زيت الفتيس

[الهواء]

انا عربيتى اوبل استرا موديل 2000 ، 1200 سى سى منويل وكنت غيرت الزيت بتاع الفتيس وسألت بعض الزملاء مشكورين قالولى تقريبا 2 كيلو تقريبا لزوجه 80/90 شل الميكانيكى كان عايز يحط 2.50 وانا قالتله لأ عشان انا واثق فى كلام الزملاء بس فى واحد قالى المفروض الميكانيكى يحط الزيت فى الفتيس لحد ما الطبه تنقط زيت يبقى تماما بس المكانيكى قالى لأ مش لازم الفتيس يتملى زيت لحد الاخر وفى حاجه تانى انا كنت حاسس انا الطبه من فوق كان عليها زى غطا جلد صغير بعد ماغيرت الزيت ماكانتش موجوده ودورت عند الميكانيكى ماقلتهاش هل فى حاجه جلد زى غطا صغير على طبه الزيت من فوق ولو حد غير زيت لنفس عربيتى مانويل كام كيلو وشكرا..... بس فعلا نصيحه لكل واحد ماغيرش زيت الفتيس بسرعه غير الزيت فعلا بينزل لونه متغير وبتحس بفرق كبير فى الفتيس بعد التغيير وبتحافظ على التروس ..

[mokhtarhany]

لازم الفتيس يتملى لحد ما ينقط من الطبة انا الكلام دة في كتالوج عربيتى byd

[ahmedfouad]

الف مبروك على الزيت الجديد وربنا يبارك

[احمد فهمى]

ايوا فى غطاء اسود بلاستك مش جلد ومخرم من تحت عشان ده فايظ الزيت ولازم تملا لحد ما الطبه تجيب زيت ومع مراعاة النسبه طبعآ

[silver88]

طب ممكن توضيح مكان الطبه عشان انا عايز ازود زيت الفتيس ومفيش صنايعي عارف مكانه

[bestlove2]

طب ممكن توضيح مكان الطبه عشان انا عايز ازود زيت الفتيس ومفيش صنايعي عارف مكانه

بتزود يباشا من مكان الفايظ لأن عندنا مفيش طبه فى بعض الناس بتقول عليها طبه لكن دا الفايظ مكانه تحديدا فى اخر البطارية من ناجية الموتور هتلاقى خرطوم المياه اللى جاى من الإربه هتلاقى الفايظ تحته متغطى بجلده فوقه وهوا تقريبا 17 او 19 مقاس المفتاح مش متذكر بالظبط لأنى كنت فى نفس حيرتك اسبوع كامل ادور عليه وحتى بتاع الزيت ميعرفش طريقه

[silver88]

الف شكر ياباشا