إعـــــــلان

Collapse

.

,
See more
See less

تجربتي مع Mobil 1 New Life 0W40

Collapse
X
 
  • Filter
  • الوقت
  • Show
Clear All
new posts

  • تجربتي مع Mobil 1 New Life 0W40

    السلام عليكم يا رجالة....
    جيتلكوا النهار ده بتجربة زيت موبيل 1 0W40 للأسترا ال2004 البرازيلي.
    نبتدي بالزيت اللي قبله.....كان فالفولين engine armour 5w40 وكان كويس جداً.....صوت الموتور كان عادي أوعالي شوية بس مش بشع يعني وسحب العربية كان جميل جداً جداً جدأً وفعلاً مكنتش بحس أنها تقيلة خالص بالعكس كنت بحسها رشيقة والموتور جامد عليها (يمكن عشان خدت عالاسترا الجديدة وعرفت يعني إيه عربية تقيلة).
    والصراحة مفيش زيت موتور ظبطلي العربية زي الشيل هيلكس الترا 5w40.....ومش عارف إيه اللي خلاني اغيره اساساً....بس فعلاً شيل أحسن زيت موتور جربته. الفالفولين حلو بس مش زي الشيل في نعومة الموتور والصوت وإستهلاك البنزين والأهم التنظيف....شيل كان بينظف بطريقة مفيش زيها فعلاً.

    نيجي بقه للموبيل
    والله عشان الحق يتقال الموتور كإهتزازات نعم خالص وبقه هادي جداً...بس صوته زي ماهو (مقارنة بالفالفولين) يمكن أعلي شوية بسيطة.
    السحب بقه احسن من فالفولين بحاجة بسيطة في الطلعة بسسسسسسس يعني الموتور من 750-4000 لفة بقه انعم وبيشد اجمد حاجة بسيطة.....بس بعد كده صوته بيعلي أويييييييييييييي وسحبه مش قد كده....يعني السحب عاللفات العالية للموتور ضعفت عن الفالفولين زائد الصوت العالي.
    انا لما كنت بعمل kickdown بالشيل وأوصل الموتور ل6000 لفة...مكنش حد بياخد باله أصلاً من كتر صوت الموتور اللي مش طالع......بالفالفولين سعات يبصه وسعات لأ.....بالموبيل كله بيلف يشوف مين الروش اللي عامل فيها دكر ده.....ودي حاجة مش حلوة خالص.....أكتر حاجة بكرهها أن صوت الموتور يبقي عالي...خصوصاً علي اللفات العالية.
    بس الزيت فعلاً خفيف جداً وبينظف كويس والمهم أنه نعم الموتور وقلل الإهتزازات. فأعتقد أنه زيت كويس جداً...خصوصاً للأوبل الجديد زي الاسترا والإتسيجنيا لأنهم محتاجين زيت خفيف جداً....بس برضه الشيل أحسن والفالفولين الEngine Armour أحسن بس في نفس الوقت اتقل ومش مطابقين للمواصفات المطلوبة للأوبل الجديد.
    وأنا ممشتش عليه كتير خالص علي فكرة...هما 100 كيلو بس....بس حبيت انقل التجربة علي طول عشان الإختلافات بين الزيت القديم والجديد.
    وأسف عالإطالة ويا رب اكون افدتكم.

  • #2
    مشكور للأفاده ياباشا بس طبعا الزيت بيختلف من عربيه لعربيه على حسب الماتور ومش اى زيت ينفع لأى ماتور
    تحياتى
    [SIGPIC][/SIGPIC]

    Comment


    • #3
      كلام منطقي إلي حد كبير جدا
      ميزه الزيت دا بيوصل لكل اجزاء الموتور ف جزء من الثانيه عند الدواره الصبح و دي ميزه رهيبه ف الشتاء .. مبروك الزيت و تابعه كل 2000 كم
      D R . A D N F A L C O N

      Comment


      • #4
        المشاركة الأصلية كتبت بواسطة mahmoud kamal مشاهدة المشاركة
        مشكور للأفاده ياباشا بس طبعا الزيت بيختلف من عربيه لعربيه على حسب الماتور ومش اى زيت ينفع لأى ماتور
        تحياتى
        المشكلة ان في ناس بتسمع كلام الصنايعية لما يقوله هحطلك زيت 10.
        وطبعاً ولا يعرف الزيت ده مطابق لمواصفات الشركة الأم اللي صنعت الموتور ولا لأ....هو زيت 10 بالنسباله كفاية.
        و شكراً للرد.

