مساعده ضرورى فى غسيل دوره تبريد فيكترا b1

[ALI SOLIMAN]

انا ناوى اغسل دوره التبريد بتاعه العربيه بالجهاز بتاع الغسيل اللى فيه طرمبه ضخ وكنت عايز اعرف فين الخرطومين الداخل و الخارج عشان اغسل الدوره بالكامل

و سؤال تانى انا عايز اغير سويتش المراوح ومش عارف اجيب الاصلى و لا اجيب اللى لونه اصفر وعايز اعرف درجه حراره تشغيل السويتش الاصفر ولون السويتش الاصلى بيكون ايه

على العلم انا راكب عندى سويتش بتاع ال128 و بيشغل سرعه واحده بس


ياريت يارجاله تفيدونى

[احمد فهمى]

اغسل فى محطة بنزين افضل والسويتش موجود اصلى واستيراد

[ALI SOLIMAN]

اغسل فى محطة بنزين افضل والسويتش موجود اصلى واستيراد

ياريت لو تعرف عنوان محطه اغسل فيها ويكونو فاهمين شويه

والف شكر للافاده

[عمارمطر]

لازم يكون حد فاهم علشان تحافظ على وش السلندر سليم لان الميه البارده تاثر عليه والعربيه سخنه ومبطله لازم يكون حد فاهم

[A.Sattar]

متابع عندي نفس الموضوع

[ALI SOLIMAN]

لازم يكون حد فاهم علشان تحافظ على وش السلندر سليم لان الميه البارده تاثر عليه والعربيه سخنه ومبطله لازم يكون حد فاهم

انا غسلت قبل كده فى محطه وكان بيركب الجهاز و يشغل دوره المياه فى العربيه وهىا دايره (مش مربعه)

بس كانت بتبقى شغاله على السلانسيه ايدل يعنى

و المحطه دى قفلت و المشكله انا دلوقتى عايز محطه كويسه يكون حد جربها فى غسيل اوبل

او اى محطه مش معقول مفيش حد فى الموقع مغسلش دوره المياه بتاعه الاوبل

انا متابع يا رجاله

[فادى محمد]

لا بنغسل بس مش كل الناس بتروح للبنزينه. في منظفات بتضاف للدوره وتمشي شويه وبعدين تغير الميه ..
خلي بالك لو هتغسل في بنزينه , لازم تفك ترموستات الكوع لان ميه التنظيف مش هتبقي سخنه كفايه وبالتالي الترموستات هيقفل الدوره عن الرادياتير ! , مش هتستفيد . فكها وبعد الغسيل ركبها تاني طبعا. شفت جهاز التنظيف ده في بنزينه موبيل , اول شارع التحرير - الدقي .

[haisam ali]

انا غسلت قبل كده فى محطه وكان بيركب الجهاز و يشغل دوره المياه فى العربيه وهىا دايره (مش مربعه)

بس كانت بتبقى شغاله على السلانسيه ايدل يعنى

و المحطه دى قفلت و المشكله انا دلوقتى عايز محطه كويسه يكون حد جربها فى غسيل اوبل

او اى محطه مش معقول مفيش حد فى الموقع مغسلش دوره المياه بتاعه الاوبل

انا متابع يا رجاله

لا يامعالى الباشا كتير مننا غسلها .... بس ع ايديه ... على طريقه الاستاذ فادى محمد .... بجد ممتازة وفعاله جدا جدا

http://www.nilemotors.net/Nile/309504-a.html جرب وهتتبسط جدا باذن الله

[ALI SOLIMAN]

لا يامعالى الباشا كتير مننا غسلها .... بس ع ايديه ... على طريقه الاستاذ فادى محمد .... بجد ممتازة وفعاله جدا جدا

http://www.nilemotors.net/nile/309504-a.html جرب وهتتبسط جدا باذن الله

ربنا يباركلك يا باشا فعلا موضوع اكتر من ممتاز و هاعمله النهارده والف شكر ليك ولكل الاخوه المشاركين

