مشكله فى سرعات مروحه الريدياتير

[ALI SOLIMAN]

مساء الخير يا رجاله

العربيه اوبل فيكترا B 96

انا عندى مروحه الردياتير الرئيسيه بتشتغل على السرعه العاليه بس و بعرفها من صوتها و بتبتدى تشتغل عند درجه 80 بس انا خايف كتر تشغيلها على السرعه العاليه بس يهلكها بسرعه

فياريت لو حد يعرف فيوز السرعات بتاعها فين وهل هو فيوز ولا relay

و كمان في علبه فيوزات جنب البطاريه ( بين المروحه و البطاريه) انا عندى راكب فيها 3 فيوزات بس 2 منهم 60A وواحده 30A و بصراحه انا شاكك فى ال 60A

ياريت حد يبعتلى صوره العلبه دى او حتى يقولى هى الفيوزات اللى بتركب فيها كام واحد وكام امبير

[Hesham.H]

مشكله سرعات المروحه بتيجى من تلف فى مقاومه السرعات ... بتبقى راكبه فى المروحه جنب السلك عباره عن صباع اسمر داخل عليه سلوك من فيشه المروحه وخارج منه سلوك للمروحه ... بيتغير استيراد ب ١٥٠ جنيه
الكت اوت اللى فى العلبه اللى فوق وحده الاى بى اس لو تقصد كده بيكون بتاع طرمبه البنزين
تحياتى

[samaty]

اللي عندك إن السرعة العالية متوصلة على ترموستات السرعة الاولى
أو إن المقاومة اللي بتقلل سرعة المروحة ملغية
المقاومة لو بايظة كانت المروحة مش هتشتغل غير في السرعة العالية عند 100

[superherocivil]

انا بقى عندى المراوح سرعاتها شغاله لكن المشكله ان المروحه لما تشتغل متفصلش الا لما ابطل الماتور يعنى اول مالحراره تجيب 80 تشتغل وتفضل شغاله حتى لو المؤشر بتاع الحراره نزل على اللون الازرق ودخت مع الكهربائيه مش عارفيه نوصل للسبب وخصوصا انها مكنتش بتفصل حتى لما بقفل الكونتاك وكانت بتفضى البطاريه ولوحدها الحمد لله بقت بتفصل مع الكونتاك لكن يتبقى موضوع انها مش بتفصل وعلى العلم انا جبت مروحه استيراد وبرده لقيت نفس الكلام معنى كده ان المروحه عندى سليمه

[ALI SOLIMAN]

مشكله سرعات المروحه بتيجى من تلف فى مقاومه السرعات ... بتبقى راكبه فى المروحه جنب السلك عباره عن صباع اسمر داخل عليه سلوك من فيشه المروحه وخارج منه سلوك للمروحه ... بيتغير استيراد ب ١٥٠ جنيه
الكت اوت اللى فى العلبه اللى فوق وحده الاى بى اس لو تقصد كده بيكون بتاع طرمبه البنزين
تحياتى

الله ينور عليك يا باشا هادور على الصباع ده واشوف

بس الكت اوت اللى اقصده هو العلبه الصغيره اللى جنب البطاريه ناحيه الموتور (اللى عليها دايره حمرا ) مش اللى قدام البطاريه وراكب فيها واحد كت اوت واربع فيوزات كبار عايز اعرف القيوزات دى كام امبير عشان مش موجوده فى المانيوال الله يكرمك

[ALI SOLIMAN]

انا بقى عندى المراوح سرعاتها شغاله لكن المشكله ان المروحه لما تشتغل متفصلش الا لما ابطل الماتور يعنى اول مالحراره تجيب 80 تشتغل وتفضل شغاله حتى لو المؤشر بتاع الحراره نزل على اللون الازرق ودخت مع الكهربائيه مش عارفيه نوصل للسبب وخصوصا انها مكنتش بتفصل حتى لما بقفل الكونتاك وكانت بتفضى البطاريه ولوحدها الحمد لله بقت بتفصل مع الكونتاك لكن يتبقى موضوع انها مش بتفصل وعلى العلم انا جبت مروحه استيراد وبرده لقيت نفس الكلام معنى كده ان المروحه عندى سليمه

