خبطه خفيفه فى الاكصدام الخلفى

[o0Hanafi0o]

العربيه عندى وانا مروح اتخبطت خبطه خفيفه فى الاكصدام الخلفى واحد ريح عليها ونزل يقولى انا اسف سرحت النتيجه هو ماسك مكانه الحمد لله لان داه الفابريكه ومش بيتكسر بسهوله بس تحس انه هرتل مكانه واترحل سنه من مكانه ومبقاش مظبوط وماثر على شكل العربيه هل ممكن اودى العربيه عند حد بتاع فبر يظبطه وهو راكب مكانه او ممكن يتظبط عموما وايه الحلول البديله لو فيه ؟؟؟؟

[Omar Mahmoud]

حصلت عندي بسبب ميني باص دخل فيه من ورة النتيجة ان ناحية واقعة بشكل ملحوظ في الجنب الشمال من النص و اخره من عند الرفرف سليم و التانية في مكانها و نتيجة لده الكلبسات اتكسرت و برده الاحسن تروح لحد بتاع فيبر يشوفه او حل مؤقت لو هتغير الاكصدام بشوف كتير عاملينها بيثبتوا الاكصدام بمسمار قلاووظ بس هتخرم الاكصدام و دي ممكن سمكري يعملها.عموما متقلقش إن شاء الله هيرجع زي الاول.

[m7nsh]

حصلتلى قريب ع وصله المريوطيه والدنيا زحمه وفتحت مره واحده فانا قرصت سنه بتاع 40 كده و وقفت تانى ففرملت اتارى فى باشا كان قارص ورايا بالظبط انا وقفت وهو وقف برده بس بعد ما خبطنى .. انا قلت هلاقى الدنيا معجونه طلع الاكصدام بس البويه طقت منه و فى مكانه الحمد لله سبته ومشيت ..

الخلاصه ..لو الخبطه بسيطه ومش ماثره اوى سيبها عادى .. لو الكلبسات فكت روح لسمكرى يظبطهم ضرورى ولو فى شرخ او قطع يتلحم فايبر بالمره .

[o0Hanafi0o]

المشكله ان فى مصر تلاقىك ماشى 130 وواحد لازق فى ديلك يعنى المفروض انك لو حبيت تهدى تطلعله يفطه تستاذنه الاول يا مسهل الحال هعدى النهارده ان شاء الله لو واحد بتاع فبر واشوف