ارتفاع الار بي ام

[Raef.Atia]

السلام عليكم ورحمة الله و بركاته
حد عنده فكره عن سبب ارتفاع الار بي ام الى 1.5 و ده اثناء السير و الوقوف المتكرر و حطيت الفتيس على المور او مثلا الضغط على الفرامل المهم في الحالات اللي المفروض الار بي ام يرجع فيها للوضع الطبيعي اللي هو 0.7 بلاقيه 1.5 لكن في وضع قبل المشي بالعربيه بعد الدوراه على طول بتكون مضبوطه لكن اللي بيحصل ده و انا ماشي
لو حد عنده فكره يا ريت يفيدني علما اني عملت ايدل ليرن كذا مره

[فادى محمد]

وعليكم السلام ورحمه الله وبركاته..
الفرامل عندك اخبارها ايه؟؟
في رعشه في الموتور وهو ع السلانسيه
ولا واقف زي الالف؟

[moumen_hs]

شوف حساس ال tps ودة زى الايديال كنترول لة ظبطة معينة

[andrew uwj]

انا بيحصل معايا كده لو شارع ماشى عجله عجله و بمجرد ما العربيه بتقف بيرجع للطبيعى

[Raef.Atia]

وعليكم السلام ورحمه الله وبركاته..
الفرامل عندك اخبارها ايه؟؟
في رعشه في الموتور وهو ع السلانسيه
ولا واقف زي الالف؟

الموتور زي الالف و الفرامل كويسه بس الموضوع ده حصل بعد ما البطاريه ابتدت تنام اكتر من مره عموما الحمد لله اشتريت واحده جديده و عملت ليرن واخدت مشوار جامد في حدود ساعه ع السريع و اتظبطت لوحدها
شكرا فادي

[halimo]

ممكن تشرح برده يافادى لو فية رعشة فى الماتور او مفيش رعشة تبقى المشكلة فى اية ، علشان انا عندى نفس المشكلة بتروح وتيجى وفى رعشة فى عداد ال ار بى ام فى المشى البطئ وعلى ال n بس ده مش بانتظام .

[m7nsh]

اعتقد استاذ فادى قصده على ان السيرفو او خرطومه الواصل من الموتور ليه لو فيه مشكله يعمل كده ..

[فادى محمد]

اعتقد استاذ فادى قصده على ان السيرفو او خرطومه الواصل من الموتور ليه لو فيه مشكله يعمل كده ..

بالضبط كده الله يفتح عليك..
منظومه الهوا او الفاكيوم اللي رايح للسيرفو, اي خلل فيها الموتور هيرعش ع السلانسيه - الفرامل كفاءتها هتقل وتتقل والار بي ام هيعمل الحركه دي اول ماتمور هيرفع لوحده

لو السيرفو مضبوط وكله تمام والحركه دي موجوده بتبقي محتاجه نظافه للايدل والبوابه..

[halimo]

شكل الخلل ده اية ؟ تنفيس من خرطوم الفاكيوم مثلا؟ ياريت امثله.

[Raef.Atia]

لو في تنفيس من خرطوم الفاكيوم بتاع الماب تعمل كده