احقاقا للحق في مركز الشيخ هيثم

[Ali mubarak]

السلام عليكم ورحمة الله،
انا كتبت مشاركة من كام يوم عن تجربة مع مركز الشيخ هيثم في الرابط دةhttp://www.nilemotors.net/Nile/425417-a.html
وهي باختصار ان العربية كان فيها رجة غريبة ع السلانسيه والمية كانت بتنقص بشكل ملحوظ. وانا رحت لكذا حد بس للأسف التشخيص كان دايما خطأ،،، لغاية م رحت لمركز الشيخ هيثم والراجل حل مشكلة البرجلة ع السلانسيه بكفاءة عالية.....بس مشكلة المية اشتغل فيها حد تاني بيشتغل في المركز عنده وفتي شوية وكانت النتيجة وانا ماشي من عنده العربية جابت وش سلندر!!!!!!
المهم خدت العربية علي ونش من اكتوبر لغاية مركز الشيخ هيثم في الحرفيين ودفعت تكاليف الونش...المهم الراجل استلم العربية والصنايعية عنده اشتغلوا فيها......وفي الآخر اثبت لي انه انسان محترم فعلا بغض النظر الخطأ كان من مين!!! صحيح احنا اختلفنا شوية في الأول ف يمين هيشيل ايه بس الراجل اثبت فعلا ف النهاية انه انسان راقي وتعامله محترم
انا حبيت احكي اللي حصل احقاقا للحق !!

[haisam ali]

مشكووووور ياغالى .... بس ابقى اشرحلنا ايه اللى تم بالظبط فى العربيه والعربيه عامله معاك ايه

[ayman hamdy]

شكرا على نقل التجربة بس ياريت تفاصيل اكتر علشان الكل يستفاد
تحياتى

[Ali mubarak]

شكرا على نقل التجربة بس ياريت تفاصيل اكتر علشان الكل يستفاد
تحياتى

انشاء الله عندي شوية شغل هخلصهم وهنقل بالتفصيل اللي حصل عشان الكل يستفيد....
وبصراحة انا انصح بمركز الشيخ هيثم بشرط انه يشرف بنفسه عالشغل.

[سموحة]

إن شاء الله عندي شوية شغل هخلصهم وهنقل بالتفصيل اللي حصل عشان الكل يستفيد....
وبصراحة انا انصح بمركز الشيخ هيثم بشرط انه يشرف بنفسه عالشغل.

ربنا يجازيك خير

[احمد فهمى]

ممكن توضح التكلفه كانت على حساب مين بالتفصيل عشان احنا بنتكلم على عربيه جابت جوان وش سلندر

[hagagatc]

زي مقلتلك في المشاركه القديمه هو راجل محترم جدا وخلوق ولو رحتله حيعملك اللازم والعيب في الصنايعي الي عنده والخطاء وارد
انا كان ليا تجربه معاه قديمه عملي شغل في العربيه بعدها جينا نتحاسب لقيت الموضوع عدي الميزانيه بتعتي وكان له فلوس والله باقي حساب بقاهم لحد تاني مره رحتله واديتهمله مع اني مليش علاقه بيه قويه اويعرفني كويس
والحمد لله ان المشكله اتحلت

[الهواء]

ياباشا مع احترامى لكلامك الشيخ هيثم غالى جدا وده مشكله الصنايعى لما يكون واخد شهره كبيره، انا معاك انه راجل محترم بس عربيتك تجيب وش سلندر وتقول الخطأ وارد ده كلام انا مش معاك فيه.

[Ali mubarak]

مشكووووور ياغالى .... بس ابقى اشرحلنا ايه اللى تم بالظبط فى العربيه والعربيه عامله معاك ايه

