استفسارات عن استرا 2005

[odod]

لو سمحتم عندى كام استفسار كده عالسريع فى الاسترا 2005 اوتوماتيك
اولا : عايز اشغل ال auto lock بتاع الابواب مش عارف بيشتغل ازاى
ثانيا : انا لسه شارى العربية قريب وغيرت بوجيهات وفلاتر زيت وهوا وبنزين وتيل خلفى وحططتلها منظف دورة الوقود مع بنزين 92 على طوووول بس سحب العربية تقيل مش عارف ليه
ثالثا : وانته واقف فى اشارة مثلا والعربيى على ال D وتيجى تشيل رجلك المفروض ان الاوتوماتيك بتلاقى العربية بتزق نفسها كده انما دى بتتاخر حوالى ثانيتين كده وبعدين تتطلع .. هل ده طبيعى
رابعا : المشكلة الازلية نقص المياااااه انا بزودها كل يوم او يومين والمشكلة انى مش بلاقى مياه تحت العربية

واسف جدا جدا على الاطالة بس ماليش غير المنتدى ده والناس اللى فيه

[haisam ali]

غيرت فلتر البنزين قبل تنظيف الدوره ولا بعدها ؟؟؟؟؟؟
بخصوص الفتيس مبداءيا كده هتغير زيت فتيس وبأذن الله بعد حل مشكله تقل السحب دى ( الدنيا هتتغير معاك خالص )
بخصوص نقص الميه عايزك تتأكد ١٠٠٪ انك معندكش حاجه بتسرب ميه من الخراطيم كلها ومن غطاء القربه يكون بينافس فبيعمل فوران فى الميه والعربيه سخنه وانت مش واخد بالك وتراجع طبب الميه قدام وروت من تحت المنفوه ونظبط الدنيا اكيد عشان دماغنا متروحش لحاجه اكبر .... هذا وبالله التوفيق

[Shido]

انا الديد لوك اعرفه انما الاستفسارات التانيه الخبراء يردوا عليك فيها.
حط المفتاح في الكونتاكت وافتح اول تكه بس و دوس علي اللوك في الريموت حوالي 5-10 ثواني. كده خلاص
اقفل الباب علي حضرتك و اقفل من الريموت و حاول تفتح اي باب مش هيفتح غير لما تفتح من الريموت .
جرب و قولي ايه الاخبار

[odod]

غيرت فلتر البنزين قبل تنظيف الدوره ولا بعدها ؟؟؟؟؟؟
بخصوص الفتيس مبداءيا كده هتغير زيت فتيس وبأذن الله بعد حل مشكله تقل السحب دى ( الدنيا هتتغير معاك خالص )
بخصوص نقص الميه عايزك تتأكد ١٠٠٪ انك معندكش حاجه بتسرب ميه من الخراطيم كلها ومن غطاء القربه يكون بينافس فبيعمل فوران فى الميه والعربيه سخنه وانت مش واخد بالك وتراجع طبب الميه قدام وروت من تحت المنفوه ونظبط الدنيا اكيد عشان دماغنا متروحش لحاجه اكبر .... هذا وبالله التوفيق

بعد ماحطيت المنظف ومشيت بيها شوية
موضوع زيت الفتيس ده سالت الميكانيكى عليه اول ماجبت العربية قالى انه كويس مش محتاج حاجة
موضوع المياه ده انا فعلا مش لاقى اية مياه مسربة
وموضوع ان دماغنا ماتروحش لحاجة اكبر العربية اول ماجبتها كان فيها جوان وعملته

[odod]

انا الديد لوك اعرفه انما الاستفسارات التانيه الخبراء يردوا عليك فيها.
حط المفتاح في الكونتاكت وافتح اول تكه بس و دوس علي اللوك في الريموت حوالي 5-10 ثواني. كده خلاص
اقفل الباب علي حضرتك و اقفل من الريموت و حاول تفتح اي باب مش هيفتح غير لما تفتح من الريموت .
جرب و قولي ايه الاخبار

شكرا ياريس وانشاء الله هجرب واقولك على فكرة انا قصدى ان السنتر يقفل اوتوماتك لما العربية تتحرك هل ده قصد حضرتك برضه

[haisam ali]

بعد ماحطيت المنظف ومشيت بيها شوية
موضوع زيت الفتيس ده سالت الميكانيكى عليه اول ماجبت العربية قالى انه كويس مش محتاج حاجة
موضوع المياه ده انا فعلا مش لاقى اية مياه مسربة
وموضوع ان دماغنا ماتروحش لحاجة اكبر العربية اول ماجبتها كان فيها جوان وعملته

بالنسبه لموضوع الفلتر ده انت لازم تغيره تانى بعد تنظيف الدوره لانه بيان رواسب كتير جداً وده عن تجربه ...
زيت الفتيس برضه عن تجربه صدقنى غيره أمان ليك لان انا كسلت شويه والميكانيكى قالى ده احمر اهوه وجميل وفعلا الفتيس عندى ودع خالص وربنا يكفيك الشر وانا بحاول انقذ فيه بأى طريقه ممكنة ....
بالنسبه لموضوع الجوان بقى وتسريب الميه هتستنى حد من كبارتنا يفيدك اكتر منى باذن الله ...
أسف للاطاله وشكرا