[haisam ali]

ربنا يباركلك يا باشا فعلا موضوع اكتر من ممتاز و هاعمله النهارده والف شكر ليك ولكل الاخوه المشاركين

خلى بالك من طبب الميه ياعلى ...... تحذييييييير لو العربيه عندك بتحط ميه حنفيه من زمان هيبقى فيه صدا كتير ..... والطبب بتاعت الميه دى هتخر منك .... جهز نفسك يبقى جنبك ميكانيكى تبعك عشان لقدر الله حصل حاجه

[ALI SOLIMAN]

خلى بالك من طبب الميه ياعلى ...... تحذييييييير لو العربيه عندك بتحط ميه حنفيه من زمان هيبقى فيه صدا كتير ..... والطبب بتاعت الميه دى هتخر منك .... جهز نفسك يبقى جنبك ميكانيكى تبعك عشان لقدر الله حصل حاجه

الف شكر ليك يا هندسه , بس انا مغير الريدياتير من صاحب العربيه من 4 شهور و المشكله عندى فى وساخه مجارى المكنه عشان استيراد ووسخه خالص و غسلتها من شهرين غسله اى كلام عشان الصنايعى كان جحش

و قعد يحرق على المكنه لغايه ما الRPM جاب الاحمر وعلق المكنه على السرعه دى عشان يخلى طرمبه الميه تدور بسرعه بس للاسف حرقلى طرمبه الباور و اتخانقنا و مكملتش غسيل

ولو رايك انى اعمل بنصيحتك ياريت تقولى عشان انا حاطط الطشت تحت التكييف و بملى ميه مقطره وناوى بكره اغسل

وربنا يباركلك ومانتحرمش من دماغك

[haisam ali]

شكرًا جدا لزوقك ياعلى ولكن :-

اولا انا مش هندسه خالص .... انا هنا فى المنتدى بطبش اخر حاجه يعنى كله اجتهادى ومن خبرات الناس الكبيره بتاعتنا زى الاستاذ احمد فهمى والأستاذ محمد طنانى والأستاذ فادى محمد والأستاذ عمرو السيسى فيعنى اعتبرنى كده زيك بالظبط .

ثانيا انا قصدى على طبب الموتور .... ولازم برضه تخلى بالك لأنهم ٩٠٪ هيجيبوا ميه فلازم تجهز نفسك انك رايح لميكانيكى

ثالثا وده الأهم يامعالى الباشا ... الموضوع ده بجد يستاهل تعب العناء وبجد هتتبسط اوى منه والعربيه هتفوق منك جدا والحرارة هتتظبط اوى

الف شكر ليك ولزوقك ودعواتك دايما للناس اللى بتفيدنا اوى اوى كده من غير اى مقابل

[ALI SOLIMAN]

شكرًا جدا لزوقك ياعلى ولكن :-

اولا انا مش هندسه خالص .... انا هنا فى المنتدى بطبش اخر حاجه يعنى كله اجتهادى ومن خبرات الناس الكبيره بتاعتنا زى الاستاذ احمد فهمى والأستاذ محمد طنانى والأستاذ فادى محمد والأستاذ عمرو السيسى فيعنى اعتبرنى كده زيك بالظبط .

ثانيا انا قصدى على طبب الموتور .... ولازم برضه تخلى بالك لأنهم ٩٠٪ هيجيبوا ميه فلازم تجهز نفسك انك رايح لميكانيكى

ثالثا وده الأهم يامعالى الباشا ... الموضوع ده بجد يستاهل تعب العناء وبجد هتتبسط اوى منه والعربيه هتفوق منك جدا والحرارة هتتظبط اوى

الف شكر ليك ولزوقك ودعواتك دايما للناس اللى بتفيدنا اوى اوى كده من غير اى مقابل

الف شكر ليك ياباشا انا خدت بنصيحتك وحطتيتش اى منظفات انا بس غسلت الدوره بمياه مقطره من التكييف وخلاص و زى الفل

ربنا يباركلك