انا خدت العربية علي ونش زي م قلت عشان خفت امشي بيها تحتاج عمرة كاملة ولا حاجة. فيه حد نصحني اني احطلها زيت واروح بيها بس انا محبتش اخاطر...
وصلت هناك علي الساعة 10 الصبح الصنايعية جم الساعة 11 بدأوا شغل الساعة 11 ونص بعد ما فكوا الوش طبعا الموتور كان مليان مية بعدين الوش راح المخرطة عشان يتكشط ويشوف ايه الجوان المناسب.
الوش اتأخر في المخرطة لغاية الساعة 7:30 مش عارف ليه؟؟؟المهم الوش اتكشط واتركب عليه جوان اسمه جرينجريد اعتقد وهو زي الكاوتشوك كده مش معدني قالولي انه احسن من المعدن عشان بيمنع التسرب وبيبقي قافل كويس..طبعا ف خلال الوقت دا كان واحد في ورشة الشيخ هيثم ماسك كل الهيد بتاع الموتور وقاعدة الموتور ومنطقة البساتم اللي كان فيها مية وغسل الأجزاء دي بالبنزين كويس جدا وشفط الميه اللي كانت في الموتور..
بعد الوش م وصل من المخرطة واحد هناك اسمه جمعة هو اللي اشتغل ف العربية قللي هنغير لك سير الكاتينة..-وانا من ساعة م جبت العربية مغيرتش السير ومعرفش اللي كانت معاه كان مغيره من قد ايه---المهم غير السير وركب الجوانات جوان وش التكيهات وجوان وش السلندر وركب فلتر زيت جديد وغير زيت 3000 وقللي الزيت دا نظافة يعني لازم يتغير بعد 1000 مش اكتر من كدة..
جينا بقي لموضوع المية :طبعا كان كلام الشيخ هيثم ف البداية في سبب ان العربية جابت جوان هو ان احنا غيرنا الرادياتير وكبسنا فلما دورة المياة اتحكمت طبيعي ان اللي يضرب هو اضعف جزء فيها واضعف جزء في الوقت دا كان هو جوان وش السلندر قلتله وانت مكشفتش علي الدورة كلها ليه؟؟ فقللي انا مينفعش افك وش السلندر لمجرد اني شاكك انه ممكن يضرب دي قصة كبيرة.
المهم اثناء فك وتركيب الوش قلت للشيخ هيثم دلوقتي الدنيا المفروض باينة قوي فمفيش حجة ان احنا بعد م نمشي من هنا نلاقي حاجة تانية حصلت قللي لا كدة كل الدورة واضحة قدامنا ومفيش خوف.
بعد التقفيل كبس واحد بيشتغل هناك اسمه جمعة دورة المية بجهاز عنده عشان يشوف لو فيه تسريب ولا حاجة فمكنش فيه تسريب فحتة الحمد لله وبعدين ظبط منسوب المية في القربة وقللي شغل !!
طبعا اول مشغلت لقيت دخان اسود من الشكمان فقللي دا طبيعي وفعلا مفيش عشر دقايق والدخنة راحت،،، قللي بعد يومين تلاتة لازم دورة المية تتغسل وتغير المية اللي فيها بمية خضرا وقللي الطبيعي ان المياة في القربة في اي عربية قديمة تقل كل كام يوم فتزودها بس مش بشكل كبير.
المهم جربنا العربية وكله تمام الحمد لله .
جينا بقي للحساب لقيت الشيخ هيثم جايب ورقة فيها حساب ب 800 ج بعد الخصم هههههههللأسف ملحقتش احفظ منها تفاصيل لأن الورقة اتقطعت بعد كده. وانا كنت لسه دافع حوالي 400 للونش فقلتله انا مش هدفع حاجة. وفضلنا نتناقش شوية فلما دخلت المضوع اني لو دفعت مش هبقي مسامح ف ولا مليم الراجل قطع الفاتورة بتاعة الحساب وقللي انا مش هاخد منك حاجة في اللحظة دي حسيت اني ع الأقل لازم ادفع تمن الأجزاء اللي اتركبت في العربية واللي مكنتش فيها من البداية زي السيور مثلا..فهو رفض المهم بعد جدال طويل اقترح هو اقتراح انا مكنتش متوقعه وهو اني اشوف انا مسامح فكام ممكن اديهوله واتبرع بيه ف أي سبيل للخير ولو ليه نصيب هيروح له حسنات وانا لو ليا حق هاخده حسنات ومشترطش عليا مبلغ معين وبصراحة انا مكنتش مستسيغ الحل دا من البداية او مستغربه شوية ففضل يقنعني ان دا اسلم حل مادام الموضوع فيه شبهة وربنا هو اللي يقسم الفلوس دي بينا وانا وافقت علي الحل بعد جدال وعدم توقع الحل بالشكل دا يعني كأن الواحد كده كده ممكن يتصدق..فربنا يباركله بصراحة وانا مكنتش عايز اكتب التفاصيل دي بس عشان الناس تعرف الحقيقة وعشان محدش يفترض سيناريو معين..واي اسئلة احنا ف الخدمة!!

[احمد فهمى]

