كماليات و إضافات - أسترا 2013

[NaderNabil]

من ساعة ماجبت العربية في الصيف اللي فات و انا بحاول أضيف بعض الكماليات الأصلية على قد ما أقدر عن طريق أي حد جاي من بره و خاصة إنجلترا ...في الموضوع ده هاعملكوا تجميعه لكل الحاجات اللي جبتها:

1- HAYNES MANUAL

ده مرجع مفصل للعربية فيه كل خطوات الفك و التركيب لأي حاجة تخص العربية (عفشة - موتور - أجزاء خارجية - تابلوه و دواخل - كهرباء - تكييف - فتيس - فرامل...إلخ) و بيشمل أيضاً كافة خطوات الإصلاح و تحديد العيوب و إستبدال القطع بالصور المفصلة و الرسومات البيانية...طبعاً للأسترا موديلات 2009 حتى الان...و متضمن الموتور ال1.6 الموجود في مصر

الكتاب فيه برضو كافة خطوات الصيانات الدورية العادية و الغير عادية مع كافة نقاط الفحص و التغيير بالتفصيل الممل

طبعاً الكتاب ده أكيد فيه ناس كتير تسمع عنه....و بصراحة حتى لو مش هاعمل الحاجة بإيدي في العربية إلا انه مهم جداً يكون معاك ...أكيد في يوم هاحتاج أرجعله.

الكتاب سعره 22 إسترليني تم شراءه من موقع امازون UK

دي بعض الصور للكتاب و الصفح بداخله:











2- Locking wheel bolts

ده طقم 4 صواميل بالغطيان البلاستيك بتاعتهم و اللقمة اللي بيركبوا على الجنوط لمنع السرقة...الطقم ده أصلي من GM و مخصوص للأسترا...و في رأيي مهم جداً تركيبه للحد من سرقة الجنوط اللي بقت موجودة في كل حتة دلوقتي..

الطقم سعره 30 إسترليني و تم الشراء من موقع Ebay UK

و دي شوية صور:







3- جراب نظارة

قطعة أصلية و بيركب مكان مساكة السقف...و سعره 13 إسترليني من ebay UK



4- رف درج التابلوه

الرف ده له قصة...طلبته أول مره من Ebay UK و راح من بالي تماما ان العربيات هناك يمين كلها...فلما جه ...مركبش لأن المفروض يركب في العربيات اللي درج الابلوه فيها ناحية الشمال...(الرف موجود عندي لو حد عنده عربية إنجليزي و عايزه )

طلبته مره تانية بقى بس من Ebay ألمانيا لأن العربيات هناك شمال زي عندنا و ركب زي الفل الحمد لله

الرف عملي جداً و بيخلي مساحة التابلوه مستخدمه بشكل أمثل...الجزء اللي فوق بقيت شايل فيه الكتالوجات و الحاجات الصغيرة

سعره 24 يورو بالشحن من ألمانيا لإنجلترا







و دي صورة النسخة الإنجليزي:



5- لمبات فيليبس Xtreme Vision

اللمبات دي موجودة في مصر عادي بس جبتها برضو من امازون بالمرة

سعرها 20 إسترليني

فيه فرق طبعا بس مش مبهر قوي...



و دي صورة قبل:


و دي صورة بعد:


أتمنى يكون الموضوع عجبكم و انا مستعد أي إستفسارات

[احمد فهمى]

موضوع ممتاز والكتاب ده موضوع لوحدو كنت شاري من بره بتاع الرانجلر والفورد الفيستا فى كل حاجه تتخيلها حتى ازاي تغير بساتم المتور والجوان وفك كل مسمار بالصور

[K.Ossama]

موضوع جميل
شكراً جزيلاً
كنت بفكر أغير الشاشة عندى بواحدة فيها touch و navigation.....يا ترى فيه اى اقتراحات. أنا بصيت على ebay فيه اتنين بس طبعاً صينى

[khaled458]

موضوع جميل
شكراً جزيلاً
كنت بفكر أغير الشاشة عندى بواحدة فيها touch و navigation.....يا ترى فيه اى اقتراحات. أنا بصيت على ebay فيه اتنين بس طبعاً صينى

في حد هنا بعتلي "رقم استاذ فوزي فؤاد و ده مندوب الشركة اللي بتبيع الجهاز على الجروب و الجهاز معتمد من منصور كلمه و استفسر منه و اشترك على الجروب و قله انك من جروب مالكي الاسترا و الانسجنيا على الفيس بوك و هو ممكن يعملك خصم و هو هيشرحلك كل حاجة عنه
و ده رقمه 0111114490" ده بخصوص الكاسيت التاتش و ابقي قولي قال لحضرتك ايه.

[K.Ossama]

في حد هنا بعتلي "رقم استاذ فوزي فؤاد و ده مندوب الشركة اللي بتبيع الجهاز على الجروب و الجهاز معتمد من منصور كلمه و استفسر منه و اشترك على الجروب و قله انك من جروب مالكي الاسترا و الانسجنيا على الفيس بوك و هو ممكن يعملك خصم و هو هيشرحلك كل حاجة عنه
و ده رقمه 0111114490" ده بخصوص الكاسيت التاتش و ابقي قولي قال لحضرتك ايه.

شكراً جزيلاً......
على قد ما أنا فاكر ده كان جهاز صينى برضو
والشركة فى الإسكندرية تقريباً

[mrizk_3002]

اللمض الاكستريم بتتباع هنا عند مكتبة ابراهيم او محل المدينة قدام بنزينة التعاون و اللتنين في شارع دمشق ب 240 جنيه

[Mohyeldin1974]

موضوع ممتاز ، عايزين حد يفيدنا فى تغيير الداى لايت ولمبه النور الصغير بليدات

[NaderNabil]

قريباً ان شاء :))

[K.Ossama]

قريباً ان شاء :))

كنت لسه داخل اكتب:
نشوف أستاذ نادر نبيل وصل لحاجة ولا لسه