مشورة بخصوص شراء أوبل

[neomedoneo]

باذن الله نويت اشتري اوبل فيكترا وعاوز النصيحة الميزانيه المتاحه 35 الف ( يجيبوا أوبل اصلا ؟ )
انهي موديل وارجو الرد عليا وانا عضو متابع فقط وعاوز مشورتكم يا رجالة الاوبل مع العلم ان دى اول سيارة ليا أن شاء الله

[m7nsh]

يجيبو فكترا a اعتقد حاله معقوله .. و ممكن لو زودت شويه تجيب حاجه محترمه منها ..

[neomedoneo]

شكرًا لرد حضرتك واهتمامك ياباشا بس فيكترا a موديلاتها بتبدأ من سنة كام وآخرها كام معلش السؤال ساذج بس انا لسه مبتدئ فالاوبل

[m7nsh]

http://www.nilemotors.net/Nile/345822-a.html

و خدلك لفه فى القسم يا باشا هتتبسط من كم المعلومات اللى هنا :)

[thug]

الفيكترا ايه دي بتعمل عندنا 25 الف لو حالتها حلوه ...بس منطقه حره :d
بس زي اللى معايا فاضيه مفهاش تكييف ولا اوبشن وموتور 1400 كامه واحده
بس لذيذه برده علي سعرها

[Raef.Atia]

نصيحه بلاش الفلوس دي مش ح تجيب حاجه نضيفه كمل شويه 5 كده و لا حاجه و اشتري فكترا a نضيفه غير كده بلاش

[neomedoneo]

نصيحه بلاش الفلوس دي مش ح تجيب حاجه نضيفه كمل شويه 5 كده و لا حاجه و اشتري فكترا a نضيفه غير كده بلاش

اولا شكرًا للنصيحة ياباشا
ثانيا يعنى 40 يجيبوا فيكترا محترمة وفاه كما ليأت كويسه ياستاذ رائف ؟
ثالثا اجيب موديل سنة كام ؟
وان شاء الله اول ما اشتريها ايه اللى المفروض بيتغير فيها من زيوت وخلافه حتى لو السيارة محترمة واعمل حسابى على فلوس كام للتظبيط ؟

[neomedoneo]

الفيكترا ايه دي بتعمل عندنا 25 الف لو حالتها حلوه ...بس منطقه حره :d
بس زي اللى معايا فاضيه مفهاش تكييف ولا اوبشن وموتور 1400 كامه واحده
بس لذيذه برده علي سعرها

شكرًا لرد حضرتك بس انا من القاهرة والعربية كمان لازم فيها تكييف وبعض الكماليات عشان تبقى عائلية خصوصا أنى مأوى ان شاء الله مغيرش بعد كده الا عالزيرو فممكن تقعد معايا سنين

[loda80]

نصيحه بلاش الفلوس دي مش ح تجيب حاجه نضيفه كمل شويه 5 كده و لا حاجه و اشتري فكترا a نضيفه غير كده بلاش

+++++++++++++++1:018a1d~146:
هات الاوبل فيكترا اية بس 1600 منيوال اعتمادية لاقصى الحدود وعائلية وواسعة كمان اعطلها نادرة بس هات موديل 95 او 96 الحالة النضيفة من 40 ال 44 الف

[Raef.Atia]

اولا شكرًا للنصيحة ياباشا
ثانيا يعنى 40 يجيبوا فيكترا محترمة وفاه كما ليأت كويسه ياستاذ رائف ؟
ثالثا اجيب موديل سنة كام ؟
وان شاء الله اول ما اشتريها ايه اللى المفروض بيتغير فيها من زيوت وخلافه حتى لو السيارة محترمة واعمل حسابى على فلوس كام للتظبيط ؟

الفكترا a النضيفه تعمل في حدود 40 الى 42 هاتها زي ما الاخ قال 1600 منوال اعتماديه و اخف اعطال و موضوع الحاجات اللي لازم تغيرها طبعا حتى لو الحاله نضيفه
السيور و الفلاتر و الكاتينه و الزيت و ممكن البطاريه و تبص على حالة الكوتش و دي كلها مستهلكات بغض النظر عن حالة العربيه

[neomedoneo]

+++++++++++++++1:018a1d~146:
هات الاوبل فيكترا اية بس 1600 منيوال اعتمادية لاقصى الحدود وعائلية وواسعة كمان اعطلها نادرة بس هات موديل 95 او 96 الحالة النضيفة من 40 ال 44 الف

شكرًا جدا للمعلومة ونورت الموضوع يا loda80

[SimplyM]

الفلوس ديه تجيب كورسا هاتشباك بحاله كويسه

[hagagatc]

فيكترا a علي ما اظن متزيدش عن ٤٠ وتكون حاله فعلا فبريكه ومش محتاجه مصاريف ٤٢ و٤٤ تجيب بيهم فيكترا بي ٩٦ بس ممكت تحتاج شويه مصاريف
تكييف مثلا فيكترا a ٣٥ الف حلو قوي لانك صعب تلاقي حاله حلوه منها الا لو دورت شويه وفي عربيات كانت بتتباع قدامي منها تعمل ٣٢ و٣٣وممكن تسال الاستاذ طناني حيفيدك اكتر

[neomedoneo]

الفكترا a النضيفه تعمل في حدود 40 الى 42 هاتها زي ما الاخ قال 1600 منوال اعتماديه و اخف اعطال و موضوع الحاجات اللي لازم تغيرها طبعا حتى لو الحاله نضيفه
السيور و الفلاتر و الكاتينه و الزيت و ممكن البطاريه و تبص على حالة الكوتش و دي كلها مستهلكات بغض النظر عن حالة العربيه

متشكر جدا ياباشا للمعلومات القيمة

[neomedoneo]

الفلوس ديه تجيب كورسا هاتشباك بحاله كويسه

ربنا يكرمك ياباشا بس انا بدور على حاجة عائلى