور
لا
وهل فيها ان الكشاف الامامى يعلى يعنى يتحرك لفوق او تحت لان عندى زرار على جنب فيه
التحكم فى الكشاف عاوز اعرف بيعمل ايه
نعم يعلى نور الفانوس اعلى واسفل بس لو الفانوس اصلى ومواتيرو شغاله
وهل الحجات دى لو مش موجودة ممكن تتركب
بعضها
ارجو معذرتى لانى مش ملم اوى بالعربيه وارجو الرد بالتفصيل
اهلاً بيك
ومشكوووووورين اووووى على ردودكو مستقبلا

[Ahmed adel 23]

شكرا اوووى يا جماعه والله انتو بجد رائعين ربنا يزيدكو علم
اعذرونى انا على طول من الموبايل فمش بعرف اعمل اقتباس
فبالنسه لرد ا/عمر
هو ايه ال hsa دة
انا معنديش الديد لوك ولا ان الازاز يقف لو قابل عائق عربيتى موديل 1997 مانيوال 1600
والبكرة بتاعت النور مش شغاله عندى وانا بشترى العربيه صاحبها قالى صعب تلاقى فكترا البكرة دى شغاله
بالنسبه لاستاذ احمد فهمى
بس الايدل دة موجود اعتقد فى الفيكترا 1997 الاوتو لان كان قدامى واحدة وصاحبها قالى انو بايظ وهيغيرهولى
ولو مش فى الفكترا سى تبقى غلسه اوى
شكرااااا اوى لرد حضرتكو فعلا رد وافى

[Omar Mahmoud]

شكرا اوووى يا جماعه والله انتو بجد رائعين ربنا يزيدكو علم
اعذرونى انا على طول من الموبايل فمش بعرف اعمل اقتباس
فبالنسه لرد ا/عمر
هو ايه ال hsa دة
انا معنديش الديد لوك ولا ان الازاز يقف لو قابل عائق عربيتى موديل 1997 مانيوال 1600
والبكرة بتاعت النور مش شغاله عندى وانا بشترى العربيه صاحبها قالى صعب تلاقى فكترا البكرة دى شغاله
بالنسبه لاستاذ احمد فهمى
بس الايدل دة موجود اعتقد فى الفيكترا 1997 الاوتو لان كان قدامى واحدة وصاحبها قالى انو بايظ وهيغيرهولى
ولو مش فى الفكترا سى تبقى غلسه اوى
شكرااااا اوى لرد حضرتكو فعلا رد وافى

عفوا علي ايه،تحت امرك
البكرة لو مش شغالة طبيعي علشان عمر العربية و ممكن سويتش النور كله تشتريه استيراد
الhsa لو شفت ال opel astra j video brochure علي يوتيوب صفحة opel egypt كانوا جايبين عربيتين واقفين ورا بعض علي منحني كأنه مطلع كوبري واقف فلما تيجي تطلع لقدام العربية مترجعش لورا.و لو ملقتش الفيديو علي يوتيوب دور علي فيديو للskoda yeti في توب جير. بالنسبة للديد لوك انا معرفش ايه المشكلة معلش.Vauxhall Vectra B Headlight Front and Rear Fog Light Control Switch | eBay

[ayman hamdy]

أحب اولا اشكر الاستاذ احمد على التوضيح
ثانيا لى تعليق بسيط على جزئية ( وهل فيها انى لو منور كشاف ومدى انتظار جنب واحد من الكشاف اللى ينور ) دة فعلا حقيقى عندما تريد ان تعمل باركينج للسيارة لما تعمل فليشر يمين فالنور الصغير اللى ناحية الشمال ينور ورا وقدام والعكس صحيح ودة فى حالة فقط غلق المحرك وعمل الباركينج
تحياتى

[احمد فهمى]

شكرا اوووى يا جماعه والله انتو بجد رائعين ربنا يزيدكو علم
اعذرونى انا على طول من الموبايل فمش بعرف اعمل اقتباس
فبالنسه لرد ا/عمر
هو ايه ال hsa دة
انا معنديش الديد لوك ولا ان الازاز يقف لو قابل عائق عربيتى موديل 1997 مانيوال 1600
والبكرة بتاعت النور مش شغاله عندى وانا بشترى العربيه صاحبها قالى صعب تلاقى فكترا البكرة دى شغاله
بالنسبه لاستاذ احمد فهمى
بس [gdwl]الايدل[/gdwl] دة موجود اعتقد فى الفيكترا 1997 الاوتو لان كان قدامى واحدة وصاحبها قالى انو بايظ وهيغيرهولى
ولو مش فى الفكترا سى تبقى غلسه اوى
شكرااااا اوى لرد حضرتكو فعلا رد وافى

لو بتتكلم على الايدل كنترول ده موضوع تانى غير قصة العربيه ترجع لورا لو شلت رجلك عن الفرامل

[Ahmed adel 23]

شكرا يا رجاله على الردود
استاذ احمد فهمى انا اسف للاختلاط بس انا مكنتش اعرف فسالت صديق قالى انو الايدل هو المسئول عن ان العربيه مترجعش لو شيلت فرامل غالبا هو ببيفتى هههههه

[Ahmed adel 23]

طب والديد لوك وان الازاز يقف لو قابل عائق مش شغالين