تجربتى فى نقل ملكية استرا 2002

[bestlove2]

طبعا من غير زعل من الوحوش اللى هنا اللى زعلونى منهم الفترة اللى فاتت لأنى سألت على الضريبة والترخيص والتسجيل وكدة عشان انقل ملكية والنا كبرت دماغها منى الكل كان بيعدى ولا حتى يقول متابع معاك

على فكرة انا بهزر معاكم

نيجى بقا لنقل الملكية بالأسعار اوب استرا 1200سى سى موديل 2002

615 تسجيل شهر عقارى
30 ورق فحص
5 وصل للمخالفات ( حتى لو عليك مخالفات ) اجبارى يعنى
280 تأمين اجبارى 3سنوات ( محدش بيستفاد منه ) اهوه لزوم الرخامة
525 ضريبة 3 سنوات ( حسبنا الله ونعم الوكيل )
40 تم اضافتهم فى الخزنة وانا بدفع الضريبه معرفش بتوع ايه بس تقريبا زى معونه كدا على اساس احنا اخنا من الحكومة ههههههههههههههه
10 صورت بيها ورق رخامة من الموظف
16 ملف ( ملوش اى ريحة اللازمة نظام دوسيه فى اوراق خد الدوسيه ورمى الورق )هههههههه
71.5 حقيبة اسعاف ومثلث حسبى الله ونعم الوكيل مع انهم عنى جداد من العربية القديمة بقول للظابط قالى دى عربية ودى عربية لازم وصل عشان الإجراءات اشترتهم تانى منهم لله.

يبقى الإجمالى 1616 جنيه لترخيص 3 سنوات قلت اعملهم 3 عشان القرف اللى الواحد شافه هناك بس طبعا اخدت تصريح 6 شهور لحين ورود الملف لأنى بنقل من مرور لمرور


واسف على الإطاله بس قلت ممكن تفيد ناس من الرجالة اللى هنا

[ayman hamdy]

مشكور على المعلومات القيمة ومتزعلش انا صارف قدهم تجديد سننتين بس
تقبل تحياتى

[S O P H O S]

كويس انهم 3 سنين
علشان ترتاح من العذاب ده
ومبروك الترخيص

[a7mad_mo7amad6]

مبروك ياريس

[hilal]

الف مبروك وعقبال ما ترخص الزيرو

[bestlove2]

متشكر على رفع الروح المعونة دى يارجاله

[Shido]

مبروك يا باشا علي العربيه والترخيص و شكرا للافاده. وما تزعلش بس هو في عربيات اصلا قليله فلما تسأل علي حاجتها بتاخد وقت لحد مايترد عليها