المشكله بتاعتك دى احتمال كبير يكون سببها سويتش المروخه بيبقى راكب على الريداتير من الجنب اليمين ناحيه عمه الهواء

بس قبل ماتشوف السويتش ياريت تراجع على الكتاوت اللى موجود اقدام البطاريه زى الصوره وهتلاقى 4 كت اوت بيتحكمو فى المروحه رقم 3و4و5و6 اكشف عليهم الاول

[ALI SOLIMAN]

الله ينور عليك يا باشا هادور على الصباع ده واشوف

بس الكت اوت اللى اقصده هو العلبه الصغيره اللى جنب البطاريه ناحيه الموتور (اللى عليها دايره حمرا ) مش اللى قدام البطاريه وراكب فيها واحد كت اوت واربع فيوزات كبار عايز اعرف القيوزات دى كام امبير عشان مش موجوده فى المانيوال الله يكرمك

وكنت عايز اعرف هى السرعه التانيه للمروحه بتشتغل عند درجه حراره كام

[m7nsh]

الدايره الحمرا فيها فيوزين 30 امبير .. والصفرا انا مستغرب لانها عندي مفيهاش غير كتاوتات بس ومفيهاش فيوزات .. ايه الفيوز الراكب من عاليمين رقم 3 دا ؟؟
وبالنسبه لمشكله ان المراوح تشتغل ومتفصلش فانا شامم ريحه ترموستات المراوح الراكب فالردياتير او وصلاته ..

[samaty]

انا بقى عندى المراوح سرعاتها شغاله لكن المشكله ان المروحه لما تشتغل متفصلش الا لما ابطل الماتور يعنى اول مالحراره تجيب 80 تشتغل وتفضل شغاله حتى لو المؤشر بتاع الحراره نزل على اللون الازرق ودخت مع الكهربائيه مش عارفيه نوصل للسبب وخصوصا انها مكنتش بتفصل حتى لما بقفل الكونتاك وكانت بتفضى البطاريه ولوحدها الحمد لله بقت بتفصل مع الكونتاك لكن يتبقى موضوع انها مش بتفصل وعلى العلم انا جبت مروحه استيراد وبرده لقيت نفس الكلام معنى كده ان المروحه عندى سليمه

اللي عندك مسألة بسيطة خالص
السلك اللي جاي من التموستات للكتاوت ملمس السلك الخارج من الكتاوت للمروحة
اعزل الاسلاك تتحل المشكلة

[ALI SOLIMAN]

الدايره الحمرا فيها فيوزين 30 امبير .. والصفرا انا مستغرب لانها عندي مفيهاش غير كتاوتات بس ومفيهاش فيوزات .. ايه الفيوز الراكب من عاليمين رقم 3 دا ؟؟
وبالنسبه لمشكله ان المراوح تشتغل ومتفصلش فانا شامم ريحه ترموستات المراوح الراكب فالردياتير او وصلاته ..

تمام يا باشا فعلا هى العلبه اللى فى الدايره الحمرا بيبقى راكب فيها 6 كتاوت بس والصوره دى من النت

وشكرا ليك

[ALI SOLIMAN]

مشكله سرعات المروحه بتيجى من تلف فى مقاومه السرعات ... بتبقى راكبه فى المروحه جنب السلك عباره عن صباع اسمر داخل عليه سلوك من فيشه المروحه وخارج منه سلوك للمروحه ... بيتغير استيراد ب ١٥٠ جنيه
الكت اوت اللى فى العلبه اللى فوق وحده الاى بى اس لو تقصد كده بيكون بتاع طرمبه البنزين
تحياتى

رحت سالت على المقاومه قالولى لازم اشترى المروحه كامله بتاعه الموتور

وعلى فكره انا بصيت على المقاومه لقيت خارج منها سلكين واحد رايح على موتور المروحه والتانى على فيشه المروحه فمنطقيا ماينفعش تتغير


ياريت تفيدونى لو كلامى مش صح لانى لقيت المروحه كامله ب500 جنيه


والمقاومه دى عباره عن صباع اسود راكب فى اسفل المروحه