تنك البنزين مخروم

[thug]

مساء الفل علي رجاله الأوبل

المشكله دي قولت اخد بمشورتكو لأني تقريبا مش لاقي سبب أو حل

تانك البنزين من فتره بيجيب بنزين ....المهم الميكانيكي قالي هاتلي عجينه سحريه وفركها عالخرم ومنعت تجيب بنزين ..مع أول تفويله جابت بنزين رجعتله
قالي لازم نفضي تانك البنزين الأول ونصنفر علي نضافه ونلزقها تاني بالعجينه السحريه ....قولتله مانشوف لحام تاني قالي ياباشا انا لسه لازق بيها شجره شكمان .....قولتله أمين ...ولزقها منعت اسبوع وجابت بنزين تاني ...اتعكننت
لزقتها بلزق المادتين برد مانفعش

قولت مابدهاش مينفعش غير انه يتفك ويتلحم ........وما أدراكو الشغلانه دي صعبه قد ايه ...الشكمان والدنجل معديين من تحت التانك ....لدرجه اني جبت افرول وجوانتي ونزلت اشتغل مع الميكانيكي تحت العربيه

بعد ماتفك محدش عايز يلحمه غير لحام قصدير ....المهم لحمت الخرم (حوالي شرخ 1 سم بالعرض كده ) ولحمت جزء تاني شاكك بس فيه وبعدين ركبت التانك تاني وفولت العربيه ومجبتش بنزين زي الفل
بعد 3 اسابيع بالظبط روحت الحم الشكمان الراجل بص تحت العربيه قالي الحم تانك البنزين الأول يابشمهندس عشان العربيه ماتولعش مننا !!!!!!!!!!!!!
ايه رأيكو يارجاله اعمل ايه ؟؟؟؟؟؟؟؟

كمان فيه مشكله تانيه ظهرتلي النهارده وقلقتني ......وانا ماشي علي سرعه العربيه بتطرطش زيت فتيس باين التنقيط من نحيه الفتيس موجود في كل حته
كل مامشي بسرعه الاقي الزيت مطرطش في كل حته كده ......والفتيس بدأ يعض معايا

[mohamedeltawel]

كان لازم تلحم بطشه ( قطعه من الاستيل بليت ) فوق الشرخ علشان يمنع خالص وما يشرخش تانى من المطبات

[محمود الشافعى]

حصلت مرتين معايا مرة مع واحد صاحبى فى نوبيرا وصلع فى الاخر الفايز مسدود
وتانى مرة فى عربية عمى مرسيدس معدل وبعد لف كتير جربنا الفايز برده طلع هوا
شوف فايز الهوا عندك فين مكانه وانفخ فيه وجربه

[thug]

لا ياباشا التانك نفسه اللى بيجيب بنزين من منطقه واضحه .....بينشع بنزين من حولين اللحام كده ...مش مسأله خرطوم هو اللى بيجيب بنزين

[محمود الشافعى]

لا ياباشا التانك نفسه اللى بيجيب بنزين من منطقه واضحه .....بينشع بنزين من حولين اللحام كده ...مش مسأله خرطوم هو اللى بيجيب بنزين

ايوة المشكلة اللى كانت بتحصل ان التانك بيتخرم ونلحمة ويرجع تانى ولحمنا نحاس وحديد ومادة جربناهم كلهم لحد ما صاحبى فى مرة اول ما شغل العربية سمع صوت غريب نزل وفتح التانك لقى التانك شفط هوا رحنا للميكاتيكى وقاله وطلع ان فايظ الهوا مسدود وكان بيشفط التانك واللحام يصق

وبعدها قاعد مع عمى بيشكيلى من التانك بيقولى دى رابع مرة الحمة وبيتخرم برضه قلتله على مشكله صاحبى قال للميكانيكى يبص على الفايز وبرده طلع عنده نفس المشكلة واتحلت والحمد لله
جرب هى مش هتخصرك حاجة وإن شاء الله تتحل

[thug]

ايوة المشكلة اللى كانت بتحصل ان التانك بيتخرم ونلحمة ويرجع تانى ولحمنا نحاس وحديد ومادة جربناهم كلهم لحد ما صاحبى فى مرة اول ما شغل العربية سمع صوت غريب نزل وفتح التانك لقى التانك شفط هوا رحنا للميكاتيكى وقاله وطلع ان فايظ الهوا مسدود وكان بيشفط التانك واللحام يصق

وبعدها قاعد مع عمى بيشكيلى من التانك بيقولى دى رابع مرة الحمة وبيتخرم برضه قلتله على مشكله صاحبى قال للميكانيكى يبص على الفايز وبرده طلع عنده نفس المشكلة واتحلت والحمد لله
جرب هى مش هتخصرك حاجة وإن شاء الله تتحل

طب معلش قدامي كام سؤال ليك ياريت تسبلي رقم تليفونك

[محمود السيد]

حضرتك الاول حالة التانك ايه ....
لو تعبان غيره بالكامل
لو مش تعبان معلش فوره وبعد كدة اغسله غسلة كويسة والحم الاماكن الى بتسرب والمشكوك فيه وبعد كدة هات معجون دوكو حرارى معجن التانك كله الجزء السفلى وبعد ما المعجون ينشف هات علبة بلاك من الموان اعتقد بتكون 1 كيلو تخفه بحبة بنزين صغيرة وتدهن التانك وبعد ماينشف التانك ركبه ......
وقلى بعد كدة الاخبار ايه ....

[محمود الشافعى]

طب معلش قدامي كام سؤال ليك ياريت تسبلي رقم تليفونك

01227090056

[thug]

حضرتك الاول حالة التانك ايه ....
لو تعبان غيره بالكامل
لو مش تعبان معلش فوره وبعد كدة اغسله غسلة كويسة والحم الاماكن الى بتسرب والمشكوك فيه وبعد كدة هات معجون دوكو حرارى معجن التانك كله الجزء السفلى وبعد ما المعجون ينشف هات علبة بلاك من الموان اعتقد بتكون 1 كيلو تخفه بحبة بنزين صغيرة وتدهن التانك وبعد ماينشف التانك ركبه ......
وقلى بعد كدة الاخبار ايه ....

ماشي هرجع من السفر ان شاء الله عالثلاثاء وادور علي صنايعي يرضي يفكه تاني لأن شغلانه مهببه .....وان شاء الله اللى قولته هيتنفذ بالحرف الواحد
بمناسبه حاله التانك هو مش شايف فيه حاجه تقلق غير خبطه في بطنه من تحت بس ماشي عليها بقالي سنين يعني
والعوامه بايظه