تيل فرامل و سير كاتينة وسير دينامو

[quaresma]

العربية فيكترا 98 انا دلوقتى تيل الفرامل عندى بيصفر لما بيسخن فقالى ان التيل من النوع الوحش وانا دلوقتى من المنصورة بس نازل شغل فى القاهرة وعايز اغير التيل اجايب تيل اسمه ايه وبكام ومنين وعايز العرف هو عايز يتغير امام وخلف ولا ايه بالظبط

وعايز اغير سير الكاتينه والدينمو الحجات دى كمان ثمنها كام

[ah-elgendy]

عندك سرور فى وسط البلد وهتلاقى التيل الامامى تقريبا ب 130 جنيه وسير الدينامو 90 تقريبا

[A.Sattar]

انا لسه عامل طقم سرفيس من شهر
التيل فيه أسباني و GM مصري 200 جنيه و GM الماني 450 (الأسباني كويس)
سير الكاتينة والدينامو في حدود 90 :100 جنيه حسب النوع

ممكن تروح سرور أو طارق حمودة و ال 2 في شارع شامبليون في وسط البلد و ارجحلك طارق حمودة عشان سرور فيه كلام مش حلو عليه بس دول اسعارهم من الاخر
انا جبت من New Opel في صقر قريش وكان اسعاره قريبة منهم

[Omar Mahmoud]

تيل الفرامل الاسباني ممتاز عن تجربة و موجود في محل المصرية اللي في ميدان لبنان
السيور كلها علي بعضها مش غالية يعني في حدود 200 جنيه تقريبا و النوع الافضل هو gates

[ah-elgendy]

نصيحه بلاش المصريه اللى فى ميدان لبنان فى حاجات كتير عنده غاليه بفرق كبير عن باقى الناس

[احمد فهمى]

الموضوع محتاج واحد عندو ضمير تشترى منو اكتر ما هو نوع تشتريه

[Omar Mahmoud]

نصيحه بلاش المصريه اللى فى ميدان لبنان فى حاجات كتير عنده غاليه بفرق كبير عن باقى الناس

مين تاني ممكن اروحلو بدل المصرية؟؟؟

[midozx]

حضرتك من المنصوره ماتنزل عند موافى او ايمن البحقيرى فى الحسنيه ويبقا جانبك لو فى حاجة

[فادى محمد]

بص ياباشا
روح الحسينيه لمحل اسمه ( المصريه) مهندس احمد خطاب , محترم جدااا وامين
هات من عنده سير كاتينه وسير دينامو , بيشتغل هو في ماركه اسمها ليمفوردر الماني , تحفه.
السيرين تقريبا ب225ج . وهات تيل الفرامل من عند اولاد الموافي ( احمد ومحمد) نوع اسمه روود هاوس
ب130ج اسباني .
سواء م احمد خطاب او اولاد الموافي قولهم انك معرفه فادي - دمياط - اللي معاه الفيكترا البيضاء.هيتعمل معاك واجب كبير

[ALI SOLIMAN]

فى حد عارف السيور الGoodYear دى كويسه ولا لأ عشان لقيت منها صناعه اتحاد اوروبى

[quaresma]

الف شكر لكل الناس