إعـــــــلان

Collapse

.

,
See more
See less

للاسف تحولت من المانى الى كورى بيور

Collapse
X
 
  • Filter
  • الوقت
  • Show
Clear All
new posts

  • للاسف تحولت من المانى الى كورى بيور

    طبعا عارفين حضراتكم انى اشتريت ليجانزا 1999
    و لسة الاوبل فكترا اللى معايا قاعده فى قرابيزى
    و اتباعت لمدة اربع ساعات و نظرا لان المشترى كان راجل محترم و بالرغم من ان الشرط الجزائى كان 2000 جنية فى العقد
    و لكنى استحرمت و رجعتله فولسه كلها
    و بعدها بحوالى 5 ايام جة واحد و عملنا بدل فى العربيات مفتاح = مفتاح
    من غير زعل يا رجالة
    عربية هيونداى اكسيل 1500 سى سى موديل 1997 اتوماتيك
    و للاسف تانى مرة كل ما اقول لحد - يقولى انت اللى كسبان حتى الميكانيكى بتاعى امبارح - قالى سوق الاوبل فى الصعيد بقى فى الارض - و تخيلوا الفكترا 95 اليومين دول بتعمل من 28 : 38 للعربية الفبريكة الفورة اللى ملهاش حل
    فعلا هم يبكى و هم يضحك
    و قولت فى سرى خلاص اجيب الاكسيل و اخليها لمراتى و خلاص
    قطع غيار العفشة الامامية للمعرفة
    فردة مقص كورى اصلى 260 جنية
    فردة مساعد كابا يابانى 325 جنية
    بيضة الطرف ( واحدة ) 45 جنية
    فردة كوبلن خارجى ( الواحد ) 115 جنية
    اويل سيل الكوبلن اللى فى الفتيس ( الواحد ) 10 جنية
    كاوتشه ميزان ( الواحدة ) 15 جنية
    و الغريب ان بالرغم من ان العفشة متدمرة و لكن العربية تمشى عادى و متحسش بحاجة
    اعتقد الاسعار ممتازة بالنسبة للاوبل

    ادعولى بالتوفيق

    و قبل ما انسى العربية عاملة
    244000 كم
    تكييف ممتاز اوى بس هوديها تتنضف التلاجة علشان كمية الهوا قليلة شوية
    كربراتير يعنى ( بنزين 80 لو اتوجد )
    الموتور سهل سهل فوق الخيال
    الحمد لله الذى عافانى مما ابتلى به غيرى

  • #2
    اخلص منها حتى لو هتخسر فيها
    من الاخر الاوبل عربية محترمة جداااااااااااا وتحفه اذا كانت مظبوطة لكن اول ما تفتح بوقها هتوريك النجوم فى عز الضهر
    انا اول ما اشتريت العربية فيكترا بى 1 وكنت مبسوط بيها جداااااا يدوب كام شهر كانت متلصمه ولا ايه مش عارف وبعدين بدأنا قصة العذاب على مدار سنة كاملة لحد ما غورتها
    [glow=#bd2f2f]اللهم لك الحمد كما ينبغى لجلال وجهك وعظيم سلطانك[/glow]

    Comment


    • #3
      بالتوفيق مع انى شايف قطع الغيار على الاكسيل غاليه ده الاكسنت ارخص من كده والمهم بعد كده بيع الاكسيل سهل وبدلها لو حبيت تخرج منها
      [RIGHT][B][FONT=Impact]أحمد فهمى[/FONT]
      [/B][/RIGHT]

      Comment


      • #4
        فعلا الاكسيل وقت ما تيبع هتتباع علي طول و بالتوفيق
        Omar El-Gezeiry

        Comment


        • #5
          انا اشتريت فيكترا بي 1 ب49000 وفتحت في المصاريف جبتلها كنترول وغيرت معظم الضفيره ورادياتير وبطاريه وصلحت التكييف من الالف للياء وجبتلها كاوتشات وغيرت 90% من العفشه وطرمبه بنزين وعملتلها طقم سرفيس كامل وغيرت الكبالن كل الكلام ده في ست شهور دول اللي فاكرهم مش عارف صرفت ايه تاني المهم قررت ابييع العربيه سنه علشان تتباع اعلي سعر سمعته 44 طبعا انا قلت مستحيل ابيعها بالسعر ده طبعا ماسمعتش السعر ده تاني ولما بدأت تفتح تاني في المصاريف بعتها ب40 بس اللي بيسألني بعتها بكام بقول ب44 حفظا لماء الوجه