        Comment


        • #5
          المشاركة الأصلية كتبت بواسطة adnfalcon مشاهدة المشاركة
          كلام منطقي إلي حد كبير جدا
          ميزه الزيت دا بيوصل لكل اجزاء الموتور ف جزء من الثانيه عند الدواره الصبح و دي ميزه رهيبه ف الشتاء .. مبروك الزيت و تابعه كل 2000 كم
          الله يبارك فيك يا باشا....وده لازم اتابعه كويس جداً لأن موبيل سمعته انه بيتبخر بسرعة جداً....فانا هفضل وراه كده وإن شاء الله ابلغكوا إذا كان تبخيره عالي ولا ماسك نفسه.

          Comment


          • #6
            طب مجربتش كاسترول ايدج ليه انا بقارن بينه وبين فالفولين ولسه مستقرتش
            ما بين تسلمـ الايادي و تتشل الايادي .. هناك ايادي مش لاقية تاكل !!
            أفيقوا يرحمكم الله

            Comment


            • #7
              بس الزيت ده عايز بلاد الجو فيها مش حر وانا منصحش بيه الصراحه وتجربتك حتبينلنا
              الزيت في اوله مش مقياس
              اخوكم عبدالرحمن حجاج

              Comment


              • #8
                المشاركة الأصلية كتبت بواسطة mahmoud_ali مشاهدة المشاركة
                طب مجربتش كاسترول ايدج ليه انا بقارن بينه وبين فالفولين ولسه مستقرتش
                معجبتنيش المواصفة بتاعت الكاسترول والفالفولين كويس جداً بس الEngine Armour 5w40

                Comment


                • #9
                  المشاركة الأصلية كتبت بواسطة hagagatc مشاهدة المشاركة
                  بس الزيت ده عايز بلاد الجو فيها مش حر وانا منصحش بيه الصراحه وتجربتك حتبينلنا
                  الزيت في اوله مش مقياس
                  مش شرط يا باشا......مش معني انه خفيف يبقي مش كويس في الحر.

                  طب ليه إحنا بندفع فلوس كتيرة في زيوت متعددة الللزوجة ؟؟؟ ال0W40 هو نفسه ال10W40 وال15W40 في الحر....لأنهم كلهم 40....و الفرق إن ال0w40 ده بيقي خفيف جداً الصبح في السقعة بس مش معناه أنه بيخف أوي في الحر لدرجة انه يبقي وحش.....في عوامل كتيرة جداً فنية في الموصوع ده.....هو أه خفيف الصبح بس بيفضل محتفظ باللزوجة حتي في الحر لأن المواصفة بتاعته عالية جداً.

                  أنا قبل مجيب أييييييييي زيت ببص عالمواصفات الفنية ليه واقرر علي اساها....زي
                  الViscosity Index ( الإحتفاظ باللزوجة خلال تعدد درجات الحرارة من الواطي للعالي....كل ما الرقم يبقي اعلي كل ميبقي أحسن...والموبيل 185...يعني عالي جداً)

                  الHTHS ( ده قياس الShearing بتاع الزيت علي درجة حرارة عالية في عمود الكرنك عالسبيكة......كل ما يعلي كل ميبقي أحسن.....والموبيل 3.8...عالي جداً برضه)

                  الkinematic viscosity (وده بقه لزوجة الزيت نفسه...مش ال0w ولا ال5w....ودول كويسين قوي في الموبيل)

                  ولو العربية جديدة لازم تبص عالSulfated ASh عشان لو عالي ممكن يبوظ الcatalytic converter....انا عشان الموتور قديم مصمم انه يستحمل لحد 1.6% والموبيل 1.3% فكويس جداً.....بس الاسترا الجديدة عايزة 0.6 % فحتي الموبيل ده مينفعش للأسترا الجديدة.

                  واكيد الزيت فاوله مش مقياس....بس أنا قلت أشوفه وهو في أحسن حالاته عشان نحكم هو هيضعف بعديها بقد إيه.
                  وشكراً للمشاركة

                  Comment


                  • #10
                    المشاركة الأصلية كتبت بواسطة mahmoud_ali مشاهدة المشاركة
                    طب مجربتش كاسترول ايدج ليه انا بقارن بينه وبين فالفولين ولسه مستقرتش
                    كاسترول افضل من الي سمعته من ناس كتيرة
                    وناوي اجربة
                    المهم يكون من مكان موثوق وانتاج حديث

                    Comment

                    Working...
                    X