مقاسات السير الاصلي

[m_hamdy1976]

ياجماعه حد يعرف مقاسات السير الاصلي للكورسا 95 ال 1200cc
انا صراحه ركبت 3 سيور وبرضه بيعملوا صوت والميانيكي يقولي مش ده الاصلي
الاخير اللي راكب 825 * 9 وهو بيقول لا ده لازم يكون اعرض
الرجاء افادتي :k52:



___________
تم إضافة لينك الموضوع إلي كــل ما تريـــد معرفتـــه عن الأوبــــل كورســـا
مشرف القسم

[Ahmad Allawy]

والله انا مش عارف المقاس..
عشان لما عيرت اللي عندي كان شبه مقطوع.. و الرقم اللي عليه كان ممسوح..
و اللي جيبته كان نفس المقاس تقريبا.. بالتقريب كده.. مش بالرقم..
و يا تري ايه نوع الصوت اللي بيعمله..؟؟
هل بيعمل صوت صريخ كده العادي ده اللي بنسمعه من العربيات ف الشارع..؟؟
ولا صوت زنة كده بيطلع من الدينامو نفسه..؟؟

[m_hamdy1976]

بص يا اخي هو بيعمل صوت زي الزنه بس تحس انه مرتبط بلفه معينه ولو دلقت ميه علي السيرالصوت بيقل

[Ahmad Allawy]

الله عليك..
ده بالظبط اللي بيحصل معايا..
بيطلع عند حوالي 2500 لفة..تزيد حاجة بسيطة..
عندي اول ما ركبته كان صوته رخم جدا.. و بعد شوية سافغرت بالعربية و رجعت الصوت هدي خالص.. و دلوقتني بدأ يظهر تاني..
عموما لو لقيته ابقي قوللي.. عشان انا كمان ان شاء الله هاغيره..

[m_hamdy1976]

السلام عليكم اخ احمد
انا اتصلت بالتوكيل وقالي ان السير الاصلي بتاعها موجود دلوقتي بس مرضيش يقولي مقاساته ايه
بس سعره 45 جنيه فحبيت اعرفك لو محتاج انك تغير سيرك

[Ahmad Allawy]

طيب يا تري عند انهي توكيل..؟؟
اللي ف المهندسين منفذ بيع قطع الغيار ولا في الصحراوي و رابعه..؟؟
والف شكر ليك علي اهتمامك

[yyy]

بص يا اخي هو بيعمل صوت زي الزنه بس تحس انه مرتبط بلفه معينه ولو دلقت ميه علي السيرالصوت بيقل

خلى الميكانيكى يشد السير ....وجرب شوف الصوت هايروح ولا لا

[m_hamdy1976]

اولا مافيش شكر علي واجب وخيركم سابق يا ريس
ثانيا هو موجود عند التوكيل اللي في رابعه

ثالثا بالنسبه لشد السير هو المشكله مش في طول السير المشكله في عرضه هو ده اللي اللي عامل الصوت
انا شديت السير وبعدت الشدادد وغيرت 3 مقاسات من السيور وبرضه مفيش فايده.

[Ahmad Allawy]

جيبته يا رجالة.. :) :)
من امريكان ستار..
نوعه ليمفوردر الماني و مكتوب عليه..
و مقاسه كالتالي:
AVX10X913la

وكان تمنه 15 جنيه فقط لا غير..

[m_hamdy1976]

الف مبروك يا باشا بس طمنا علي صوته بعد الاستخدام لان الميكانيكي بتاعي قالي تخنه المفروض يكون 9.5

[Ahmad Allawy]

لأ انا لسة مركبتوش..
وده انا متأكد انه الاصلي بتاعها..
ببس انا مش عارف بقي ال913 هي العرض ولا ال10..!!!!!!!!!!
لما اجي اركبه هشاوف و اقولك..

[m_hamdy1976]

913 دي طوله وهي ممكن يركب عليها من اول 825
والعرض هو اللي 10 وبرضه هي بيركب عليها من اول 9.5 لحد 13
بس اظن ان المقاسات بتاعه السير بتاعك مظبوطه ان شاء الله

[Ahmad Allawy]

ربنا ييسر ان شاء الله..
الف شكر يا باشا..