جابت كنترول

[medo111]

ازيكو يا جماعه

من فتره كنت بظبط العربيه لانها كانت مدمره المهم اشتريت حاجات هقولها باسعرها عشان الناس تستفيد

جبت اكصدام امامي اصلي من عند البحقيري ب 800 جنيه عند علي عبيه ب 1150 كالعاده

جبت جريدتين للسقف ب 300 جنيه الاتنين ,جبتهم من واحد علي طريق سمنود قبل الكبري, عند البحقيري الواحده ب 450

جبت فانوسين امامي الواحد ب 450 ديبو طبعا مش اصلي

جبت فانوسين شبوره الواحد ب 200

جبت مريتين كهربا واحده استيراد ب 170 وواحده جديده ب 190

جبت جريده باب ب 50 جنيه

عيرت مقص استيراد ب 170 جنيه

وغيرت مساعد استيراد 200 جنيه

وغيرت طنبوره يمين كانت معوجه شويه ب واحده استيراد 350 جنيه

جبت مكنه ازاز يمين بالشاسيه ب 150 جنيه

وانا شغال الكمبروسر باظ غيرتو ب واحد استيراد ب 650 جنيه

غيرت قعدتين ماتور كانو اصلا بايظين ب اتنين استراد بس كان سعرهم رخيص مش فاكر اوي سعرهم

رشيت الاكصدامات طبعا وظبط الخبطات الي في العربيه رديتها وطلعت راس البر كان عندي فرح وانا راجع

حطيت بنزين من بنزينه علي الطريق بعدها بكيلو بالظبط العربيه بطلت تدور مفيش وكنا الساعه 2 بليل

كلمت الكهربائي قالي في الغالب طرمبه قالي خبط عليها وانت بتدور طبعا مش بتدور فضلت قاعد انا

وصاحبي للصبح في العربيه بعد كدا جبنا ميكانيكي فك الخراطيم لقينا العربيه فيها مايه مش بنزين

حاولنا ندور لحد ما البطاريه طلع عينها جبنا واصله وحولنا نفضي المايه ودورنا دارت ومشيت بتنتيش طبعا

بعد ما جيت بيومين نضفت التانك العربيه كانت بتغيب في الدواره ما علينا البطاريه بقت بتنام قيست شحن

الدينمو ضعيف عملنا واصله زياده مباشر علي البطاريه الشحن ظبط تاني يوم جيت ادور المارش اول لفه

بيلف بالراحه تاني لفه سريع وانا بدوس بنزين عشان تنجز وتدور العربيه عملت زي صوت فرقعه من

الشكمان والعرييه دارت بس الفرقعه دي خرمت الشكمان رحت عملتو وانا ماشي عزم العربيه كان وحش

اوي ولمبه التشيك نورت اتظبط ومشيت حاسس زي ما يكون في حاجه في الشكمان مسدوده بس

الحقيقه مفيش العربيه الي عمرها مفصلت بتفصل عند 3 ونص ار بي ام يبقي حساس كامه جبنا

حساس تاني بردو العطل مش بيتمسح طبعا العنوان جه في بالكو الوقتي لان هو فعلا عيب كنترول مش

حساس زياده عن كدا البطاريه ماتت وجبت واحده

معلش انا طولت عليكو بس حبيت الناس تستفاد من الاسعار وتاخد بالها من بنزينات دمياط وراس البر لان

هما معروفين بالغش في البنزين

بس انا اصلا كنت هعمل موضوع بتظبيط العربيه بس الحظ جابت كنترول فا دمجتهم

السؤال هل الكنترول ممكن يتصلخ ولا مفيش امل وشكرا

[فادى محمد]

بنزينه التعاون اللي بره راس البر , بروح امون منها مخصوص وامناء جداا
بنزينه كالتكس اللي جوه راس البر , ماتفكرش تمون منها..
الكونترول يتصلح . روح لحسام البحقيري .

[medo111]

اكيد يتصلح ؟ اصل انا سالت قالولي دا العيب الوحيد الي ميتعملوش واصله ولا كبري ولا ينغع يتصلح بس عايز اقولك انو لو العربيه بارده مش بيعمل كدا بعد فتره اللمبه بتنور ويرجع العيب

[m7nsh]

قلبى معاك ياباشا .. هى تلاقيها عين بس :)

و ان شاء الله خير انا اعرف ان البحقيرى بيصلحه .. روح وشوف الكلام

[medo111]

قلبى معاك ياباشا .. هى تلاقيها عين بس :)

و ان شاء الله خير انا اعرف ان البحقيرى بيصلحه .. روح وشوف الكلام

شكرا ربنا يخليك هي فعلا عين

[M R. Z E C O]

وهتسميه ايه ....بهزر طبعا .ربنا يرحمنا من العالم القرارة دي يا ساتر يا رب

[medo111]

فعلا يا ساتر يا رب

[midozx]

جبت فانوسين امامي الواحد ب 450 ديبو طبعا مش اصلي

التايوانى الاتنين ب 450 ج ويوم ما يتنطط وتسمع فيهم 600 عند مستر اوبل

جبت فانوسين شبوره الواحد ب 200

جايب الاتنين جديد ب 175 ديبو من عند موافى والفاتوره معايا

وخد بالك حسام غالى شوية وفاصل معاها

[medo111]

الاتنين ب 450 ازاي ايه الاسعار دي
دي استرا 2004 برازيلي

[midozx]

الاتنين ب 450 ازاي ايه الاسعار دي
دي استرا 2004 برازيلي

معليش بقا
فكرته فيكترا والله