بمناسبة مخالافات حزام الامان

[sameh_se]

السلام عليكم ورحمة الله وبركاته

كان عندى سؤال محيرنى و جه وقته .
انا عندى مكان القفل بتاع حزام الامان ( الراس الى بيدخل فيها الحزام الى تحت موش البكرة الى فى القايم ) بايظ او بمعنى مكسور فبالتالى الحزام موش شغال
وطبعا مع التدقيق على مخالافات الحزام اليومين دول بقت مشكلة
السؤال هنا القفل دة ممكن يتغير استيراد مثلا ولا جديد حتى او يتصلح
وهل هوا بيتفك ولا ملحوم فى العربية .
افيدوان افادكم الله
وشكرا على الاهتمام .

[o0Hanafi0o]

الحق اعمله علشان الحاجات ديه هتغلى اوى الفتره الجايه زى ما حصل زمان حليه الحزام الى كانت ب 20 جنيه وصلت 100 و 200 قبل كده فالحق اعمله بدرى بدرى كده

[sameh_se]

الحق اعمله علشان الحاجات ديه هتغلى اوى الفتره الجايه زى ما حصل زمان حليه الحزام الى كانت ب 20 جنيه وصلت 100 و 200 قبل كده فالحق اعمله بدرى بدرى كده

مهوا دا الى بقول علية بيتغير ازاى او اصلحة ازاى .

[A.Saad]

هتلاقيه مثبت فى الارضية او الكرسى
بيتغير
ممكن يكون خياطة او متركب بصامولة
شوف سروجى نضيف

[Ahmedmahereng]

بيكون متركب بصاموله ... اشتري واحده و جربها على الحزام الاول بعدين فك و ركب و السروجى اللي يعمل كدا

[ENG.MaRk]

تركيبها سهل عند أي سروجي (محترم) ... مجرد صامولة فك و ركب و مش غالية بس الحق نفسك بسرعة

[sameh_se]

با شباب انا سمعت ان الحزام منظوزة متكاملة موش مجرد اللوك الى بيقفل على الحزام بس الكلام دة مظبوت ولا اية .

[احمد فهمى]

اشتريه استيراد وراكب بمسمار عادى فكو

[Ahmedmahereng]

با شباب انا سمعت ان الحزام منظومة متكاملة موش مجرد اللوك الى بيقفل على الحزام بس الكلام دة مظبوت ولا اية .

هو انا بيتهيألي كدا برضه ان الحزام و اللوك لازم يكونوا بتوع بعض بس مقدرش اجزم بكدا سواء دي حقيقه او ممكن تكون مجرد واحده من افتاءتنا كشعب محب للفتي

[ozy2026]

لو ملاقيتهوش ياسيدى
ممكن تركب الحزام بتاعك فى الكرسى اللى جمبك
او تبدلهم مع بعض
او تاخد واحد من بتوع الكنبه