قطع غيار أوبل اصليه

[M.Osama]

سلامو عليكو يرجاله

دي بعض اسعار قطع الغيار الاصليه للاوبل لقيتها عند محل فطنطنا حبيت افيدكو بيها واللي يعوز حاجه يقولي وانا ممكن انزله كل متتجمع كذا حاجه واجيهالكو

اكصدام امامي 290 جنيه
اكصدام خلفي 380 جنيه
مرايه عاديه 180 جنيه
موزة الباب 50 جنيه
قربة المياه 120 جنيه
جوز كشافات امامي 480 جنيه
جوز كشافات خلفي 450 جنيه
شبكه اماميه 80 جنيه
لوجو اوبل امامي 50 جنيه

الاسعار دي طبعا كلها تقريبيه حسب ما أتذكر يعني الفرق حيكون بتاع 20 جنيه بالكتير

دي الاسعار اللي سألت عليها واللي عاوز يعرف سعر اي حاجه تانيه يقولي وانا في الخدمه

[abdelaziz-waleed]

الف شكر يا باشمهندس على الاسعار
يايت لو تدخل حضرتك على الموضوع ده مخصص لقطع غيار الاوبل الجديدة وتتكرم باضافتهم علشان ما يضيعوش مع الوقت او ممكن نطلب من مشرف القسم انه يضم موضوع حضرتك للموضوع الاصلي

قطع غيار اوبل الجديدة

[M.Mokhtar]

الف شكر ليك يا باشا
مجهود رائع وكل اكيد هنستفيد منه

وشكر ليك يا وليد على التنظيم

عايزين نخلى اوبل احسن قسم فى المنتدى

وانا فى دماغى كذا حاجة عشان ننظم القسم اكتر
هعمل ان شاء الله موضوع عن التنظيم ده عشان كل العصابه تشترك فيه ونطور قسمنا :)

[yahyaelsirafy]

دي مش اسعار الاصلي

[rabbat5]

الاكصدام الأمامي الأصلي جديد يا سيد اسامة بألفين جنيه.

[ahmedfawzy14]

دي مش اسعار الاصلي

+
11111111111111111

[M.Mokhtar]

انا جايب اكصدام امامى استعمال نظيف جدا مش فيه ولا كلبس مكسور ب 1000 جنيه

[M.Osama]

[blur]الموضوع قديم جدا كنت لسه شاري العربيه وقتها والحاجات فعلا مش اصليه بس الموضوع كان اتنسي[/blur]

[rabbat5]

تمام يا بشمهندس ما هو ده الاستيراد النضيف لكن فى التوكيل بالفين جديد .
انت هتجيبه منين انا بادور على واحد لونه أسود التاجر اللى هتشتري منه عنده لون أسود؟

[N.a.j.d]

مجهود حلو الف شكر يا باشا وا نشالله يمون ليه فايده هنا للجميع

[M.Osama]

تمام يا بشمهندس ما هو ده الاستيراد النضيف لكن فى التوكيل بالفين جديد .
انت هتجيبه منين انا بادور على واحد لونه أسود التاجر اللى هتشتري منه عنده لون أسود؟

انا مش عارف انت مين بس في واحد عالطريق الزراعي مصر اسكندريه عند طنطا علي الطريق

عنده ولا بتاع 50 نص امامي وخلفي.. وفي واحد كمان قبله بشويه عندو ولا بتاع 30 نص ولا حاجه

وعندهم الحاجات كلها من الالف الي الياء... من اول زرار التابلوه لحد ازاز العربيه كله لو عاوزه

لو تحب تروحله قوللي اوصفلك المكان بالظبط

[rabbat5]

أنا اسمي محمد حجازي من الهرم .
المشكلة انى لو رحت للتجار و لقيت عندهم اكصدام اسود مش هعرف أشتري لأني ما فهمش فى الكلبسات و الكلام ده.

[tananybasha]

طيب يا محمد بيه اسامة الأول عامل ايه لو عايز ازاز كهرباء مكن اصلى بالزراير و المريات الكهرباء لفيكترا 95 فى اعتقادك يعملوا كام و فوانيس خلفية بالمراية بتاعتها اللى فى النص شكلها عاجبنى اوى ممكن تعرفلى او تعمل اتصالاتك و تبلغنى يا باشا عارف ان انا متعب و طقم رشاشات بالمرة عربية 2000 سى سى
انا رذل صح

[Samah AbdAllah]

شكرا عالمجهود

[M.Osama]

انا مش عارف انت مين بس في واحد عالطريق الزراعي مصر اسكندريه عند طنطا علي الطريق

عنده ولا بتاع 50 نص امامي وخلفي.. وفي واحد كمان قبله بشويه عندو ولا بتاع 30 نص ولا حاجه

وعندهم الحاجات كلها من الالف الي الياء... من اول زرار التابلوه لحد ازاز العربيه كله لو عاوزه

لو تحب تروحله قوللي اوصفلك المكان بالظبط

أنا اسمي محمد حجازي من الهرم .
المشكلة انى لو رحت للتجار و لقيت عندهم اكصدام اسود مش هعرف أشتري لأني ما فهمش فى الكلبسات و الكلام ده.

معلش ياباشا غلطه املائيه.. انا كان قصدي انت منين عشان ادلك علي اقرب مكان مش انت مين.. لمؤاخذه بقي

طيب يا محمد بيه اسامة الأول عامل ايه لو عايز ازاز كهرباء مكن اصلى بالزراير و المريات الكهرباء لفيكترا 95 فى اعتقادك يعملوا كام و فوانيس خلفية بالمراية بتاعتها اللى فى النص شكلها عاجبنى اوى ممكن تعرفلى او تعمل اتصالاتك و تبلغنى يا باشا عارف ان انا متعب و طقم رشاشات بالمرة عربية 2000 سى سى
انا رذل صح

اللي يفيدك في الاسعار هوا تامر بيجيبلك السعر من الاخر وانا حبعتله استدعيه علي هنا