المهندس قالى عربيتك راكبها عفريت

[KHALED AYMAN]

يا جماعه انا عربيتى استرا 2006 مصرى فى بخار بيتكثف على الزجاج الامامى فوق فتحه التكيف على طول ده طبيعى لو التكيف شغال بس انا بكون مش مشغل التكيف خالص و متاكد انه مقفول بس البخار ده بيظهر برضه اانا مش بشوفه طالع من التكيف بس بشوف الزجاج رحت التوكيل(منصور فى طنطا) المهندس قالى مش عارف مفيش حاجه تخلى البخار ده يظهر هنا عربيتك دى راكبها عفريت.................... و بعدين قالى ان فى حلين مفيش غيرهم
1- اغير السربنتينه بتاع التكيف.
2- يلغى التكيف السخن بس انا مش عارف هيلغيه ازاى.
هو يا جماعه فعلا مفيش حل غير كده و لا فعلا فى عفريت راكب العربيه ابخرها و خلاص:k41:.

[Qamar]

كان اكرم له يسكت او يستعين برأي أي حد معاه. أعتقد ان حضرتك المفروض تشوف مركز صيانة (توكيل) آخر. ما تسيبش واحد بتاع عفاريت يفتي في عربيتك. والا هيستدعي شيخ يصلحهالك.

[KHALED AYMAN]

هههههههه شكرا على النصيحه بس انا المفروض اعمل صيانه 110000 كم ايه رايك فى منصور اللى على الصحراوى؟؟؟؟؟؟؟؟ دجالين برده؟؟؟؟؟

[ENG\AHMED]

يا جماعه انا عربيتى استرا 2006 مصرى فى بخار بيتكثف على الزجاج الامامى فوق فتحه التكيف على طول ده طبيعى لو التكيف شغال بس انا بكون مش مشغل التكيف خالص و متاكد انه مقفول بس البخار ده بيظهر برضه اانا مش بشوفه طالع من التكيف بس بشوف الزجاج رحت التوكيل(منصور فى طنطا) المهندس قالى مش عارف مفيش حاجه تخلى البخار ده يظهر هنا عربيتك دى راكبها عفريت.................... و بعدين قالى ان فى حلين مفيش غيرهم
1- اغير السربنتينه بتاع التكيف.
2- يلغى التكيف السخن بس انا مش عارف هيلغيه ازاى.
هو يا جماعه فعلا مفيش حل غير كده و لا فعلا فى عفريت راكب العربيه ابخرها و خلاص:k41:.

هو لو سكت كان اكرملة اية علاقة السربنتينة اللى هى بعيد عن الزجاج اصلا باللتكيف السخن !
بخار المية على الزجاج من جوة ولا برة وامتى بيظهر؟؟

[MoToRiZeR]

حلو أوي راكبها عفريت دي بصراحة مهندس بروفيشنال جداَ !
و الله دي حاجة زي الفل !! كان أكرمله يسكت فعلاَ

يا ريت تغير مركز الخدمة زي ما الإخوة قالولك .

[KHALED AYMAN]

البخار ده بيظهر من جوا و على طول مش فى وقت معين وانا فعلا مش رايح منصور فرع طنطا تانى خالص حتى لو هزود العجل لان ده مش اول حاجه يطلعو مش عارفينها

[ENG\AHMED]

البخار ده بيظهر من جوا و على طول مش فى وقت معين وانا فعلا مش رايح منصور فرع طنطا تانى خالص حتى لو هزود العجل لان ده مش اول حاجه يطلعو مش عارفينها

العربية مقفولة ولا لأ ؟؟ والجو بارد ولا لأ ؟؟

[KHALED AYMAN]

مقفوله او مفتوحه وصيف و شتا العربيه بقالها سنه بس على فكره الموضوع ده اختفى فتره ورجع تانى باين المهندس عنده حق هههههههه

[M.Mokhtar]

انا شايف ان حكايه انه يلغى السخن ممكن تفيد
الموضوع ده سهل جدا
انت عندك فى صدر العربيه خرطومين واحد داخل للكابينه وواحد خارج منها بياخد المايه السخنه ويخرجها تاني عشان يسخن التكييف
هو بيوصل الخرطومين دول ببعض من بره عشان مفيش مايه تدخل للكابيه خالص

ممكن لو فى تسريب او خرطوم بيسخن يعمل البخار ده

[telatfy]

لو مياة الردياتير بتقل ذلك يعنى ان هناك تسريب فى داخل السيارة من السخن

[shady_elkady]

مافيش حاجة بدون سبب ممكن يكون فى مية بتتجمع فى الكول الى جو العربية و بتتبخر من الفتحات بتاعة ازلة الشبورة الى اخر التابلوة عند الزجاج

[KHALED AYMAN]

هو انا لو فصلت السخن التكيف مش هيكون بيشتغل سخن تانى لو كده مينفعش لانى بحتاجه

[ENG\AHMED]

مقفوله او مفتوحه وصيف و شتا العربيه بقالها سنه بس على فكره الموضوع ده اختفى فتره ورجع تانى باين المهندس عنده حق هههههههه

فى مية فى ارضية العربية او بتحس بسخونة زيادة جوة العربية؟؟

[KHALED AYMAN]

مفيش ميه بس فى ساعات سخونه تحت الدركسيون

[S H @ F T]

روح لحد يراجعلك على بوابات التكييف
انت كدة عندك بوابة بتفتح على طول