انا خدت العربية علي ونش زي م قلت عشان خفت امشي بيها تحتاج عمرة كاملة ولا حاجة. فيه حد نصحني اني احطلها زيت واروح بيها بس انا محبتش اخاطر...
وصلت هناك علي الساعة 10 الصبح الصنايعية جم الساعة 11 بدأوا شغل الساعة 11 ونص بعد ما فكوا الوش طبعا الموتور كان مليان مية بعدين الوش راح المخرطة عشان يتكشط ويشوف ايه الجوان المناسب.
الوش اتأخر في المخرطة لغاية الساعة 7:30 مش عارف ليه؟؟؟المهم الوش اتكشط واتركب عليه جوان اسمه جرينجريد اعتقد وهو زي الكاوتشوك كده مش معدني قالولي انه احسن من المعدن عشان بيمنع التسرب وبيبقي قافل كويس..طبعا ف خلال الوقت دا كان واحد في ورشة الشيخ هيثم ماسك كل الهيد بتاع الموتور وقاعدة الموتور ومنطقة البساتم اللي كان فيها مية وغسل الأجزاء دي بالبنزين كويس جدا وشفط الميه اللي كانت في الموتور..
بعد الوش م وصل من المخرطة واحد هناك اسمه جمعة هو اللي اشتغل ف العربية قللي هنغير لك سير الكاتينة..-وانا من ساعة م جبت العربية مغيرتش السير ومعرفش اللي كانت معاه كان مغيره من قد ايه---المهم غير السير وركب الجوانات جوان وش التكيهات وجوان وش السلندر وركب فلتر زيت جديد وغير زيت 3000 وقللي الزيت دا نظافة يعني لازم يتغير بعد 1000 مش اكتر من كدة..
جينا بقي لموضوع المية :طبعا كان كلام الشيخ هيثم ف البداية في سبب ان العربية جابت جوان هو ان احنا غيرنا الرادياتير وكبسنا فلما دورة المياة اتحكمت طبيعي ان اللي يضرب هو اضعف جزء فيها واضعف جزء في الوقت دا كان هو جوان وش السلندر قلتله وانت مكشفتش علي الدورة كلها ليه؟؟ فقللي انا مينفعش افك وش السلندر لمجرد اني شاكك انه ممكن يضرب دي قصة كبيرة.
المهم اثناء فك وتركيب الوش قلت للشيخ هيثم دلوقتي الدنيا المفروض باينة قوي فمفيش حجة ان احنا بعد م نمشي من هنا نلاقي حاجة تانية حصلت قللي لا كدة كل الدورة واضحة قدامنا ومفيش خوف.
بعد التقفيل كبس واحد بيشتغل هناك اسمه جمعة دورة المية بجهاز عنده عشان يشوف لو فيه تسريب ولا حاجة فمكنش فيه تسريب فحتة الحمد لله وبعدين ظبط منسوب المية في القربة وقللي شغل !!
طبعا اول مشغلت لقيت دخان اسود من الشكمان فقللي دا طبيعي وفعلا مفيش عشر دقايق والدخنة راحت،،، قللي بعد يومين تلاتة لازم دورة المية تتغسل وتغير المية اللي فيها بمية خضرا وقللي الطبيعي ان المياة في القربة في اي عربية قديمة تقل كل كام يوم فتزودها بس مش بشكل كبير.
المهم جربنا العربية وكله تمام الحمد لله .
جينا بقي للحساب لقيت الشيخ هيثم جايب ورقة فيها حساب ب 800 ج بعد الخصم هههههههللأسف ملحقتش احفظ منها تفاصيل لأن الورقة اتقطعت بعد كده. وانا كنت لسه دافع حوالي 400 للونش فقلتله انا مش هدفع حاجة. وفضلنا نتناقش شوية فلما دخلت المضوع اني لو دفعت مش هبقي مسامح ف ولا مليم الراجل قطع الفاتورة بتاعة الحساب وقللي انا مش هاخد منك حاجة في اللحظة دي حسيت اني ع الأقل لازم ادفع تمن الأجزاء اللي اتركبت في العربية واللي مكنتش فيها من البداية زي السيور مثلا..فهو رفض المهم بعد جدال طويل اقترح هو اقتراح انا مكنتش متوقعه وهو اني اشوف انا مسامح فكام ممكن اديهوله واتبرع بيه ف أي سبيل للخير ولو ليه نصيب هيروح له حسنات وانا لو ليا حق هاخده حسنات ومشترطش عليا مبلغ معين وبصراحة انا مكنتش مستسيغ الحل دا من البداية او مستغربه شوية ففضل يقنعني ان دا اسلم حل مادام الموضوع فيه شبهة وربنا هو اللي يقسم الفلوس دي بينا وانا وافقت علي الحل بعد جدال وعدم توقع الحل بالشكل دا يعني كأن الواحد كده كده ممكن يتصدق..فربنا يباركله بصراحة وانا مكنتش عايز اكتب التفاصيل دي بس عشان الناس تعرف الحقيقة وعشان محدش يفترض سيناريو معين..واي اسئلة احنا ف الخدمة!!

وش السلندر ضرب من الكبس دي جديده عمتاً هيثم شيخ على نفسو بس وكون انو يجيبلك فواتير ب800 جنيه وهو شايف انك دافع ونش واتبهدلت رايح جاي ده اسمو تهريج ولعلمك كل الموضوع عربيتك كانت واخده هوا وده كان المفروض يخرجهولك من الدايره ويسيبها ساعه دايره بعد الريداتير ما اتغير ويتابع الوضع المهم الموضوع خلص