[Shido]

شكرا ياريس وإن شاء الله هجرب واقولك على فكرة انا قصدى ان السنتر يقفل اوتوماتك لما العربية تتحرك هل ده قصد حضرتك برضه

انا اسف ماأخدتش بالي. انا اللي اقصده الديد لوك. ده لو قفلت العربيه علي حد بالريموت مش هيعرف يطلع منها غير لما انت تفتحله
الاوتو لوك الصراحه مش عارف هسألك ولو عرفت حاجه هقولك

[Shido]

انا اسف ماأخدتش بالي. انا اللي اقصده الديد لوك. ده لو قفلت العربيه علي حد بالريموت مش هيعرف يطلع منها غير لما انت تفتحله
الاوتو لوك الصراحه مش عارف هسألك ولو عرفت حاجه هقولك

لقيت علي وب سيت واحد كاتب انك تطفي العربيه و تفضل دايس علي زرار اللوك مش اللي في الريموت, التاني اللي في التابلوه حوالي 10 ثواني. المفروض هتعمل لوك بعد كده تفتح تاني كده يبقي خلاص
جرب وشوف

[medo111]

اولا بالنسبه للفتيس اصلا هو نظامو كدا بيفصل عشان ميفضلش يزق في العربيه جرب عربيه تانيه غير الاوبل وانت واقف في اشاره هتحس انها بتزقك وانت ماسكه فالموضوع دا للراحه مش اكتر مش مشكله ولا حاجه

موضوع المايه بص علي الطبب والريداتير شوف المايه بتنقط فين تحت العربيه وقولنا هنقلك العيب فين ان شاء الله

[odod]

اولا بالنسبه للفتيس اصلا هو نظامو كدا بيفصل عشان ميفضلش يزق في العربيه جرب عربيه تانيه غير الاوبل وانت واقف في اشاره هتحس انها بتزقك وانت ماسكه فالموضوع دا للراحه مش اكتر مش مشكله ولا حاجه

موضوع المايه بص علي الطبب والريداتير شوف المايه بتنقط فين تحت العربيه وقولنا هنقلك العيب فين ان شاء الله

بالنسبه لموضوع الفلتر ده انت لازم تغيره تانى بعد تنظيف الدوره لانه بيان رواسب كتير جداً وده عن تجربه ...
زيت الفتيس برضه عن تجربه صدقنى غيره أمان ليك لان انا كسلت شويه والميكانيكى قالى ده احمر اهوه وجميل وفعلا الفتيس عندى ودع خالص وربنا يكفيك الشر وانا بحاول انقذ فيه بأى طريقه ممكنة ....
بالنسبه لموضوع الجوان بقى وتسريب الميه هتستنى حد من كبارتنا يفيدك اكتر منى باذن الله ...
أسف للاطاله وشكرا

منا ياباشا سبت الفلتر القديم فيها شوية بعد ماحطيت المنظف وبعدين غيرته
موضوع تغيير الزيت ده هل لو نزلت الزيت هيحصل حاجة للفتيس .. انا شربت كتير قبل كده فى موضوع الفتيس ده فى الميجان كنت نزلت الزيت ده وبعد كده الفتيس كله باااااااااظ

[odod]

لقيت علي وب سيت واحد كاتب انك تطفي العربيه و تفضل دايس علي زرار اللوك مش اللي في الريموت, التاني اللي في التابلوه حوالي 10 ثواني. المفروض هتعمل لوك بعد كده تفتح تاني كده يبقي خلاص
جرب وشوف

ربنا يخليك باباشا متشكر جدا وهجرب واقولك انشاء الله

[odod]

اولا بالنسبه للفتيس اصلا هو نظامو كدا بيفصل عشان ميفضلش يزق في العربيه جرب عربيه تانيه غير الاوبل وانت واقف في اشاره هتحس انها بتزقك وانت ماسكه فالموضوع دا للراحه مش اكتر مش مشكله ولا حاجه

موضوع المايه بص علي الطبب والريداتير شوف المايه بتنقط فين تحت العربيه وقولنا هنقلك العيب فين ان شاء الله

تمام ياريس انا قلت اتاكد من موضوع الفتيس ده
انما موضوع المايه ده المشكله انى مش بلاقى مايه تحت العربية حاجة تجن والله

[Astra Lover]

تمام ياريس انا قلت اتاكد من موضوع الفتيس ده
انما موضوع المايه ده المشكله انى مش بلاقى مايه تحت العربية حاجة تجن والله

فى حاجة اسمها الشجرة او فبرة الاخطبوط لما تكون مشروخة المية بتسرب والعربية دايرة نتيجة ضغط الدورة وسخونة المية الشرخ يفتح عشان كدة المية بتنقص ومش بتشوفها, والله اعلم.

[odod]

فى حاجة اسمها الشجرة او فبرة الاخطبوط لما تكون مشروخة المية بتسرب والعربية دايرة نتيجة ضغط الدورة وسخونة المية الشرخ يفتح عشان كدة المية بتنقص ومش بتشوفها, والله اعلم.

ودى مكانها فين يعنى اقدر اوصلها ازى .. ابص عليها يمكن تتطلع منها