الحرارة النهاردة وعربيتى الفكترا

[hamdy916]

انا النهارده نزلت الساعه 5 العصر ومشيت ربع ساعه وشغلت التكيف ولقيت الحرارة بتعدى 100 فروحت قفلت التكيف لقتها رجعت 93 وعادى بقت طبيعية رغم ان المفروض الى فهمه والى كان بيحصل قبل كدة ان اما بشغل التكيف بينزل درجة الحرارة مش بيعليها فياريت حد يقولى اعمل ايه واكشف على ايه بالضبط

[ahlawyalatol]

انا النهارده نزلت الساعه 5 العصر ومشيت ربع ساعه وشغلت التكيف ولقيت الحرارة بتعدى 100 فروحت قفلت التكيف لقتها رجعت 93 وعادى بقت طبيعية رغم ان المفروض الى فهمه والى كان بيحصل قبل كدة ان اما بشغل التكيف بينزل درجة الحرارة مش بيعليها فياريت حد يقولى اعمل ايه واكشف على ايه بالضبط

كده ممكن يكون التكييف بيعمل قفله مع المروحه ومبتشتغلش لما بتفتح التكييف يعنى بص على المروحه وشوف بتشتغل ولا لا وان شاء الله خير

[caeser]

كدة ببساطة مروحة التبريد بتقف مع تشغيل التكييف

طيب اية الحل يا حاج :::

اقولك انت تروح لكهربائي وتخلية يركب كتاوت بس للمروحة ركز معايا لان الحرارة ممكن تخليك تقول للمكنة مع السلامة

كتااااااااااااااااااااااااااااااااااااااوت فقط للمروحة

او حل تاني يخلي المروحتين التبريد والتكييف يشتغلو مع بعض فى كل حاجة بمعني الاتنين يبردو والاتنين يشتغلو فى التكييف


اى تاليف غير دة بجد نصيحة منى المكنة ممكن توحشك اوى وتقولها باي باي


انشا الله خير

[hagagatc]

علي فكره مش شرط الحراره عشان توصل لل ١٠٠ مع التكييف يبقي المراوح مش شغاله وتقدر تعرفها ببساطه التكييف حيبقي تعبان ومفيش تبريد لان المراوح فاصله
بتبقي شغاله بس بتبقي مشكله تانيه لان المراوح لو مش شغاله الحراره حتعدي ال ١٠٠ ويبقي فيها وش سلندر والميه حتتبخر كلها الموضوع ده كان بيحصل معايا بس الصراحه معرفتش السبب ايه

[hamdy916]

المراوح شغالة اعمل ايه

[Ahmed adel 23]

نفس المشكله ياريت حل انا بعتقد ان السرعه التانيه للمروحه المفروض تشتغل مع التكيف بس مدام ةصلت الحرارة ل 100 اعتقد كدة ان السرعه التانيه مش شغاله صح الكلام دا ولا غلط

[elpasha1]

نظف الرذياتير كويس

[Omar Mahmoud]

انا قلقت يعني لو عندي مشوار في الجو ده اخرج بالعربية ولا بلاش احسن علشان في كذا موضوع بسبب الحر

[M R. Z E C O]

ممكن يكون الكباس ضعيف وبيجهد الماتور

[m7nsh]

انت بتقول ان المروحتين شغالين والتكييف شغال (لازم يكون الاتنين شغالين و ع السرعه العاليه..اتاكد من دى ) ..

ولو لقيت الحراره بتعلا برده اتاكد من الميه وان مفيش تسريب ..وإدى السربنتينه غسله حلوه و غير ميه الردياتير هتحس بفرق

[hamdy916]

انا لقيت عندى المروحتين شغالين وعلى فكرة انا عامل اصلا فكرة الفيوز ده بس ان عندى حاجه افتكرتها معرفش ممكن تكون السبب ولا ايه مروحة التكيف كان فيها رفه كان بتحصل كل فترة مش عارف ده ممكن تكون السبب ولا لاء

[ayman hamdy]

انا لقيت عندى المروحتين شغالين وعلى فكرة انا عامل اصلا فكرة الفيوز ده بس ان عندى حاجه افتكرتها معرفش ممكن تكون السبب ولا ايه مروحة التكيف كان فيها رفه كان بتحصل كل فترة مش عارف ده ممكن تكون السبب ولا لاء

حضرتك متاكد ان المروحتين لما تشغل التكييف بيشتغلوا على السرعة العالية؟ اشك
اكيد شغالين على السرعة البطيئة اتاكد حضرتك تانى وقول لنا
تحياتى

[Tiar]

السلام عليكم
كان عندي نفس المشكلة ان درجة الحرارة بتزيد قوي مع التكييف وممكن توصل لـ 100 رحت نظفت الرادياتير وغيرت المية بمية خضرا وكمان نظفت السبرتينة والحمد لله درجة الحرارة في رانج 85الى 90 ومع التكييف كبيرها 93


جرب وشوف مش هتخسر حاجة الموضوع كله اقل من 75 جنيه



طيار

[hamdy916]

حضرتك متاكد ان المروحتين لما تشغل التكييف بيشتغلوا على السرعة العالية؟ اشك
اكيد شغالين على السرعة البطيئة اتاكد حضرتك تانى وقول لنا
تحياتى

اتاكد ازاى

[ayman hamdy]

اتاكد ازاى

العربية فى الطبيعى بدون تكييف بتبقى مروحة الرايدتير فقط شغالة سرعة اولى عند 89درجة وبتبان انها بطيئة لو بصيت عليها واول ما تشغل التكييف سرعتها بتذيد وكمان مروحة التكييف بتشتغل بنفس السرعة العالية دى
شوف وقول لنا