          Comment


          • #6
            ما المشكلةى يا صعيدى انا فكرت فى نفس الكلام
            و قولت فى نفسى حرام ابيع الفكترا بالاسعار الخزعبلية دى
            و لكن للاسف لو كملت العربية معايا من الممكن تفتح حاجة جديدة و الاقى نفسى عمال ادفع بواكى و السعر هو هو
            فعلى اية
            الاكسيل عربية زى الزقردة و عامله زى النحلة و لو اتظبطت و بقيت كويسه - خليها فى البيت - عمرها ما تضر
            و تتربى مع العيال
            ههههههههه
            الحمد لله الذى عافانى مما ابتلى به غيرى

            Comment


            • #7
              المشاركة الأصلية كتبت بواسطة احمد فهمى مشاهدة المشاركة
              بالتوفيق مع انى شايف قطع الغيار على الاكسيل غاليه ده الاكسنت ارخص من كده والمهم بعد كده بيع الاكسيل سهل وبدلها لو حبيت تخرج منها
              تخيل بقة
              قطع غيار الاكسيل اغلى من الاكسنت و من الفيرنا كمان
              بس خلى بالك اوى من ان كل قطع الغيار الاصلية الاصلية - حتى المساعدين يابانى و ليسو كورى
              الحمد لله الذى عافانى مما ابتلى به غيرى

              Comment


              • #8
                المشكله فى الالمانى عموما هى حالتة وقت الشراء لو اشتريت عربية حاله ممتاذة عمرك ما هتغير العربية اما معظم العربيات بتكون متهانة واول ما تشتريها تبتدى تلبس الخوازيق واحد ورا التانى وخوازيق الالمانى حامية نار انا اشتريت عربية 99 مانويل وكانت عامله 114الف وكنت متوقع انها زى الفل بس اول مشكله قابلتنى ان جلد الصبابات عايز تغيير روحت عند شكرى الحرامى بتاع المنصورة ومعاه واحد اسمه احمد بيكشف بالجهاز المهم عملته عندهم كلفنى الموضوع حوالى 1500جنية بما فيها سيور وكوعة المية وشويه اشتغالات وبعدها العربية بقت كويسة دخل الصيف لقيت مشكلة السخونة مع تشغيل التكييف غيرت المراوح وغيرت طلمبة المية وغيرت ضفيرة المراوح وروحت عند احمد بتاع التكييف غير فلتر الفريون والشجرة ومفيش فايدة العربية كنت شاريها ب49 وصرفت عليها فوق 12 الف ومشكله السخونية ما لقيتش ليها حل واخير اشتريت نيسان 2002 مانويل العربية ممتازة بصراحة من ناحية قطع الغيار وطبعا التكييف تحفة اول مرة اطفى التكييف وانا ماشى من البرد هى فى الثبات اقل من الاوبل بس بصراحة ارحم بكتييييييييييييييير المهم انا بعت الاوبل ب55 بس مش زعلان على الخسارة الحمد لله نزيف ووقف وللاسف صنايعية الاوبل بيفشخوا صاحبها مفكرين اننا ياما هنا وياما هناك

                Comment


                • #9
                  الف مبروك اولا يادكتور ولكن :-

                  أمانه عليك تخليك هنا .... يعنى اعتبر الليجانزا دى اوبل عامله نفسها دايو
                  انا اعرف ان الهيونداى اكسيل دى هيا هيا الميتسوبيشى عيون صفيه كامله مكمله موتور وعفشه بالظبط
                  ايه اخبار الكورى يادكتور ؟؟؟ حاسس بفرق عن الاوبل بلامانه ؟؟؟
                  وآسف للاطاله وربنا يخليك لينا
                  [SIGPIC][/SIGPIC]---------------------------------------------------------------------------------------
                  اللهم أحسن عاقبتنا في الامور كلها وأجرنا من خزي الدنيا وعذاب الاخرة...

                  اخوكم :- هيثم على

                  Comment


                  • #10
                    المشاركة الأصلية كتبت بواسطة cayman69300 مشاهدة المشاركة
                    تخيل بقة
                    قطع غيار الاكسيل اغلى من الاكسنت و من الفيرنا كمان
                    بس خلى بالك اوى من ان كل قطع الغيار الاصلية الاصلية - حتى المساعدين يابانى و ليسو كورى
                    لأن معظمها قطع غيار ماذدا 323 القديمه
                    [RIGHT][B][FONT=Impact]أحمد فهمى[/FONT]
                    [/B][/RIGHT]

                    Comment


                    • #11
                      أحمد فهمى
                      انت و فادى تسكوتوا و تطلعوا بكلام من الاخر
                      بسم الله ما شاء الله عليكم
                      فاهمين اوى
                      الحمد لله الذى عافانى مما ابتلى به غيرى

                      Comment


                      • #12
                        ربنا يوفقك للافضل طبعا

                        Comment

                        Working...
                        X