حليت مشكله ولسه واحده

[مجمود فراج]

السلام عليكم كان عندى مشكله الحراره وتسريب المية والحمد لله وصلت للمكان فى الريداتير والراجل لحم المكان بلزق حديد اللى هو عباره عن انبوبتين بيتخلطو على بعض حطو ع الريداتير من بره هل ده عادى وكده المشكله اتعالجت ولا لا هو التسريب وقف ، المشكلة الثانية هى امبير الحرارة اشغله ازاى رحت لكهربائى قالي مش عارف هو مكان ساعة الحرارة فين بالظبط الموتور ايكو تك 2000 سى سى اخيرا مقاس سير الدينامو كام انا معايا واحد مقاس 1180 والميكانيكى قالي هات مقاس 1900 وشكرا اسف ع الاطاله

[Zing0]

الأنبوبتين a,b اللى بيسموهم (ارانديت) بقى مضروب دلوقتى و مش بيلزق حلو, شوية و ممكن يطقطق و يقع
لو الريداتير الومونيوم يبقى ده آخر حل, لأن الألومنيوم مالوش لحام, بس لازم تتابع المياه أول بأول
لو الريداتير نحاس يبقى لازم يتلحم بنحاس (عند أى سمكرى أو بتاع شكمانات و الأفضل لو متخصص ريداتير)

ممكن صباع الحرارة يكون السبب, و ممكن يكون الأمبير نفسه (مؤشر العداد) هو اللى بايظ
حاول تروح لكهربائى مش ميكانيكى, ده شغل كهرباء

[مجمود فراج]

الأنبوبتين a,b اللى بيسموهم (ارانديت) بقى مضروب دلوقتى و مش بيلزق حلو, شوية و ممكن يطقطق و يقع
لو الريداتير الومونيوم يبقى ده آخر حل, لأن الألومنيوم مالوش لحام, بس لازم تتابع المياه أول بأول
لو الريداتير نحاس يبقى لازم يتلحم بنحاس (عند أى سمكرى أو بتاع شكمانات و الأفضل لو متخصص ريداتير)

ممكن صباع الحرارة يكون السبب, و ممكن يكون الأمبير نفسه (مؤشر العداد) هو اللى بايظ
حاول تروح لكهربائى مش ميكانيكى, ده شغل كهرباء

شكرا ليك على الافاده ،الريداتير الومونيوم وهو قالى فعلا مفيش حل غير كده وبالنسبه للعداد انا هروح لكهربائى فعلا بس لو المؤشر هو اللى بايظ حله ايه تغيير العداد

[فادى محمد]

اعتقد والله اعلم ان اللي في الرادياتير هو تسريب من تحت العلبه الفبر مش من جسم الرادياتير نفسه ..
دايما العلب دي هي اللي بتعمل المشكله في اي عربيه.. الرادياتير نفسه مواسيره اللي بتعدي فيها الميه جوه وبعيد عن ايدك اللي بره ده ريش توزيع الهوا هتتخرم ازاي؟؟

[محمود الشافعى]

بالنسبة لصباع الحرارة انا كان عندى نفس مشكلتك بس مختلفة شوية كان المؤشر يفصل فى الجرى انزل افتح الكبوت واحرك الصباع يمين وشمال يشتغل
غيرته بنوع اسمه سواج ألمانى ب 50 جنيه
وخلى بالك الكهربائى كان بيقول هنفك العداد ونشوفه قبل ما اعرف مشكلة صباع الحرارة وانا ماردتش لانه ماعملش اى اختبار يحسسنى انه فاهم لحد ما انا اكتشفته والحمد لله
فاياريت تكشف على الصباع الاول

[مجمود فراج]

اعتقد والله اعلم ان اللي في الرادياتير هو تسريب من تحت العلبه الفبر مش من جسم الرادياتير نفسه ..
دايما العلب دي هي اللي بتعمل المشكله في اي عربيه.. الرادياتير نفسه مواسيره اللي بتعدي فيها الميه جوه وبعيد عن ايدك اللي بره ده ريش توزيع الهوا هتتخرم ازاي؟؟

لا من الريداتير نفسه فيشه المروحه كانت مربوطه بأفيز بيخبط فر الريداتير هو اللى خرمه بعد اللحام التسريب وقف وبعدت الفيشه عن الريداتير

[مجمود فراج]

بالنسبة لصباع الحرارة انا كان عندى نفس مشكلتك بس مختلفة شوية كان المؤشر يفصل فى الجرى انزل افتح الكبوت واحرك الصباع يمين وشمال يشتغل
غيرته بنوع اسمه سواج ألمانى ب 50 جنيه
وخلى بالك الكهربائى كان بيقول هنفك العداد ونشوفه قبل ما اعرف مشكلة صباع الحرارة وانا ماردتش لانه ماعملش اى اختبار يحسسنى انه فاهم لحد ما انا اكتشفته والحمد لله
فاياريت تكشف على الصباع الاول

لا الكهربائى اخد سلك الصباع ووصله ارضى برضه المؤشر متحركش العيب كده فى المؤشر نفسه